ROM AVANGCHI TENG Y PAWLA I CHA PA NAI 9:11 - Khumi Common Language Bible

¹¹ Naibaly deaungdi nini ai tapen y rai kha y, nini ly hawi nai hawi y nai so y i, atiti sa nai deaungkho y ny y naimy,

ROM AVANGCHI TENG Y PAWLA I CHA PA NAI 9:11 Iomraidhean Croise

SAM 51:5

Kai ly tapen khyp khala i dengdairei hawi y nai ne; amhm taku theung y deaungdi aneng khyp khala i my, kamngo awm bo.

ISAIA 14:24

Ati cheaungkhang sa thai nai keung Areng my vaineng abeu iy leu pei nai ly “Kai i dawn pasym yb naichi ly tym ai. Leu pacheang yb nai kamta ly tym takengkei ai.

ISAIA 23:9

Ati cheaungkhang sa thai nai keung Areng ne na a. Mymy ly nichi i paleung len nai sai nau hai vui ai ngai nai deaungkho y, nichi theung y tahm awm nai khumichi ai tahm pasang vui ai ngai nai deaungkho y, hina nai sa nai ne.

JEREMIA 51:29

Areng ly mymy i dawn tau naichi sa khyp nai deaungkho y, khaileaung ly amchyh na nai ne. Mymy ly Babulon mary ai khumi angso savai tlang nai meingtym lawm hai ai.

ROM AVANGCHI TENG Y PAWLA I CHA PA NAI 4:17

Abraham ly kadeichi ai paheng nai keung hawi, atiti awm y naichi ai ly awm nai kamta palawn nai keung, mymy i ym nai Tameuh i mei ka-niu y ly achi bawibawi i ampo ne. (Cheng neangneangchi i ampo y kang palawn bo, nanai tajiu nai kamta.)

EPHESI 2:3

Huni ym y nai chanauchi theung y ly kaichi py jangni y ly tlang hawi paleung i kangai sa iy, kaichi i tlang i ngai phi teng y naira y ly awm bebe veng; kaichi ly khumi takhrachi kamta khyp my kado theu nai chanau y tapen angchi yb veng nai chy bo;

EPHESI 2:9

atiti sa nai deaungkho y ny y leang, ti y baly ami my am-e lawh na.

EPHESI 3:11

Tameuh i cheng naira cheaungkhang ly palau takhra kamkawm i saho y pany hai pajau ai;

I THESALONIKA 1:4

Tameuh i ngai parai nai amjo amnauchi awi, mymy i nangchi ai ang vawi nai sai ly kaichi pany;

I THESALONIKA 2:12

nangchi leaung leaungrei ai pachei py kang pachei, awm py kang awm hai nem, leu py hawihai palai kang pany hai, nanai nangchi ly pany u veng bo.

II TIMOTHEI 1:9

mymy ly achi i atiti sa nai deaungkho y ny y naimy, mymy i khai rym nai hawi pahen nai kamta achi ai ang paheng iy, palau nai sai chai parai nai mang y ang palau; huni pahenra ly kani khaileaung palum y rai khala y my Krista Isu y ang pei nai bo:

TITA 3:5

achi i atiti kahawi sa nai deaungkho y ny y naimy, kangtha sa palai bi naira paju nai hawi, Phailo Kachai i kangtha sa palai bi veangveang nai deaungkho y mymy i pahen nai kamta khyp naimy ang paheng nai bo.

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.

II PETERA 1:10

Hunai deeaungkho y amjo amnauchi awi, ang palau nai hawi ang vawi takhra nai ly khaw hai ai nai atho angjeng nai tleaung y angjeng ra nai pathau u; nangchi ly huni atitichi sa baly mana khala y py atlym u y ai:

AMTENG HAI NAI 17:14

Hunichi ly Beram Cho ai tiu ai i, Beram Cho ly arengchi i Areng, samrangchi i Samrang ne nai deaungkho y nichi ai pajau ai: mymy teng y awm naichi py, palau nai, vawi takhra nai, ka-ym awm naichi ly pajau u teang ai,” napi.