ROM AVANGCHI TENG Y PAWLA I CHA PA NAI 3:4 - Khumi Common Language Bible

⁴ Ny y leang; Tameuh ly meitang khyp ne sy ly, khumi bawibawi ly ka-chawi ne lawh sy; “Nang ly nang i leu thui naira y eaung thai iy, Nang ly tara chih naira y awm iy py, nang ly pajau thai ai nai,” nanai tajiu nai kamta.

ROM AVANGCHI TENG Y PAWLA I CHA PA NAI 3:4 Iomraidhean Croise

JOBA 36:3

Kai i cheng naira ly kau parai; kai ai sa nai keung Tameuh ly meitang ne, nanai kai i cheng naira teaung iy thui pi ai.

JOBA 40:8

Nang ly kai teng y leu meitang adyh adawi nai by y leang, nanai pany hai nai ka-ma-ra patei ai nai atho sa ai a? Nangmy mang kateng lawm ai nai, kai ai cheh nai sai a?

SAM 100:5

Areng ly hawi nai ne; mymy i tamen nai ly deungtasarei khaw iy, mymy i ka-ym awm nai sai py, deung bawibawi tym pa-rei awm jojo ai.

SAM 116:11

“Kai ly khri pa-rei paleung mawn naira avum bo,” nanai py, kathui nai khala y, Areng ai ym veangveang nai ne.

SAM 119:160

Nang i reita sangum ly leu meitang ne; nang i leu meitang naimy tara chih nai bawibawi ly deungtasarei awm jo nai ne.

SAM 138:2

Kai ly nang i nang parai nai Achura yhm kachai mang y motha iy, lu meung naimy nang i khaw parai nai tamen naira hawi, ka-ym awm nai molam y, nang i amyn kang palo mang; ati mana nai mo nabaly, nang i amyn hawi adeu naichi ly tahm awm keh, nanai patei pi nai deaungkho y ne.

SAM 51:4

Kai ly nang i tlang tleaung y kamngo sa bo, nang ai naini kamngo sa nai ne. Nang i mei ka-niu y sa tamang bo. Hunai deaungkho y kai ai nangmy tara chih nai ly avo khyp nai ne. Kai i tlang tleaung y kamngo pajeng nai ly teng khyp bo.

SAM 62:9

Khumichi ly taho kathiu, taho kalau nai ryrei khyh; khumichi i tahm asang nai anem nai, nanai py atyhtyh teu; nichi ai nehra y neh iy khen u cham; nichi ly kaji by y leang; taho kathiu taho kalau nai ali tleaung y py jang keh.

MIKHA 7:20

Nang ly jangni khala, kaichi i amsi pajochi teng y adeu nai kamta, Abraham hawi Jakob i kangpreang lawm nai, nang i khumichi ai ka-ym awm naira hawi khaw parai nai tamen naira pahen naira hawimy hawi naira tym hai ai.

MATTHAI 11:19

Khumi i Chapo ly ang jeu iy cha py cha, nei py nei i, ‘Khen cham, biu ha nai khumi, kreip athai hang ha nai khumi, akeu cheaung nai keungchi hawi khumi kamngochi i ahawi ho!” napi u lawh. Ne mang ly cheng naira ly mymy i atiti sa naira y eaung bo mang,” napi.

LUKA 20:16

Mymy ly jeu ai i, huni akho kry nai keungchi ai ly tama hai vui iy, kreip akho ly khumi takhrachi teng y au ai,” napi. Naibaly nichi ly huna nai thai iy, “Huna tanrei kaau ly tym moh sy,” napi.

JOHAN 3:33

Mymy i pany hai nai leu ym nai khumi my Tameuh ly meitang ne, nanai mymy i pajawp typ nai ka-ma-ra sa bo.

ROM AVANGCHI TENG Y PAWLA I CHA PA NAI 11:1

Tumbaly Tameuh ly mymy i khumichi ai ly aphi vui a? Ny y leang. Kai py Israelacho, Abraham i kangpreang Benjamin cheng ne.

ROM AVANGCHI TENG Y PAWLA I CHA PA NAI 11:11

Tumbaly nichi ly atlym thai ai nai tliu charum charei nai a? Ny y leang:nichi ly tamang nai deaungkho y Cheng Takhrachi teng y paheng naira tym bo; huni ly Israelachi ai takho hai ai nai tym nai ne.

ROM AVANGCHI TENG Y PAWLA I CHA PA NAI 3:31

Hunaibaly achi my Reita ly ati sai py ny y nai palawn lawh a? Ny y leang, achi ly Reita ai khaw hai nai teu.

ROM AVANGCHI TENG Y PAWLA I CHA PA NAI 6:15

Tumbaly mana ai mo? Reita my achi ai peang nai ny y i, pahenra my peang nai deaungkho y achi ly kamngo sa ai nai tla a?

ROM AVANGCHI TENG Y PAWLA I CHA PA NAI 6:2

Ny y leang. Achi, kamngo mang y ly dei chum veng naichi ly kamngo naimy mana heng jo thai ai mo?

ROM AVANGCHI TENG Y PAWLA I CHA PA NAI 7:13

Hunaibaly atiti meitang ly kai i vui dei naira lawn a? Ny y leang. Na i py kamngo ly leu pei nai deaungkho y khri pa-rei kamngo lawn thai ai nai hawi, kamngo ly kamngo ne, nanai amteng thai ai nai py, huni ly atiti meitang teaung iy kai i tlang tleaung y dei naira tym hai nai teu.

ROM AVANGCHI TENG Y PAWLA I CHA PA NAI 7:7

Tumbaly achi ly ati thui ai mo? Reita ly kamngo lawh a? Ny y leang. Na i py Reita ny y nai khyly kai ly kamngo apany y leang bo; Reita my ly, “Paleung no moh,” tapi moh khyly kai ly paleung no ai nai kapany y leang bo:

ROM AVANGCHI TENG Y PAWLA I CHA PA NAI 9:14

Hunaibaly achi ly mana thui ai mo? Tameuh ly hawi y naira awm a? Ny y leang.

I KORINTH 6:15

Nangchi i tlang ly Krista i kangprei ne, nanai nangchi pany y nai sai a? Krista i kangprei ly la pi iy bima kangprei kapalawn ai a? Huna tanrei kaau ly tym moh sy.

II KORINTH 1:18

Ati py ne sy, Tameuh my ka-ym awm nai kamta nangchi mang y kaichi i leu ly Ne, nanai hawi, Ny y, nanai ly ne mei y leang.

KALATIA 2:17

Na i py achi ly Krista y eaung naira nga naira y awm ai tau nai tarawi y achi kypkyp py khumi kamngo ne vui lawh baly, Krista ly khumi kamngo i kalop sa nai keung ne lawh a? Ny y leang.

KALATIA 2:21

Tameuh i pahenra ly kataphra y leang, Reita deaungkho y hawi naira awm lawn baly, Krista ly jawm dei atyhtyh nai tla bo.

KALATIA 6:14

Na i py kai naini achi i Areng Isu Krista i kraws ai ny y baly kai i amlyh ai naira awm moh sy, huni i saho y ly khaileaung pri ly kai i vui tahen nai awm bo, kai py khaileaung pri i vui y tahen nai kaawm teang nai ne.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

I TIMOTHEI 3:16

Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

TITA 1:2

ka-chawi thui vai y nai Tameuh my ly kani khaileaung palum y rai kha y my huni ai adeu yb veng bo;

HEBRAI 6:18

Hunaibaly Tameuh ly ka-chawi thui ai nai vuilam ny y nai, pipi palai lawh thai y naira nyhrei tabom nai deaungkho y, achi, lawi naira hau naichi ly achi i mo y athang khai naira ang khai pi nai ai ly patawn thleng thai ai nai, khri pa-rei khaw hai naira nga thai ai.

I JOHAN 5:10

Tameuh i Chapo ai ym nai khumi ly amy teng y huni pany hai naira awm; Tameuh ai ym y nai khumi ly Tameuh my mymy i Chapo i satang pany hai nai ly ym y nai deaungkho y, ni ai ly ka-chawi thui nai keung palawn nai teu.

I JOHAN 5:20

Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.

AMTENG HAI NAI 3:7

“Naibaly Philadelphia avang i kani pri i amtaw thau nai teng y hinai kamta tajiu: Chai naira awm nai hawi, meitang awm nai keung, Davida i saw awm nai, paeaung iy ami py kho pajau y nai, kho iy ami py paeaung pajau y nai i leu thui nai ly hini ne he: