ROM AVANGCHI TENG Y PAWLA I CHA PA NAI 4:15 - Khumi Common Language Bible

¹⁵ Reita ly kado theu naira sa lawh, Reita by y naira y naini taphra naira py by y.

ROM AVANGCHI TENG Y PAWLA I CHA PA NAI 4:15 Iomraidhean Croise

2 ARENG KEH 22:13

“Nangchi ly Areng teng y chei iy, kai hawi Juda khumi bawibawichi i vui, hini cha-iu theung y abawi nai leu pei naichi molam y deng u cham. Achi i amsi pajochi ly hini cha-iura i thui pi naichi so patawm y nai deaungkho y, Areng ly achi ai kado ang theu hai bo,” napi.

JEREMIA 4:8

Hunai deaungkho y paisiu akhiu iy vo tangam u. Ati mana nai mo nabaly Areng i khri pa-rei kado theu nai ly Juda pri mang y patyp jo rai nai deaungkho y ne.

TANGAM NAI LEU 2:22

Nang ly paleung ka-echi ai kaichi i tengpang sahawi y, ka-jei awm parai nai pawi sa ai nai palau bo. Nang i kado theu nai huni neng kani y ly amimi py tleaung pajau ai ny y. Nichi ly kaimy khrei iy, pacho panei nai cho chanauchi ai tleh u bo.

Ezekiela 7:19

Nichi ly mychi i muku, tangkachi ai anyn angso kamta, lamchira y hei u pawn ai. Ati mana nai mo na baly Areng i kado theu nai neng khala nichi i muku, tangkachi ly mymychi ai atleu pajau y nai deaungkho y ne. Nichi ly mymychi kajeu kanglam dam ai nai hawi mychi i kajeu apakawi ai nai molam py, muku tangkachi pasum thai y; muku tangkachi ly mymychi ai kamngo sa hai bo.

ZEPHANIAH 1:18

Areng i kado theu nai huni kani y, huni khumichi ly mychi i muku tangka awm nai ngierei pei u teu i py, tlang atleu u pajau ai ny y. Khaileaung pri verei ly mymy i kado theu nai mai y kang i, phra be ai. Mymy ly khaileaung pri y awm nai ngiereichi ai, vaimy myh pawn na pa-rei tara chih ai.

Kati Nai 32:14

Amsi pajochi i kamngolai y, vai nangchi py kamngo sa nai kangpreangchi lawm u bo. Hunai deaungkho y nangchi ly Areng i khri pa-rei kado theu naira ly Israela chengchi i tlang tleaung y tym hai bi ai nai sa u nai bo.

JOHAN 15:22

Kai jeu iy nichi teng y leu thui y nai khyly, nichi ly kamngo by y ai bo.

JOHAN 3:36

Ami py Chapo ai ym nai ngierei ly deungtasarei hengra nga bo; na i py Chapo ai ym y nai ngierei ly hengra ngo y ai i, Tameuh i kado theu nai ly ni teng y awm jo,” nanai pathang.

ROM AVANGCHI TENG Y PAWLA I CHA PA NAI 1:17

Naibaly ym naira veang ryh veang ryh ai nai, hunira y ly Tameuh i hawi nai sai amteng hai nai ne; “Khumi kahawi ly ym naira y heng ai,” nanai tajiu nai kamta.

ROM AVANGCHI TENG Y PAWLA I CHA PA NAI 5:13

Naibaly Reita by y rai khala y my khaileaung pri y kamngo awm chum veng bo; na i py Reita by y baly kamngo ly kamngo y palawn nai ny y leang;

I KORINTH 15:56

Dei nai thailai ly kamngo ne, naibaly kamngo i sa thai naira ly Reita leu ne;

KALATIA 3:10

Reita i atitichi sa naira y awm naichi ly amsawi lawi nai anui y awm u lawh veng; “Reita cha-iu y bawibawi tajiu nai kamta sa ai nai awm jo y nai ngierei ly amsawi lawi reng,” nanai tajiu nai ne.

KALATIA 3:19

Naibaly Reita ly ati mana nai y awm nai mo? Adeu nai nga ai nai kangpreang tym y ryrei ly taphra nairachi deaungkho y tabi panawi bo, naibaly kani pri i amtaw thau naichi ai teaung iy savai i kiu y chih nai ne.

EPHESI 5:6

Ami py leu ta chawm y naira y ly nangchi ai tapawp moh sy; huni atitichi deaungkho y Tameuh i kado theu nai ly leu tangai y nai chanauchi i tlang tleaung y tym reng.

KOLOSA 3:6

huni atitichi deaungkho y Tameuh i kado theu nai ly leu tangai y nai chanauchi i tlang tleaung y tym nai ne;

I JOHAN 3:4

Ami py kamngo sa nai ngierei ly reita ai taphra nai keung ne; kamngo ly reita ai taphra nai ne.

AMTENG HAI NAI 19:15

Naibaly cheng cheaungkhangchi ai tamo nga hai ai nai, mymy labeaung i dengdairei haisau kachiu theu bo; naibaly mymy ly nichi ai tamo cheaungvawi y peang ai: ni ly Atiti py Sa Thai Nai Tameuh i kado theu nai ka-teng ny y nai kreip athai ati nai angawm y ly ati nai ne.