ROM AVANGCHI TENG Y PAWLA I CHA PA NAI 6:4 - Khumi Common Language Bible

⁴ Hunaibaly Ampo i nang parai naira my Krista ai kadeichi theung i nai pathau nai kamta, achi py heng naira kangtha y tako thai ai nai, achi ly baptisma nga naira y mymy teng y up teang nai bo.

ROM AVANGCHI TENG Y PAWLA I CHA PA NAI 6:4 Iomraidhean Croise

JOHAN 11:40

Isu my ni teng y, “Nang ym baly Tameuh i nang parai nai sai niu ai, nanai kang tapi y a?” napi.

JOHAN 2:11

Isu my hini rengrang sa angchei nai ly Kalili pri Kanan avang y sa i, mymy i nang parai nai sai amteng hai bo; naibaly ni teng y abangnaichi ly mymy ai ym u bo.

AMTAW 2:24

Mymy ai ly deira my patawn pajau ai nai ly aveng nai deaungkho y, deira my kawm naichi ly Tameuh my su pi i pathau bo.

AMTAW 2:32

Hini Isu ai ly Tameuh my pathau bi bo, nanai kaichi bawibawi ly pany hai nai keung ne.

ROM AVANGCHI TENG Y PAWLA I CHA PA NAI 6:19

nangchi i tlang ham y nai sai deaungkho y khumichi i thui reng nai kamta kathui nai ne: nangchi ly nangchi i tlang kangpreichi ai ly chai y naira hawi taphra ra taphra ra ai naira teng y py au u nai kamta ly, vai nangchi i tlang kangpreichi ai ly chai thai ai nai hawi naira teng y miseaung y achei u.

ROM AVANGCHI TENG Y PAWLA I CHA PA NAI 6:3

Achi theung y Krista Isu y baptisma nga nai ngiereichi ly mymy i dei naira y baptisma nga nai ne, nanai nangchi pany y nai sai a?

ROM AVANGCHI TENG Y PAWLA I CHA PA NAI 6:8

Naibaly achi ly Krista teng y dei teang chum bo nabaly, achi ly mymy teng y heng teang ai, nanai achi ym;

ROM AVANGCHI TENG Y PAWLA I CHA PA NAI 6:9

Krista ai ly kadeichi theung i nai pathau i, dei ali bi y leang bo, nanai achi pany; deira my ly mymy i tlang tleaung y aly peang bi y leang bo.

ROM AVANGCHI TENG Y PAWLA I CHA PA NAI 7:6

Na i py cha tajiu nai kangngym kamta ny y naimy, phailo kangtha y atiti sa thai ai nai, achi ly vai ly ang patawn naira i nai dei chum iy, achi ai Reita i dengdairei ang patlaw bo.

ROM AVANGCHI TENG Y PAWLA I CHA PA NAI 8:11

Na i py Isu ai kadeichi theung i dengdairei pathau nai keung i Phailo ly nangmychi y awm baly, kadeichi theung i nai Krista Isu ai pathau nai keung my ly nangmychi y awm nai Phailo i saho y nangchi i tlang dei thai naichi ai ly ang paheng teang ai.

I KORINTH 6:14

Naibaly Tameuh my Areng ai ly pathau i achi ai py mymy i sa thai naira my pathau teang ai.

II KORINTH 13:4

Ni ly ham y nai deaungkho y tahen naimy awm veng, na i py ni ly Tameuh i atiti sa thai naira deaungkho y heng nai ne. Kaichi py mymy y ly ham y nai ne, na i py nangmychi mang y Tameuh i atiti sa thai naira deaungkho y kaichi ly mymy teng y heng teang ai.

II KORINTH 5:17

Huni deaungkho y ami py Krista y awm baly mymy ly kangtha lawn bo; atiti kangngymchi ly tama vui bo; khen u cham, nichi ly kangtha lawn veng bo.

EPHESI 4:17

Hunaibaly kai ly huna nai thui iy Areng y kang pany hai nai ne: Cheng Takhrachi i dawn rumrang nai tako nai kamta ly tako u bi moh; nichi i pany naira y ly veng nai ne;

EPHESI 5:8

ati mana nai mo nabaly nangchi ly jangni y kaveng ne, na i py vai ly Areng y ly kangvang lawn u bo:

KOLOSA 3:10

huni khumi kangtha ai ly pany angym naira nga hai ai nai, ni ai sa nai keung atawm khyp nai kangtha sa hai dudu nai ne;

KOLOSA 4:1

Yhmkeungchi awi, nangchi py kani pri mang y nangchi i yhmkeung awm, nanai pany iy, nangchi i miseaungchi i tlang tleaung y avo nai hawi amlau nai ryrei so u.

I PETERA 3:21

huni atawm hai nai baptisma ly Isu Krista i angthau bi nai deaungkho y vai ly nangchi ai paheng nai ne: huni ly tlang i anyng pachai nai ny y naimy, hawi nai hawi y nai pany naira kachai nga ai nai, Tameuh i mo y ahui nai ne lawh veng;

I JOHAN 2:6

“kai ly mymy teng y kaawm jojo,” napi nai khumi ly mymy i tako nai kamta khyp my tako teang ai nai tla.