ROM AVANGCHI TENG Y PAWLA I CHA PA NAI 7:14 - Khumi Common Language Bible

¹⁴ Reita ly phailo mang y asa nai ne, nanai achi pany; kai naini tlang mang y asa nai, kamngo i miseaung y ka-jo chum nai khumi ne.

ROM AVANGCHI TENG Y PAWLA I CHA PA NAI 7:14 Iomraidhean Croise

ATITI AWM ANGCHEI NAI 37:27

Ni ly achi hawi thi ngan kamji kypkyp ne i, mymy ai no pei y naimy Ismaela chengchi teng y phai jo u veng sina,” napi. Amjochi my py ngai u bawibawi bo;

ATITI AWM ANGCHEI NAI 37:36

Hunai thym khala Midian khumichi ly Josepha ai Aikupta pri i Potiphar teng y jo vui bo: Potiphar ly samrang ai typ nai keung tavailu leaungrei ne.

ATITI AWM ANGCHEI NAI 40:15

Kai ai Hebrai chengchi i pri i nai atho y my ang pahawi vui iy, hini Aikupta pri y kai ly theaung tla ai nai pa-rei tamang naira so y pui naimy theaung tla lawh nai ne,” napi.

1 ARENG KEH 21:20

Ahab ly Elija ai niu nai khala, “Kai i paleung ka-e awi, nang ly kai ai ka-vum sa nai a?” nanai deng. Elija my, “Avum bo, nang ly Areng i mei ka-niu y kamngo sa ai nai, nangmy ai nangmy akhai takhra nai deaungkho y, avum ai nai kang jeu nai ne,” napi.

1 ARENG KEH 21:25

(Areng i mei ka-niu y khri pa-rei kamngo sa nai Ahab kamta ly leaungrei py by y; ni i sa nai sai bawibawichi ly samrangnu Jezabela i pachei nai leu molam y ne.

2 ARENG KEH 17:17

Nichi ly mychi i cho chanauchi ai mynchi teng y apathyp u. Nichi ly vawinam pakun kawp naichi, leung kawp naichi teng y deng u iy, Areng i mo y hawi y nai kalopchi naini sa u nai deaungkho y, mymy ai kado patheu u nai ne.

JOBA 42:6

Hunai deaungkho y kai ly kaimy i katheu chum nai leuchi molam y, kaji naimy spryh hawi maidym theung y ateh iy, uikheih naira nga bo.

SAM 119:25

Kai ly sum i, spryhra y atlym nai deaungkho y, nang i adeu nai kamta heng ai nai pei kyh ba.

SAM 51:6

Nang ly leu meitang ai khrei nai deaungkho y, kai i paleung y cheng naira kawi angym hai bo.

LEU KACHENG 30:2

Kai ly khumi ny y. Tawnbawi hawi atawm keh nai ne. Khumi teng y awm ai avo nai cheng naira ly kai teng y by y.

LEU KACHENG 30:5

“Tameuh ly ka-ym awm nai ne. Mymy ly my teng y abyh nai khumi bawibawichi i vui khupui kamta ne.

ISAIA 50:1

Areng my, “Aju akhai vui nai neampacho kamta kai ly kaimy i khumichi ai kapatheu pawn bo, nanai nangchi athang khai u a? Huna nai akhai lawh baly, akhai nai chachi ly ma mang y awm mo? Amy i cho chanauchi ai miseaung y jo vui nai kamta, kai ly nangchi ai langheng palawn iy jo vui bo, nanai nangchi athang khai u a? Nangchi ai patiu iy hawi pawn nai avum u nai ly nangmychi i kamngolai ne. Nangchi ly nangmychi hawi y sa nai molam y ang patheu nai ne.

ISAIA 52:3

Areng my mymy i khumichi teng y, “Nangchi ai tangka hawi jo y teu i py, miseaung lawm u bo. Hunai kamta ly nangchi ai atleu nai py, vang tla ai ny y. Nangchi ly jawm naimy law tleaung naira nga u ai.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

Levi 13:12

Ni i nganpeih no ly lu i ka-so kheu mang y khrairei kawibiu na lawh baly,

Levi 13:16

Na i py ang vawi ly tha iy kaleung baly, ni ly pathyp pi nai keung teng y chei teang bi ai nai tla.

Levi 19:18

Ami ai vawitheung tha moh, paleung ka-e khai moh. Nangmy ai atamen nai kamta saleaung deaungpa ai py tamen ai nai tla. Kai ly Areng ne.

AMOS 2:6

Areng my, “Israela khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kalai pe pajau y nai khumi kahawichi hawi, phainai makengrei vang malawn py kalai pe pajau y nai khumi kamawnchi ai, miseaung y jo u bo.

MATTHAI 16:23

Naibaly mymy ly hi iy Petera teng y, “Setan! Kai i nithun mang y anaw la; nang ly kai i vui atlym ai naira ne; nang ly Tameuh i atitichi dawn y nai ly, khumi i atitichi dawn lawh nai ne na a hi ly,” napi.

MATTHAI 18:25

Naibaly mymy ly pei ai ati sai py by y nai deaungkho y yhmkeung my ly mymy hawi aju hawi chanauchi hawi, mymy i ati awm nai bawibawi py jo iy, pe ai nai leu pei bo.

MATTHAI 5:22

Na i py kai ly kang thui pi, ami py mymy i amjo amnau i tlang tleaung y kado theu nai ngierei ai ly tara chih ai nai avo; naibaly ami py mymy i amjo amnau teng y, ‘Nang ly ati sai py ny y,’ napi nai ngierei ai ly tara chih nai keungchi i mo y tym hai ai nai avo; naibaly ami py, ‘Nang ly kamthu,’ napi nai ngierei ai ly ngari angawm y aphi ai nai avo.

MATTHAI 5:28

Na i py kai ly kang thui pi, ami py neampachy ai ngai tahau nai khen seaung eng nai ngierei ly mymy i paleung theung y pajang sa nai bo.

LUKA 5:8

Naibaly Simon Petera ly huna nai niu baly Isu i kheukhu ahawi y ambeu iy, “Areng, kai ai khai su ba, kai ly khumi kamngo he,” napi.

LUKA 7:6

Hunaibaly Isu ly nichi hawi chei bo. Naibaly yhm y tym ai nai kasa baly tavaimi chungvairei lu ly ni teng y mymy i ahawichi ai pato i, “Areng jeu rai pailai y han sy, nang pui pui chaly kai i yhm y kun ai nai ataing y leang:

ROM AVANGCHI TENG Y PAWLA I CHA PA NAI 3:9

Tumbaly mana ai mo? Achi ly nichi tleaung y hawi keh lawh a? Ny y leang; Judachi hawi Krikchi ly kamngo i miseaung y awm bebe, nanai ly angchei kha y py kaichi kang thui pi chum veng bo.

ROM AVANGCHI TENG Y PAWLA I CHA PA NAI 6:6

Hini ly achi pany, kamngo awm nai tlang ai ly tama hai thai iy, achi ly vai i dengdairei kamngo miseaung y awm y ai nai, achi i awm nai sai kangngym ly mymy teng y tahen nai awm teang bo.

ROM AVANGCHI TENG Y PAWLA I CHA PA NAI 7:18

Kai theung y (huni ly kai i tlang y ly, nanai sai ne), atiti kahawi ha py by y, nanai kapany; ngai naira ly kai theung y awm teu i py, atiti kahawi sa nai ly by y leang.

KALATIA 4:3

Hunai kamta ly achi py deungdi khala y ly khaileaung pri i pakeungchi i anui i miseaung y awm.

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

Leu Thui Nai 6:5

Nangchi i Areng Tameuh ai ly nangchi i paleung verei hawi, nangchi i phailo verei hawi, nangchi i atho bawibawi hawi tamen ai nai tla.

HEBRAI 4:12

Ati mana nai mo nabaly Tameuh i leu ly heng i atiti sa thai, haisau bo nyhrei awm nai tleaung y py chiu i, hengra hawi phailo py, hiu lenglaw hawi aleng khawi takhra pa-rei thun pajau:paleung y dawn nai hawi tau naichi py chih praw thai nai ne.