ROM AVANGCHI TENG Y PAWLA I CHA PA NAI 2:8 - Khumi Common Language Bible

⁸ na i py amy i kangai sa akhikan iy leu meitang patawm y naimy, hawi y naira patawm lawh nai keungchi i tlang tleaung y ly kado theu naira hawi, paleung yhyh na naira py,

ROM AVANGCHI TENG Y PAWLA I CHA PA NAI 2:8 Iomraidhean Croise

2 NENG SATANG 6:23

aw Areng, kani pri mang tangai iy, nang i miseaungchi ai tara chih ba. Kamngo by y nai ai ly lawi hai iy mychi i ngai nai kamta, kamngo awm nai khumichi ai ly pasum ba.

JOBA 24:13

Khumi phyreichi ly kangvang ngai u y; nichi ly kangvang i awm nai sai pany u thai y. Kangvang my patei nai lam y abang u y.

SAM 90:11

Nang i kado theu nai haiho ai ly ami avum bawi pajau ai mo? nang i kado theu nai ly mana tanrei jei ai hawi na mo, nanai ami pany pajau ai mo?

LEU KACHENG 11:23

Khumi kahawichi ly hawi nairachi naini, kadeaung nai kamta nga u bo. Khumi hawi y naichi ly mychi i kangai nga angym nai khala, khumi luteng my kado theu hai nai ne.

LEU KACHENG 13:10

Paleung len reng nai khumi ly patang hai naira ny y baly ati sai py pei vai y; tau kahawi hnei reng nai khumi ly cheng naira awmra nai ne.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

JEREMIA 34:18

Juda pri hawi Jerusalem mary i lu sa naichi ly samrang yhm kry nai keungchi, pathyp pi nai keungchi, mipuichi hawi vanrei si katai se nyhrei se nai sala y aleaung iy, kai hawi Leu Maikawm asa u nai ne. Na i py nichi ly kai i mo y mychi asa nai Leu Maikawm ai taphra u bo. Hunai deaungkho y si katai ai nichi my sa nai kamta, nichi ai py kaimy sa teang ai.

Ezekiela 22:31

Hunai deaungkho y kai ly kado theu naira tym hai iy nichi i tlang tleaung y kado katheu mai kangveaung kamta tym hai ai. Nichi i sa nai saichi molam y nichi i lu tleaung y tym hai ai,” napi. Hini ly sa thai naira angym nai Areng i pei nai leu ne.

NAHUM 1:6

Mymy kado theu nai khala, ami kham pajau ai mo? Mymy i ka-jei awm nai kado theu nai haiho ly ami kham pajau ai mo? Mymy ly mai theu nanai kado theu nai ai lei nai deaungkho y, mymy mo i lengseaungchi ly dei lawm na bo.

ROM AVANGCHI TENG Y PAWLA I CHA PA NAI 1:18

Leu meitang ai hawi y naira y paka nai keungchi i Tameuh ai tahm khai y naira hawi, hawi y naira bawibawichi i tlang tleaung y py kani pri mang i dengdairei Tameuh i kado theu naira amteng nai ne;

ROM AVANGCHI TENG Y PAWLA I CHA PA NAI 10:16

Na i py nichi bawibawi ly Satang Kahawi ym bawi y leang. Ati mana nai mo nabaly Isaia my ly, “Areng awi, kaichi i leu thui nai ly ami ym mo?” napi lawh.

ROM AVANGCHI TENG Y PAWLA I CHA PA NAI 15:18

Krista ly Cheng Takhrachi ai leu tangai hai ai nai, leu thui naira y hawi atiti sa naira y py,

ROM AVANGCHI TENG Y PAWLA I CHA PA NAI 6:17

Na i py nangchi ly kamngo miseaung ne teu iy py, ang au nai patiu nai reita teng y ly paleung y tangai u bo;

ROM AVANGCHI TENG Y PAWLA I CHA PA NAI 9:22

Naibaly Tameuh ly pahen naira laawm, nang parai naira nga ai nai sa rym naichi i tlang tleaung y ly mymy i nang parai naira nawi nai sai patei thai ai nai,

I KORINTH 11:16

Ati py ne sy, ami py aei ai naira awm i khyly hunai ka-tawm reita nanai ly achi ly pipi by y, Tameuh i palau takhra kamkawmchi py by y.

II KORINTH 12:20

Kai kang jeu nai khala y atiti mo ra y py, kai i ngai nai kamta kang niu y iy, kai ai py nangchi i ngai nai kamtaniu u y lawh na, nanai kajei chy bo; ti y baly atiti mo ra y py ajo naichi, akeng naichi, kado theu naichi, atakai naichi, apreaung naichi, arum paviu atyhtyh naichi, tahm apasang ala naichi, khrukhra naichi awm lawh na;

KALATIA 5:20

angai naichi, chai y naichi, paleaung naichi, myn y chiu naichi, dawi sa naichi, aniu ngai y naichi, ajo naichi, atakho naichi, kado theu naichi, atakai naichi, amy ngaingai sa naichi, ym takhra naichi, akeng naichi,

PHILIPI 1:17

na i py kamkawm takhra ly kai ai kawm naira y paleung mawn naira ang panawi ai tau nai, sa tatang nai paleung ny y naimy aei nai deaungkho y Krista i satang thui pi lawh teang.

PHILIPI 2:3

Apreaung nai hawi tahm apasang nai deaungkho y ati sai py so u y naimy, khumi leaung leaungrei ly tahm apanem parai naimy amy tleaung y khumi takhra ly hawi kyh, nanai palawn bawibawi sy;

II THESALONIKA 1:8

nangchi ai ngari patang hai nai keungchi ai ly ngari patang naira vawitheung tha ai nai hawi, nangchi ngari patang nai keungchi ai ly kaichi hawi anawn naira vawitheung tha ai nai ly Tameuh i mei ka-niu y ly meitang ne.

TITA 3:9

na i py deng patum pati atyhtyh nai hawi, deung kamtawm satangchi hawi, aei nai hawi, Reita leu y ajo nai py angpreng veng; hunichi ly chawn naira by y i ati sai py ny y nai ne.

HEBRAI 10:27

tara chih naira ka-jei ka-teng ny y nai tym ai nai athang khai nai hawi, tiu nai keungchi ai kang pawn ai nai kado theu naira mai py avum ai nai athang awm.

HEBRAI 11:8

Ym naira deaungkho y Abraham ly, ni ai palau nai khala y ly amtym ai nai meingtym y chei ai nai leu tangai bo; naibaly mymy i chei ai naira pany y naimy theu bo.

HEBRAI 5:9

hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:

JAKOB 3:14

Naibaly nangchi paleung y paleung ano naira khota nai hawi aei naira awm baly, leu meitang ai am-e hai u lawh moh, paka ai nai py ka-chawi thui u moh.

JAKOB 3:16

Paleung ano naira hawi, aei nai awm naira y ly khrukhra naira hawi atiti kamngo cheaungkhang awm reng.

I PETERA 3:1

Hunai kamta ly nangchi ajuchi awi, amy i juvochi i ngaingai awm u; hunaibaly nichi theung y ami py leu tangai y teu i py, nangchi i tahm khai nai sai hawi amhi amtlau nai sa kahawi py khen nai,

I PETERA 4:17

Tara chih ai nai ly Tameuh i dengtheungchi theung y amteaung ai neng veng bo; naibaly achi teng y malawn py amteaung man baly, Tameuh i Satang Kahawi patawm y naichi i tem naira ly mana tanrei awm ai mo?

AMTENG HAI NAI 14:10

huni khumi kypkyp my py Tameuh i kado theu naira kreip athai hang, ati sai py abawi y naimy mymy i kado theu nai khau y tui abawi y naimy katlen yb nai ly nei ai nai tla ai; naibaly kani pri i amtaw thau naichi i mei ka-niu y hawi, Beram Cho i mei ka-niu y py mai hawi kan y ni ai patang hai takengkei ai:

AMTENG HAI NAI 16:19

Naibaly avang pui my ly phy thomrei lawn i, cheng cheaungkhangchi i avangchi py anawi be bo; naibaly mymy i kado theu nai ka-teng ny y nai kreip athai hang khau ly huni teng y tuih ai nai, Babulon avang pui ly Tameuh i mo y pany jo nai awm bo.