ROM AVANGCHI TENG Y PAWLA I CHA PA NAI 8:3 - Khumi Common Language Bible

³ Naibaly tlang deaungkho y Reita ly ham y i sa pajau ai vuilam ny y nai ly, achi, tlang i reita y tako y naimy Phailo i reita y takho lawh nai keungchi y ly Reita leu khai rym nai ly sa angym naimy awm thai ai nai,

ROM AVANGCHI TENG Y PAWLA I CHA PA NAI 8:3 Iomraidhean Croise

Kati Nai 21:9

Naibaly Mosi ly kheupaja pavui myn sa iy teang tleaung y dang i, pavui my patiu nai ngierei ly kheupaja pavui myn ai khen baly dei y nai ne.

Kati Nai 28:22

Kamngo pahen nai katalamra y mi-i katai harei py talam ai nai tla. Hina nai kamta khumichi i vui reita leaungsai y kachai sa pi ai nai tla.

MARKA 15:27

Naibaly mymy hawi vanrei ly damra khumi leaung nyhrei ai py tahen teang, mymy i lamtang mang y leaungrei, langvawi mang y leaungrei.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

JOHAN 9:24

Hunaibaly mei kamju ai pa-nyh heang bi i mymy teng y, “Tameuh ai palo, huni khumi ly kamngo ne, nanai kaichi pany,” napi.

AMTAW 13:39

ami py ym nai ngierei ly ati cheaungkhangra y Mosi i Reita y eaung hai naira awm thai y nai ly mymy ly eaung hai bo.

ROM AVANGCHI TENG Y PAWLA I CHA PA NAI 3:20

hunaibaly Reita i atiti sa nai deaungkho y khumi ami py mymy i mei ka-niu y eaung naira nga ai nai by y leang; ati mana nai mo nabaly Reita deaungkho y kamngo pany angym ai naira awm nai ne lawh veng.

ROM AVANGCHI TENG Y PAWLA I CHA PA NAI 6:6

Hini ly achi pany, kamngo awm nai tlang ai ly tama hai thai iy, achi ly vai i dengdairei kamngo miseaung y awm y ai nai, achi i awm nai sai kangngym ly mymy teng y tahen nai awm teang bo.

ROM AVANGCHI TENG Y PAWLA I CHA PA NAI 7:18

Kai theung y (huni ly kai i tlang y ly, nanai sai ne), atiti kahawi ha py by y, nanai kapany; ngai naira ly kai theung y awm teu i py, atiti kahawi sa nai ly by y leang.

ROM AVANGCHI TENG Y PAWLA I CHA PA NAI 8:32

Mymy i Chapo kypkyp ai malawn py khai y nai, achi bawibawi i jeng y ang pei nai keung ly, mymy hawi atiti bawibawi jawm naimy ang pei teang y ai a?

ROM AVANGCHI TENG Y PAWLA I CHA PA NAI 9:3

Kai i amjo amnauchi, tlang mang i kai i chengchi i jeng y kai ly Krista teng i nai amprei vui iy, amsawi lawi nai pa-rei py kaawm iy khyly kangai kai ly.

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

KALATIA 3:13

Hunaibaly Abraham ai amtheaung hai naira ly Krista Isu y ly Cheng Takhrachi i tlang tleaung y awm thai ai nai, Krista ly achi i jeng y amsawi lawi nai ne i, Reita i pasawi naira i dengdairei achi ai atleu bo;

KALATIA 3:21

Naibaly Reita ly Tameuh i leu adeu naichi ai ly paka nai sai a? Ny y leang; Reita y ang paheng thai nai ly ang pei chum makho baly, hawi naira ly Reita deaungkho y awm takengkei ai nai tla.

PHILIPI 2:7

apakeu lawh iy, khumi kamta tapen i miseaung kamta amlawn bo.

HEBRAI 10:12

na i py ni ly deungtasarei i kavui kamngo nairachi i vui y apathyp naira harei talam nai bo y, Tameuh i lamtang mang y ateh lawh veng;

HEBRAI 10:14

Ati mana nai mo nabaly ni ly harei chy talam naira y my chai hai chum naichi ai deungtasa khrairei angym hai bo.

HEBRAI 2:14

Hunaibaly mymy ly dei naira i saho y dei naira ai aly peang nai keung (huni ly Diabola ne), tama hai thai ai nai hawi, dei naira ai jei nai deaungkho y heng nai sala y miseaung y awm nai bawibawichi ai ly lawi hai thai ai nai,

HEBRAI 2:17

Hunaibaly mymy ly khumichi i vui y kamngo tama hai naira lawn ai nai, Tameuh mang i atiti ra y ly pathyp pi nai keung kalen keh pahen parai nai hawi ka-ym awm parai nai lawn thai ai nai, cheaungkhangra y mymy i amjo amnauchi kamta awm ai nai ly mymy i vui aeang parai nai angchi yb nai ne.

HEBRAI 4:15

Ati mana nai mo nabaly achi ly achi i ham y nai sai dawn hai ai nai pany pajau y nai pathyp pi nai keung kalen keh ai ly ngo y leang; huna ny y naimy achi kamta parawi naira lam cheaungkhang avum teang nai, kamngo mang y so y nai ai nga nai teu.

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.