ROM AVANGCHI TENG Y PAWLA I CHA PA NAI 8:18 - Khumi Common Language Bible

¹⁸ Vai dymkhawn i patang nairachi ly vai mo mang y achi teng y nang parai naira amteng hai ai nai hawi pata nai lawn y, nanai kapalawn,

ROM AVANGCHI TENG Y PAWLA I CHA PA NAI 8:18 Iomraidhean Croise

AMTAW 20:24

Na i py kai i angpreng acham ai nai lam motawn angym ai nai hawi, Tameuh i pahenra Satang Kahawi pany hai ai nai, kai Areng Isu teng i krykeung kalop nga nai sa be ai nai ly kai i hengra tama ai nai kamawn y leang.

ROM AVANGCHI TENG Y PAWLA I CHA PA NAI 8:19

Atiti sa naichi bawibawi ly khrikhri pa-rei athang khai nai, Tameuh i chanauchi ai amteng ai nai ly khrikhri pa-ri ajeng na.

KOLOSA 3:4

Krista, achi i heng naira ly amteng nai neng khala y ly nangchi py mymy hawi nang parai nai theung y amteng u teang ai.

II THESALONIKA 2:14

hunira y ly nangchi ly achi i Areng Isu Krista i nang parai naira nga thai ai nai, mymy ly kaichi i Satang Kahawi thui pi nai y nangchi ai ang palau.

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

HEBRAI 11:35

Neampachychi my nichi i kadeichi ai angthau bi naira y nga teang; khumi takhrachi my khri pa-rei ana patheng paang nai, angthau bi naira hawi tleaung hawi ra nga u thai ai nai lawi naira ly ngai y leang bo;

I PETERA 1:13

Hunai deaungkho y nangchi i paleung akry nai atyp u ly, Isu Krista amteng nai khala y ly nangchi ai nga hai ai nai pahenra mang y angym pa-rei athang khai u jojo.

I PETERA 4:13

huni ny y naimy nangchi ly Krista i patang naira y patang ahawi nai keungchi lawn nai deaungkho y kawn u: hunaibaly mymy i nang parai naira amteng nai khala y nangchi ly amo theu parai naimy kawn u teang thai ai.

I PETERA 5:1

Hunaibaly kai, miteaung keh ne teang nai hawi, Krista i patang naira niu nai hawi, amteng ai nai nang parai naira phy nga nai khumi ly nangchi theung y miteaung kehchi ai kang pachei:

I JOHAN 3:2

Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.