ROM AVANGCHI TENG Y PAWLA I CHA PA NAI 8:1 - Khumi Common Language Bible

¹ Hunaibaly vai ly Krista Isu y awm naichi i vui ly sum hai ai naira ha py by y leang bo.

ROM AVANGCHI TENG Y PAWLA I CHA PA NAI 8:1 Iomraidhean Croise

ISAIA 54:17

Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

Ezekiela 18:9

Ni ly leu pei naichi tangai iy kai i Reita leu pei naichi py hawihai palai sa patawm. Huni khumi ly khumi kahawi ne nai deaungkho y heng ai, nanai sa thai naira angym nai Areng my leu pei nai ne.

JOHAN 14:20

Huni kani y kai ly Ngaai teng y awm, nanai hawi, nangchi ly kai teng y awm, nanai hawi, kaimy nangmychi teng y awm nanai py nangmychi my pany ai.

JOHAN 15:4

Kai teng y awm u jo, kai py nangmychi teng awm jo ai. Changpi ly kreip angjyn y amtawm jo y baly mymy tlairei athai thai y nai kamta ly, nangchi py kaimy teng y awm jo y baly athai thai y leang.

JOHAN 5:24

“Meitang khypkhyp kang thui pi, ami py kai i leu thai iy, kai ai pato nai keung ai ym nai ngierei ly deungtasarei hengra nga bo, sum py sum y ai, na i py dei naira i nai theu iy heng naira y kun bo.

ROM AVANGCHI TENG Y PAWLA I CHA PA NAI 16:3

Priska nini Akuila, Krista Isu y kai i kalop sa ahawi nai, kai i vui y dei ai mawn y nai pa-rei sa vam nai, nini teng y ly kawn nai leu thui pi kyh;

ROM AVANGCHI TENG Y PAWLA I CHA PA NAI 16:7

Kai i miso Andronika nini Junia, kai hawi vanrei theaung tla hawi nai teng y ly kawn nai leu thui pi kyh; nini ly amtaw thau naichi theung y amyn amthang parai nai ne i, nini ly kai tleaung y Krista y awm manme nai ne.

ROM AVANGCHI TENG Y PAWLA I CHA PA NAI 5:1

Hunaibaly ym naira deaungkho y eaung naira nga iy achi ly achi i Areng Isu Krista i saho y Tameuh hawi aly naira nga bo;

ROM AVANGCHI TENG Y PAWLA I CHA PA NAI 5:16

Naibaly huni atiti jawm pei nai ly khumi leaungrei i kamngo nai deaungkho y atiti tym nai hawi atawm y leang teang; ati mana nai mo nabaly sum hai ai nai tara chih nai ly khumi leaungrei nai deaungkho y tym; na i py eaung hai ai nai atiti jawm pei nai ly kamngo neangneang nai deaungkho y tym lawh nai teu.

ROM AVANGCHI TENG Y PAWLA I CHA PA NAI 7:17

Hunaibaly kai i atiti kasa nai ly kaimy i kasa nai ny y leang bo, kai theung y awm nai kamngo my ly sa nai teu.

ROM AVANGCHI TENG Y PAWLA I CHA PA NAI 7:20

Hunaibaly kai ai ngai y nai kasa makho baly, sa nai keung ly kai ny y leang, kai theung y awm nai kamngo my ly sa nai teu.

ROM AVANGCHI TENG Y PAWLA I CHA PA NAI 8:11

Na i py Isu ai kadeichi theung i dengdairei pathau nai keung i Phailo ly nangmychi y awm baly, kadeichi theung i nai Krista Isu ai pathau nai keung my ly nangmychi y awm nai Phailo i saho y nangchi i tlang dei thai naichi ai ly ang paheng teang ai.

ROM AVANGCHI TENG Y PAWLA I CHA PA NAI 8:14

Ati mana nai mo nabaly Tameuh i Phailo my pahawi nai ngiereichi ly Tameuh i chanauchi ne.

ROM AVANGCHI TENG Y PAWLA I CHA PA NAI 8:2

Ati mana nai mo nabaly Krista Isu y heng naira phailo i reita my ly kamngo hawi dei naira reita i nai ly kai ai ang law hai veng bo.

ROM AVANGCHI TENG Y PAWLA I CHA PA NAI 8:34

pasum ai nai keung ly ami mo? Dei nai ly Krista ne; ne, mymy ai ly pathau teang veng bo; mymy ly Tameuh i lamtang mang y awm i, achi ai chiu ang sa pi nai keung ne teang.

ROM AVANGCHI TENG Y PAWLA I CHA PA NAI 8:39

atiti awm ai naichi, atiti sa thai nairachi, asang nairachi, thiu nairachi, atiti sa nai takhra lyh lyhchi my py achi i Areng Krista Isu y awm nai Tameuh i tamen naira hawi achi ai taprei thai y leang, nanai kai pany khypkhyp.

ROM AVANGCHI TENG Y PAWLA I CHA PA NAI 8:4

Tameuh my mymy i Chapo kypkyp ai ly kamngo awm nai tlang kamta apu nai, kamngo pathyp pi ai nai pato iy, tlang y ly kamngo ai pasum hai veng bo.

ROM AVANGCHI TENG Y PAWLA I CHA PA NAI 8:9

Na i py Tameuh i Phailo ly nangmychi y awm tatang baly, nangchi ly tlang i reita y awm nai ny y i, Phailo i reita y awm u nai teu. Na i py ami py Krista i Phailo by y nai khumi ly mymy i khumi ny y leang.

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

I KORINTH 15:22

Adam y ly khumi bawibawichi dei nai kamta ly, Krista y ly khumi bawibawichi ai ang paheng teang ai.

II KORINTH 12:2

Kai ly Krista i khumi leaungrei ai kapany, vai ly saneng holai palyhrei awm bo: mymy kypkyp ai ly pa-thom nai kani pri y la kalau bo (tlang y awm nai mo kapany y, tlang y ny y naimy awm nai mo py kapany y leang; Tameuh my pany.)

II KORINTH 5:17

Huni deaungkho y ami py Krista y awm baly mymy ly kangtha lawn bo; atiti kangngymchi ly tama vui bo; khen u cham, nichi ly kangtha lawn veng bo.

KALATIA 3:13

Hunaibaly Abraham ai amtheaung hai naira ly Krista Isu y ly Cheng Takhrachi i tlang tleaung y awm thai ai nai, Krista ly achi i jeng y amsawi lawi nai ne i, Reita i pasawi naira i dengdairei achi ai atleu bo;

KALATIA 3:26

Nangchi ly Krista Isu ai ym u nai deaungkho y Tameuh i chanau lawn u be bo;

KALATIA 3:28

Hunai ra y ly Juda khumi py Krik khumi py awm thai y leang, hunaira y ly miseaung py miseaung ny y nai py awm thai y leang, hunaira y ly neampachy py neampacho py awm thai y leang;

KALATIA 5:16

Hunaibaly kai ly kang napi; Phailo y tako u, hunaibaly nangchi ly tlang i ngai phi teng y nai patawm u y ai.

KALATIA 5:25

Achi ly Phailo y heng nai ne baly, Phailo y tako u teang sina.

EPHESI 1:1

Pawla, Tameuh i kangai y Krista Isu i amtaw thau nai my ly: Khumi kachai Ephesi avang y awm nai Krista Isu y ka-ym awm naichi teng y ly:

PHILIPI 3:9

Krista ai kanga thai ai nai hawi, amy i hawi naira ly (huni ly Reita i hawi naira) by y naimy, Krista ai ym nai deaungkho y hawi naira ly (huni ly ym nai deaungkho y Tameuh teng i hawi naira) nga lawh iy, mymy y kaawm lawh thai ai nai hawi,