ROM AVANGCHI TENG Y PAWLA I CHA PA NAI 3:22 - Khumi Common Language Bible

²² huni ly mana mo nabaly Isu Krista ai ym nai deaungkho y Tameuh i hawi naira ly ym nai ngiereichi teng y amteng hai nai ne:

ROM AVANGCHI TENG Y PAWLA I CHA PA NAI 3:22 Iomraidhean Croise

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

JEREMIA 23:6

Huni samrang my peang nai thym khala y Juda khumichi ly chymme naira awm ai i, Israela khumichi ly tlamsa naimy awm u ai. Naibaly huni samrang i amyn ly ‘Kaichi ai atleu pi nai Areng,’ nanai palau u ai.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

LUKA 15:22

Na i py ampo my ly mymy i miseaungchi teng y, ‘Kanih hawi keh nai lo kaliki ly, akhiu hai u; kiu pajeung y kiu sabyh hawi, kheu y phainai py pachu hai u,

AMTAW 11:12

Naibaly phailo my ami ai py patle y naimy mychi teng y abang ai nai kai ai leu pei. Hini amjo amnau leaung tariurei naichi py abang teang i, huni khumi i yhm y kaichi kun;

AMTAW 15:9

naibaly achi hawi nichi hawi patle takhra y naimy, ym naira deaungkho y mymychi i paleung chai hai bo.

AMTAW 3:16

Naibaly mymy i amyn y ym nai deaungkho y mymy i amyn my ly hini, nangchi i pany nai hawi niu nai khumi ai ly hawihai nai bo he: ne, mymy i saho y ym naira awm nai my ly nangchi bawibawi i mei ka-niu y ni ai hawihai pyn nai bo he.

ROM AVANGCHI TENG Y PAWLA I CHA PA NAI 1:17

Naibaly ym naira veang ryh veang ryh ai nai, hunira y ly Tameuh i hawi nai sai amteng hai nai ne; “Khumi kahawi ly ym naira y heng ai,” nanai tajiu nai kamta.

ROM AVANGCHI TENG Y PAWLA I CHA PA NAI 10:12

Juda hawi Krik hawi ly atira y py takhra lawh y leang, leaungrei ly nichi bawibawichi i tlang tleaung y Areng ne; naibaly mymy ai palau nai ngiereichi i tlang tleaung y mymy i neaung hawi nai sai ka-teng ny y.

ROM AVANGCHI TENG Y PAWLA I CHA PA NAI 10:4

Krista my ym nai ngiereichi ai hawi naira nga hai thai ai nai reita ai anawn hai nai keung ne.

ROM AVANGCHI TENG Y PAWLA I CHA PA NAI 2:1

Hunai deaungkho y nai awi, nang ly cheh nai keung ami py ne teu iy py, nang ly den py akhira ngo y leang; nang i khumi takhra ai cheh nai kypkyp my ly nangmy naimy apasum ryp nai chy bo; nang, cheh nai keung my py hunai kamta atitichi sa ryp teang lawh.

ROM AVANGCHI TENG Y PAWLA I CHA PA NAI 3:30

Ne teang chy; lengkhym takip naichi ly ym y nai deaungkho y eaung hai ai nai keung hawi lengkhym takip y naichi ly ym u nai saho y eaung hai nai keung ly Tameuh harei khyh baly, mymy ly Cheng Takhrachi i Tameuh py ne teang chy.

ROM AVANGCHI TENG Y PAWLA I CHA PA NAI 4:16

Hunaibaly kangpreangchi bawibawi ly leu adeu nai ly nga u tanga ai nai, huni adeu nai ly pahenra y ne thai ai nai ym naira deaungkho y ne chy bo; Reita y awm nai kangpreang my tlairei khyh ny y, Abraham i ym naira kamta ym naira nga nai kangpreang py nga teang ai.

ROM AVANGCHI TENG Y PAWLA I CHA PA NAI 8:1

Hunaibaly vai ly Krista Isu y awm naichi i vui ly sum hai ai naira ha py by y leang bo.

ROM AVANGCHI TENG Y PAWLA I CHA PA NAI 9:30

Tumbaly achi ly mana thui ai mo? Hawi naira hui y nai Cheng Takhrachi ly hawi naira ai kai nai bo, huni ly ym nai deaungkho y hawi naira ne.

I KORINTH 12:13

Achi bawibawi ly Judachi mo Krikchi mo, miseaung mo miseaung ny y nai mo, tlang bomrei y awm ai nai achi ly Phailo harei y baptisma nga bawibawi i, Phailo harei y ang nei hai bawibawi teang.

I KORINTH 4:7

Nang ai ly ami my tahm ang khai katlen mo? Nang ly jawm nga nai ny y baly nang ly ati awm mo? Naibaly nang ly jawm my nga baly ati mana nai jawm my nga nai ny y nai kamta am-e lawh mo?

KALATIA 2:16

na i py Reita i atitichi sa nai deaungkho y ami my eaung naira ngo y leang, Isu Krista ai ym nai deaungkho y harei nga khyh, nanai achi py Reita i atitichi sa nai deaungkho y ny y i, Krista ai ym nai deaungkho y eaung naira nga thai ai nai, achi ly Krista Isu ai ym nai ne; khumi nanai ly Reita i atitichi sa nai deaungkho y eaung naira ha py ngo y leang.

KALATIA 2:20

Kai ly Krista teng y tahen nai awm bo; na i py kai ly heng nai ne; na i py kai ly ny y leang bo, Krista kaimy y heng nai ne; naibaly vai kai i tlang heng nai ly ym naira y kaheng nai ne, Tameuh i Chapo my kai ai ang tamen nai kai i jeng y apei nai keung ai ym naira y.

KALATIA 3:22

Na i py Isu Krista ai ym nai deaungkho y atiti adeu nai ly mymy ai ym nai keungchi teng y pei nai lawn thai ai nai, Tameuh i cha-iu ly kamngo i anui y ati cheaungkhang bebe kho hai veng.

KALATIA 3:28

Hunai ra y ly Juda khumi py Krik khumi py awm thai y leang, hunaira y ly miseaung py miseaung ny y nai py awm thai y leang, hunaira y ly neampachy py neampacho py awm thai y leang;

EPHESI 3:12

achi ly huni Krista Isu ai ym nai deaungkho y mymy y ly amjeaung naira hawi vam parai naimy kun thai ai naira nga bo.

PHILIPI 3:9

Krista ai kanga thai ai nai hawi, amy i hawi naira ly (huni ly Reita i hawi naira) by y naimy, Krista ai ym nai deaungkho y hawi naira ly (huni ly ym nai deaungkho y Tameuh teng i hawi naira) nga lawh iy, mymy y kaawm lawh thai ai nai hawi,

KOLOSA 3:11

hunira y ly Krik hawi Juda hawi, lengkhym takip nai hawi, lengkhym takip y nai hawi, cheng takhra hawi, Skuthia khumi hawi, miseaung hawi, miseaung ny y naichi py awm thai y leang; Krista naini cheaungkhang ne lawh iy, cheaungkhang theung y awm teang nai ne.

JAKOB 2:23

naibaly Abraham ly Tameuh ai ym i, huni ym naira my ly hawi naira y palawn, nanai Tameuh i leu tym bo; naibaly mymy ai Tameuh i ahawi pathi bo.