ROM AVANGCHI TENG Y PAWLA I CHA PA NAI 5:10 - Khumi Common Language Bible

¹⁰ Achi ly paleung ka-e ne nai thym khala y malawn py mymy i Chapo dei nai deaungkho y Tameuh hawi aly naimy awm chum nai ne baly, achi ly aly naimy awm nai bo y ly mymy i hengra deaungkho y pahengra nga takengkei ai.

ROM AVANGCHI TENG Y PAWLA I CHA PA NAI 5:10 Iomraidhean Croise

2 NENG SATANG 29:24

Naibaly pathyp pi nai keungchi ly Israela cheng verei i vui kamngo lawira nga nai apathyp ai nai samrang my leu pei nai kamta, mi-ichi tleh iy, maicham salo y thi paleaung nai ne.

Ezekiela 45:20

Ami py ne sy, pany pacha y nai molam y py ne sy, cheng naira by y nai molam py ne sy, kamngo sa lawh baly, huni khumi kamngo lawi naira nga ai nai, huni lo si kani saryhrei kani y hina nai kamta sa ai nai tla. Nang ly hina nai kamta Achura yhm kachai khai ai nai tla.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

Levi 6:30

Na i py tawnbawi thi ly Tabynako angtheung y syn iy, kamngo pahen nai kapathypra y teaung baly, huni tawnbawi mawi ly cho moh; mai patawi vui ai nai tla.

JOHAN 14:19

Kra y nai sala y ly khaileaung prichi my kai ai niu ai ny y; na i py nangchi ly niu ai: kai ly heng nai deaungkho y nangchi py heng ai.

JOHAN 5:26

Ampo ly amy teng y hengra awm nai kamta ly, Chapo ai py amy teng y hengra awm ai nai pei bo:

JOHAN 6:40

Ngaai i kangai ly hini ne he: Ami py Chapo ai niu iy ym nai ngierei ly. deungtasarei hengra nga ai i, ni ai kani kangkhym y ly kaimy pathau ai,” napi.

JOHAN 6:57

Heng nai Ampo my ly kai ai pato i, kai ly ampo i saho y heng nai kamta ly, kai ai cha nai khumi kypkyp py kaimy i saho y heng ai.

ROM AVANGCHI TENG Y PAWLA I CHA PA NAI 11:28

Satang Kahawi mang y dawn baly nichi ly nangmychi deaungkho y paleung ka-e ne; vawi nai molam y dawn nai naini nichi ly pajochi deaungkho y ngai parai naichi ne.

ROM AVANGCHI TENG Y PAWLA I CHA PA NAI 5:11

Huni khyh py ny y leang, vai aly naira ang nga hai nai keung achi i Areng Isu Krista i saho y achi ly Tameuh y kawn teang nai ne.

ROM AVANGCHI TENG Y PAWLA I CHA PA NAI 5:6

Achi ly ham y nai thym khala y ly neng khyp nai khala y Krista ly khumi kamngochi i vui y dei pi bo.

ROM AVANGCHI TENG Y PAWLA I CHA PA NAI 8:32

Mymy i Chapo kypkyp ai malawn py khai y nai, achi bawibawi i jeng y ang pei nai keung ly, mymy hawi atiti bawibawi jawm naimy ang pei teang y ai a?

ROM AVANGCHI TENG Y PAWLA I CHA PA NAI 8:34

pasum ai nai keung ly ami mo? Dei nai ly Krista ne; ne, mymy ai ly pathau teang veng bo; mymy ly Tameuh i lamtang mang y awm i, achi ai chiu ang sa pi nai keung ne teang.

ROM AVANGCHI TENG Y PAWLA I CHA PA NAI 8:7

ati mana nai mo nabaly tlang i ngai nai ly Tameuh ai tiu nai ne; huni ly Tameuh i reita anui y akhai y leang, akhai py akhai thai y leang:

II KORINTH 5:20

Hunaibaly kaichi ly Krista i jeng y savai ne i, Tameuh my kaimychi ai teaung iy ang takeng, napi pajau; Tameuh hawi aly u, nanai Krista i jeng y kaichi kang takeng nai ne.

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

EPHESI 2:16

Naibaly kraws i saho y ly ado y naira ai padei vui nai deaungkho y, huni kraws i saho y tlang bomrei y nyhrei nai ai ly Tameuh hawi aly hai pajau teang ai.

EPHESI 2:3

Huni ym y nai chanauchi theung y ly kaichi py jangni y ly tlang hawi paleung i kangai sa iy, kaichi i tlang i ngai phi teng y naira y ly awm bebe veng; kaichi ly khumi takhrachi kamta khyp my kado theu nai chanau y tapen angchi yb veng nai chy bo;

HEBRAI 2:17

Hunaibaly mymy ly khumichi i vui y kamngo tama hai naira lawn ai nai, Tameuh mang i atiti ra y ly pathyp pi nai keung kalen keh pahen parai nai hawi ka-ym awm parai nai lawn thai ai nai, cheaungkhangra y mymy i amjo amnauchi kamta awm ai nai ly mymy i vui aeang parai nai angchi yb nai ne.

HEBRAI 7:25

Hunaibaly mymychi ai chiu sa pi ai nai mymy ly deungtasarei heng jojo nai deaungkho y mymy i saho y Tameuh teng y jeu naichi ai ly angym pa-rei ang paheng pajau.

I JOHAN 2:1

Bechi awi, nangchi ly kamngo so y ai nai hini leu ly nangchi teng y katajiu nai he. Ami py kamngo sa lawh baly, achi i Ampo teng y thui pi nai keung Isu Krista kahawi awm;

I JOHAN 4:10

Hinira y ly tamen naira awm, achi ly Tameuh ai tamen nai ny y leang, mymy ly achi ai ang tamen iy, achi i kamngochi ahui nai langseaung syn naira lawn thai ai nai mymy i Chapo ai ang pato nai teu.

AMTENG HAI NAI 1:18

“Jei moh; kai ly kangman keh nai hawi kangkhym keh nai hawi, heng nai keung py ne; kai ly dei i, na i py khen cham, deungtasarei i vui y kai ly heng teang nai ne, deira hawi tavaukho i sawchi py kai teng y awm.