ROM AVANGCHI TENG Y PAWLA I CHA PA NAI 2:5 - Khumi Common Language Bible

⁵ Na i py nang i atangai y nai hawi uikhei y nai paleung awm nai deaungkho y kado theu naira hawi, Tameuh i tara chih naira hawi parai nai amteng ai nai kani i vui ly, nang i tlang tleaung y kado theu naira pateung achu amang nai ne.

ROM AVANGCHI TENG Y PAWLA I CHA PA NAI 2:5 Iomraidhean Croise

2 NENG SATANG 30:8

Nangchi ly nichi kamta paleung tang u moh. Areng i leu tangai u. Nangchi ly nangchi i Areng Tameuh my khai takhra nai Jerusalem mary y jeu u iy, mymy ai chiu u. Hunaibaly mymy ly nangchi ai kado ang theu hai ai ny y.

2 NENG SATANG 36:13

Zedekiah ly samrang Nebukhadnezar ai tiu. Nebukhadnezar ly mymy tlang tleaung y ka-ym awm ai nai, ni ai athorei my Tameuh i amyn y, vaineng abeu hai bo. Zedekiah ly paleung tang i uikheih y. Israela chengchi i Areng Tameuh teng y ali teang y naimy awm bo.

JOBA 21:30

Tameuh my kado theu i kamngo pajeng nai kani y, khumi hawi y nai ly awmnem naira nga jojo nai ne.

SAM 110:5

Areng ly nang i lamtang mang y awm; kado theu nai kani y mymy ly samrang bawibawichi ai patheu ai.

SAM 95:8

Mymy ly “Meriba meingtym y tym nai nangchi i amsi pajochi kamta, nangchi ly paleung tang u moh; daichi ka-vymra i Massah meingtym y tym nai amsi pajochi kamta, paleung tang u moh.

THEU NAI 14:17

Kai ly Aikupta chengchi ai paleung tang hai nai deaungkho y, nichi ly Israela chengchi nithun hui u kathiu ai. Kai ly samrang hawi vanrei ni i tavaimichi, keaungngo ka-richi ai eaung nai khala ly kai i nang parai nai saichi niu u ai.

THEU NAI 32:34

Vai chei iy nang teng y kang thui pi nai meingtym y tym pa-rei nichi ai pahawi; kai i angel my nang ai lam patei ai; na i py hini khumichi i kamngolai kapajeng ai nai neng tym ai mang,” napi.

THEU NAI 8:15

Samrang my uiphochi dei be nai niu baly, mymy i paleung tang rah i, Areng my leu pei nai kamta Mosi hawi Aron nini i leu py tangai y ai, nanai thui yb nai ly teng khyp bo.

LEU KACHENG 1:18

Na i py nichi ly mychi i deaung y my man iy, dei u ai.

LEU KACHENG 11:4

Dei naira avum nai kani y yhmtheaung katui my ly nang ai aso hai y leang; na i py neaung hawi naira my ly nang i tlang ai atleu pajau.

LEU KACHENG 28:14

Areng i leu tangai nai khumi ly amo theu ai. Paleung kyhchaw nai khumi ly patang naira avum ai.

LEU KACHENG 29:1

Thui parip nai avaw avawrei avum i py, paleung kyhchaw asai nai khumi ly kanirei nai khala atlym ai i, ang thau ali teang pajau ai ny y.

Parip nai leu 12:14

Achi i sa nai leaungsai bawibawichi ai hawi nai py ne sy, hawi y nai py ne sy, kangviu y sa nai saichi py ne sy, Tameuh my tara chih ai.

ISAIA 48:4

Nangchi ly tamo kamta tang naimy kheupaja kamta khri pa-rei tang iy, paleung tang u ai, nanai kapany.

JEREMIA 40:3

vai ly ang sa pi khyp bo. Hina nai tym nai ly nang i chengchi my Areng i tlang tleaung y kamngo sa iy, mymy i leu tangai u y nai deaungkho y ne.

Ezekiela 11:19

Nichi ai paleung adyh adawi hai iy paleung kangtha hawi ka-dawn kangtha kapei ai. Kai ly nichi i lengseaung kamta tang nanai paleung la pi vui iy, leu atangai nai paleung kapei ai.

Ezekiela 3:7

Na i py mani Israela khumichi ly nang i leu tangai u ai ny y. Nichi ly kai i leu ai malawn py tangai u ai ny y. Nichi bawibawi ly paleung tang iy leu atangai y nai khumichi ne.

DANIELA 5:20

Na i py ni ly paleung len amlyh naimy paleung tang i, pahyp y naimy ana nai khala y, sa thai naira tama i samrang i nai tla vui bo.

HOSEA 13:12

“Israela chengchi i kamngo sa nai ai record khai iy, huni recordchi ai kryme nai ne.

AMOS 3:10

Areng my, “Nichi ly mychi i yhm puichi ai athorei my lawm nai hawi khrukhra hai iy nga nai vawnsaichi hawimy kawi hai na bo. Nichi ly leu meitang ai malawn py pany thai u y.

ROM AVANGCHI TENG Y PAWLA I CHA PA NAI 1:18

Leu meitang ai hawi y naira y paka nai keungchi i Tameuh ai tahm khai y naira hawi, hawi y naira bawibawichi i tlang tleaung y py kani pri mang i dengdairei Tameuh i kado theu naira amteng nai ne;

ROM AVANGCHI TENG Y PAWLA I CHA PA NAI 11:25

Amjo amnauchi awi, Cheng Takhrachi ai angym hai y rai khala y Israela khumi phyreichi i tlang tleaung y ly kyh chawn veng naira tym bo, nanai hini leu kathiu ly nangchi pany y ai nai kangai y leang, ti y baly nangchi ly tahm apasang u lawh na.

ROM AVANGCHI TENG Y PAWLA I CHA PA NAI 9:22

Naibaly Tameuh ly pahen naira laawm, nang parai naira nga ai nai sa rym naichi i tlang tleaung y ly mymy i nang parai naira nawi nai sai patei thai ai nai,

II KORINTH 5:10

Achi bawibawi ly tlang y atiti sa naichi, hawi nai hawi y nai achi i sa nai kamta nga bawibawi thai ai nai, achi ai ly Krista i tara chih nai atehra mo y amteng hai bebe ai nai tla.

Leu Thui Nai 2:30

“Na i py samrang Sihon ly achi ai ni i pri theung mang tako prei ai nai pei y. Nangchi i Areng Tameuh my huni samrang i paleung tang hai nai deaungkho y, achi my ni ai tiu pajau vui i, ni i pri peang vui iy vaini khrairei achi ly hu y khuteng sa jo nai ne.

Leu Thui Nai 32:34

“Areng ly nichi i paleung ka-echi sa nai bawibawi pany nai deaungkho y, nichi ai pajeng ai nai neng ka-pe ajeng nai ne.

II THESALONIKA 1:5

Huni ly nangchi ai Tameuh i peang naira khumi palawn ai ataing thai ai nai, Tameuh i tara chih nai hawi parai nai ka-ma-ra chai pyn nai ne:nangchi ly huni peang naira deaungkho y patang u nai ne he.

HEBRAI 3:13

“Vaini” nanai sala y kani tleirei phai apachei u leungtang, ti y baly nangchi theung y ami py kamngo tapawp naira y paleung tang hai nai awm lawh na;

HEBRAI 3:15

achi ly Krista y phy nga nai keungchi ne; Naibaly hini leu ly, “vaini ly mymy i raawi thai u baly pangaw hai nai thym khala i kamta ly, nangchi i paleung tang hai u moh,” nanai thui reng nai ne.

HEBRAI 4:7

mymy ly kra parai nai bo y Davida i labeaung y, “Vaini” nanai ly kani khai rym bo; vaichi i tajiu nai kamta, Nangchi i paleung tang hai u moh,” napi.

JAKOB 5:3

Nangchi i muku hawi tangka py ei cha be bo; huni ei cha nai ly nangmychi i sum nai sai pany hai nai ne, naibaly nangchi i tlang ai ly mai my kang nai ka-tawm ang cha ai. Nangchi ly kani kangkhym y ly yhmtheaung pateung achu lawh ly.

JOSUA 11:20

Huni khumi bawibawichi ai pahen y naimy tleh pawn ai nai, Areng ly huni khumichi ai ham parai naimy, Israela chengchi ai tiu hai bo. Huni khumichi ai tamyh pawn ai nai tla nai ly Mosi dengdairei Areng my leu pei yb nai deaungkho y ne.

II PETERA 2:9

tumbaly Areng ly Tameuh ai dawn ryhryh naichi ai ly parawi naira i dengdairei palawi ai nai hawi, tara chih ai nai kani i vui y hawi y sa naichi ai pajeng ai khai nai py pany chy bo;

II PETERA 3:7

na i py vai i kani khaileaung ly huni leu deaungkho y Tameuh ai tahm khai y naichi ai tara chih ai nai hawi tama hai ai nai kani i vui y khai iy, mai i vui pateung achu nai lawn bo.

JUDA 1:6

Naibaly kani pri i amtaw thau naichi, mychi i awm angchi nai sai kamta awm jo y naimy, mymychi i awm reng nai meingtym khai su naichi ai ly huni kani aly len parai nai i tara chih naira i vui y kaveng anui y deungrasarei kawm naimy ang khai nai bo.

AMTENG HAI NAI 2:21

Kai ly uikhei ai nai neng pei i py ni ly angai nairachi uikhei ai nai ngai y.

AMTENG HAI NAI 6:17

nini i kado theu naira kani aly len parai nai ang tym nai bo he; hunaibaly ami angdo pajau ai mo?” napi.

1 SAMUELA 6:6

Nangchi ly ati mana nai y Aikupta samrang hawi Aikupta chengchi kamta, paleung tang u lawh mo? Nichi ly Israela chengchi ai Aikupta pri i dengdairei theu ai naipei y ryrei ly Tameuh my nichi ai ati mana pajeng mo, nanai nangchi tami u moh.