ROM AVANGCHI TENG Y PAWLA I CHA PA NAI 7:22 - Khumi Common Language Bible

²² Kai i paleung tatang y Tameuh i Reita tleaung y kakawn lawh veng;

ROM AVANGCHI TENG Y PAWLA I CHA PA NAI 7:22 Iomraidhean Croise

JOBA 23:12

Kai ly Tameuh my leu pei nai kamta, kasa jojo nai ne. Mymy i ngai nai kamta tako nai ne; kaimy i kangai tako y leang.

SAM 1:2

Nichi ly Areng i leu pei naichi tangai iy vum kanithun dawn ryhpatyh naira y amo theu u reng.

SAM 119:111

Nang i reita leuchi ly kai i vui deungtasarei ne i, kai ai amo theu hai nai ne.

SAM 119:113

Kai ly nang i tlang tleaung y paleung adi adiu awm naichi ai kaniu ngai y; nang i reita leu ai ly paleung apei nai ne.

SAM 119:127

Kai ly nang i reita leu pei naichi ai muku tleaung y py, muku tangcheng tleaung y malawn py ngai keh nai ne.

SAM 119:16

Kai ly nang i reita tanynchi ai ngai; kai ly nang i leu pei naichi tami ai ny y.

SAM 119:167

Kai ly nang i thui parip pi naichi tangai bo; kai ly hunichi ai paleung apei nai ne.

SAM 119:174

Aw Areng, kai ly nang i atleu naira nga ai nai kadeaung jojo! Nang i reita ly kai ai amo theu hai bo.

SAM 119:24

Nang i thui parip nai saichi ly kai ai amo theu hai bo; hunichi ly kai ai lam patei nai ne.

SAM 119:35

Kai ly nang i reita leu pei naichi tangai nai deaungkho y, huni reita leu pei naichi atyp pajau ai nai sabawm kyh ba.

SAM 119:72

Nang i pei nai reita leuchi ly kai i vui khaileaung pri i muku tangka bawibawi tleaung y vang teng keh nai ne.

SAM 119:92

Nang i reita leu ly kai i vui amo theu naira lawm y lawh baly, kai ly kaimy i avum nai ngari kamtang molam y dei ai nai ne.

SAM 40:8

Kai i Tameuh, kai ly nang i kangai sa ai nai khri pa-rei ngai; nang i leu pei nai paleung theung y pateung me bo,” nanai kang takeng bi bo.

Solomon i khulym 5:3

Kai ly ateaungchi aleng yb veng bo; huna nai y ati mana amchiu teang ai mo? Kheuchi py pasi pajau veng bo; ati mana nai y chai hai y teang ai mo?

ISAIA 51:7

“Leu meitang pany nai khumichi awi, kai i patiu pi nai leu ai dawn thleng nai khumichi awi, kai i thui nai leu tangai u. Nangchi ai kangji kangai pei iy, khumichi my thui tamawn nai khala jei u mo?

Levi 13:39

pathyp pi nai keung ly huni khumi ai khen ai nai tla. Angvawi kaleung hup-hau lawh baly, nganpeihra man thai nai buhuthi teu i, ni ly reita leaungsai y chai nai ne.

JOHAN 4:34

Isu my nichi teng y, “Kai ai pato nai keung i kangai sa ai nai hawi, ni i kalop sa pajau ai nai ly kai i biu ne.

ROM AVANGCHI TENG Y PAWLA I CHA PA NAI 2:29

Na i py paleung theung y Juda khumi ne nai ly Juda tatang ne; naibaly lengkhym takip tatang nai ly paleung y takip nai ne, cha-iu leu y ny y naimy, phailo y ne; huni ly khumi i palo naira ngo y naimy, Tameuh i palo naira nga lawh.

ROM AVANGCHI TENG Y PAWLA I CHA PA NAI 8:7

ati mana nai mo nabaly tlang i ngai nai ly Tameuh ai tiu nai ne; huni ly Tameuh i reita anui y akhai y leang, akhai py akhai thai y leang:

II KORINTH 4:16

Hunai deaungkho y kaichi ly paha y leang; kaichi i angam mang i khumi ly rawp ryh rawp ryh teu i py, kaichi i theung mang i khumi ai ly kani tleirei kangtha sa ryh sa ryh nai ne.

EPHESI 3:16

Ampo, kani hawi khaileaung theung y awm nai cheaungkhangchi ai amyn pathi nai i mo y ly kai ly kheukhu di;

KOLOSA 3:9

nangchi ly khumi kangngym hawi mymy i atiti sa naichi hawi raurei leng vui iy khumi kangtha amthypu veng nai deaungkho y, ka-chawi athui u leungtang moh;

HEBRAI 8:10

Ati mana nai mo nabaly huni neng bo y ly Kai ly Israelachi dengtheung teng y leu maikawm khai nai ly hini ne he, nanai Areng my napi: Mymychi dawn naira y kai i leu pei naichi kapachei iy Nichi i paleung y py katajiu teang ai; Naibaly kai ly nichi i vui y Tameuh kalawn ai i, Nichi ly kaimy i vui y kai i khumichi lawn ai;

I PETERA 3:4

paleung y heu nai awm nai sai ly leu anui hawi neaung hawi nai paleung, mawn pajau y nai ateaung phai amthyp u; huni ly Tameuh i mei ka-niu y khri pa-rei vang teng nai ne.