ROM AVANGCHI TENG Y PAWLA I CHA PA NAI 3:3 - Khumi Common Language Bible

³ Naibaly phyreichi ly ym naira by y teu i py ati sa lawh i bo? Nichi i ym y naira my ly Tameuh i ka-ym awm nai sai ai ati sai py ny y nai palawn lawh nai sai a?

ROM AVANGCHI TENG Y PAWLA I CHA PA NAI 3:3 Iomraidhean Croise

SAM 84:7

Nichi ly tako nai tarawi y atho nga u ra nai ne; Zion mawi salo y tameuhchi i Tameuh ai niu u ai.

ISAIA 55:11

Kai i thui nai leuchi py, hina nai kamta tym hai ai. Huni leuchi ly kai i dawn pasym naichi angym hai ai. Kai i pataw nai kalop ngiereichi sa ai.

Kati Nai 23:19

Tameuh ly khumi kamta ka-chawi leu thui y leang; mymy ly khumi kamta paleung ali vui y leang. Mymy ly leu adeu nai kamta sa khyp; mymy i leu pei nai kamta py ne khyp.

MATTHAI 24:35

Kani khaileaung ly tama ai i, kai i leu ly tamo y ai.

JOHAN 1:16

Mymy i angym naira ly achi ly nga bawibawi i, pahen nai tleaung y pahenra nga pateang bi bo.

ROM AVANGCHI TENG Y PAWLA I CHA PA NAI 10:16

Na i py nichi bawibawi ly Satang Kahawi ym bawi y leang. Ati mana nai mo nabaly Isaia my ly, “Areng awi, kaichi i leu thui nai ly ami ym mo?” napi lawh.

ROM AVANGCHI TENG Y PAWLA I CHA PA NAI 11:29

Tameuh i jawm my pei nai sa thai naira hawi, palau nai molam y py paleung adawn ali ai nai by y leang.

ROM AVANGCHI TENG Y PAWLA I CHA PA NAI 9:6

Na i py Tameuh i leu ly ati sai py ny y nai kamta awm vui nai ny y leang. Ati mana nai mo nabaly Israela kangpreangchi ly Israelachi ne bebe y leang.

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

II THESALONIKA 1:3

Amjo amnauchi awi, kaichi ly nangmychi molam y ly Tameuh teng y kawn nai leu thui jojo ai nai tla:huni ly avo khyp, ati mana nai mo nabaly nangchi i ym naira ly khri pa-rei veang nai, nangchi bawibawi y atamen leungtang naira ly peung nai tleaung y peung ra peung ra lawh veng;

II TIMOTHEI 2:13

Achi ly ka-ym by y nai awm teu i py, Mymy ly ka-ym awm nai awm jojo, Mymy ly amymy ai apha pajau y,” nanai leu ly ka-ym awm nai ne.

HEBRAI 4:2

Nichi teng y thui pi nai kamta ly achi teng y py satang kahawi thui pi nai ne khyp bo: na i py nichi ly tangai nai keung tatangchi hawi ym naira y amtawm y nai deaungkho y, nichi i thai nai leu ly nichi ai chawn hai y leang.

1 SAMUELA 15:29

Israela chengchi i nang parai nai Tameuh ly ka-chawi thui y, paleung py amtlau vai y leang; mymy ly khumi kamta, mymy i paleung amtlau vui ai ny y,” napi.