ROM AVANGCHI TENG Y PAWLA I CHA PA NAI 2:4 - Khumi Common Language Bible

⁴ Ti y baly Tameuh i hawi naira my uikhei ai nai ang pahawi, nanai pany y naimy, mymy i hawi naira nawi nai sai hawi, amnym pajau nai sai hawi, kham pajau nai sai ai ly nang ly pate nai sai a?

ROM AVANGCHI TENG Y PAWLA I CHA PA NAI 2:4 Iomraidhean Croise

SAM 10:11

Khumi aso y nai my, “Tameuh ly hini molam y ati sai py dawn y leang! Mymy ly mei pasym veng; kai ai mana khala py niu y leang,” nanai amy tlairei katheu nai ne.

SAM 104:24

Aw Areng, nang i sa nai leaungsaichi ly nawi parai na ly! Cheng nai hawimy huni bawibawichi ai sa! Khaileaung ly nang i sa nai heng nai amjychi hawimy kawi na bo.

SAM 31:19

Nang ai jei naimy tahm khai nai khumichi i vui pateung pi yb nai hawi nairachi ly khri pa-rei lyh ai hawi parai na ly! Nang ly hawi, nanai py, nang teng y abyh nai khumichi ai ama hai, nanai py, khumi bawibawichi my pany u bo.

SAM 78:38

Na i py Tameuh ly mymy i khumichi ai pahen nai ne. Nichi i kamngochi pahen pi iy, nichi ai myh kang hai y leaung. Mymy i kado theu nai ly avawrei am-yh pi iy, nichi i tlang tleaung y kado theu y naimy awm pi nai ne.

SAM 86:15

Na i py aw Areng, nang ly pahen nai hawi tamen reng nai Tameuh ne; nang ly neaung hawi jojo nai ne; avawrei pahen naimy ka-ym awm bo.

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

THEU NAI 34:6

Naibaly Areng ly Mosi teng y chei tapai iy, “Kai, Areng ly pahen naira angym nai Tameuh, neaung hawi iy tamen naira nang parai nai Tameuh, ka-ym awm nai Tameuh ne.

Parip nai leu 8:11

Khumichi ly ati mana nai y hinai kamta hawi y sa ai nai rai y na mo? Ati mana nai mo nabaly hawi y sa nai ai tara chih pi kaliki y nai deaungkho y ne.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

JEREMIA 7:10

Nangchi ly kai i ngai y nai kalopchi sa naimy kai i Achura yhm y jeu iy, kai i mo y angdo i, ‘Kaichi ly phrumai by y! Hini amso ngai naichi kasa u pajau bo,’ nanai thui u.

Ezekiela 11:19

Nichi ai paleung adyh adawi hai iy paleung kangtha hawi ka-dawn kangtha kapei ai. Kai ly nichi i lengseaung kamta tang nanai paleung la pi vui iy, leu atangai nai paleung kapei ai.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

JONA 4:2

Hunai deaungkho y, “Aw Areng, kai ly kaimy i pri dengdairei amso y rai khala my, nang ly hina nai kamta sa ai, nanai kaimy kang thui pi yb nai ny y a? Hini molam y kai ly Spain mary mang y preang ai nai atho kasa nai ne! Nang ly tamen naira hawi pahen naira awm nai keung, neaung hawi naimy pahen jojo nai keung, kamngo pajeng ai nai avo khyp teu i py, pajeng y naimy law tleaung hai nai keung Tameuh ne, nanai kai pany.

Kati Nai 14:18

“Kai Areng ly neaung hawi nai ne. Tamen naira hawi ka-ym awm nai keung ne iy, kamngo nai hawi tiu naichi ai pahen pi nai ne. Na i py amhm ampochi i kamngo nai y, nichi i katu chanauchi ai deung thom deung palyh khrairei kapajeng ai, nanai adeu nai kamta kasa ai.

ROM AVANGCHI TENG Y PAWLA I CHA PA NAI 10:12

Juda hawi Krik hawi ly atira y py takhra lawh y leang, leaungrei ly nichi bawibawichi i tlang tleaung y Areng ne; naibaly mymy ai palau nai ngiereichi i tlang tleaung y mymy i neaung hawi nai sai ka-teng ny y.

ROM AVANGCHI TENG Y PAWLA I CHA PA NAI 11:22

Hunaibaly Tameuh i neaung hawi nai sai hawi ryh patyh pa-rei ang parip nai sai ly dawn cham; atlym naichi i vui ly ryh patyh pa-rei ang parip nai ne; naibaly nang ly mymy i neaung hawi naira y awm jojo baly, Tameuh i neaung hawi nai sai naini nang i vui ne; ti y baly nang ai py ang do vui teang ai.

ROM AVANGCHI TENG Y PAWLA I CHA PA NAI 11:33

Aw! Tameuh i cheng naira hawi pany naira ly khri thiu na ly! Mymy i chih nairachi ly pipi pany pajau y, mymy i sa nai sai ly patawm pajau ai nai aveng!

ROM AVANGCHI TENG Y PAWLA I CHA PA NAI 3:25

Tameuh i amnym pajau naira y jangni i kamngo nairachi ai ly dawn pi y nai awm nai deaungkho y, Tameuh my mymy i hawi naira patei ai nai Krista Isu ai ly mymy i thi deaungkho y kamngo ahui nai langseaung syn naira y amteng hai; huni ly ym nai deaungkho y nga nai ne;

ROM AVANGCHI TENG Y PAWLA I CHA PA NAI 6:1

Hunaibaly achi ly ati thui ai mo? Pahenra ly peung ra peung ra thai ai nai achi ly kamngo sa veangveang ai a?

ROM AVANGCHI TENG Y PAWLA I CHA PA NAI 6:15

Tumbaly mana ai mo? Reita my achi ai peang nai ny y i, pahenra my peang nai deaungkho y achi ly kamngo sa ai nai tla a?

II KORINTH 8:2

huna nai patang naira khri pa-rei cham nai tarawi y amo theu ala nai hawi khrikhri pa-rei kamawn ala nai my ly, nichi i khri pa-rei paawh y naimy pei nai sai ly panawi ryh panawi ryh bo.

EPHESI 1:18

hunaibaly nangchi i paleung i mei angvang hai iy, mymy i palau nai athang khai naira hawi, khumi kachaichi y mymy i yhmtheaung amtym nai nang parai naira i nang nai sai hawi,

EPHESI 1:7

achi ly mymy y ly mymy i thi deaungkho y atleu naira nga, mymy i pahen nai nang parai nai sai kamta achi i taphra nairachi ang pahen nai bo.

EPHESI 2:4

na i py Tameuh ly pahen naira neangneang awm i, mymy i tamen nai len parai nai i saho y achi ai ang tamen nai deaungkho y,

EPHESI 2:7

Hunaibaly mymy ly neng tym ai naira y ly Krista Isu y achi i tlang tleaung y neaung hawi nai deaungkho y, mymy i pahenra khri pa-rei nawi nai sai ly patei pajau ai.

EPHESI 3:16

Ampo, kani hawi khaileaung theung y awm nai cheaungkhangchi ai amyn pathi nai i mo y ly kai ly kheukhu di;

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

PHILIPI 4:19

Naibaly kai i Tameuh ly Krista Isu y mymy i nang parai naira i nang nai sai kamta nangchi i avaw naira cheaungkhangra y py ang nga hai ai mang.

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

KOLOSA 2:2

hunaibaly nichi ly Tameuh i leu kathiu, Krista ai pany ai nai (mymy y ly cheng naira hawi pany naira yhmtheaung bawibawi heu nai ne),

I TIMOTHEI 1:16

naibaly vai i dengdairei deungtasarei hengra nga ai nai mymy ai ym naichi ai khen pata naira lawn ai nai, Isu Krista ly kai kamngo keh ai ang kham pi pajau nai sai kangym amteng hai thai ai nai pahen naira kanga bo.

I TIMOTHEI 6:17

Hini khaileaung pri y nang naichi ly am-e y ai nai hawi, khaw y nai yhmtheaung ai ny y naimy, atiti bawibawi kawn ai nai khri pa-rei ang pei reng nai keung Tameuh ai athang khai ai nai pachei.

I PETERA 3:20

nichi ly jangni y Nova heng nai khala y paleaung sa nai sala ryrei ly Tameuh i kham pajau naira my ajeng nai thym y ly leu tangai u y naichi ne: huni paleaung y ly khumi maiden chy, leaung tajareichi ai ly tui i saho y lawi hai bo;

II PETERA 1:11

hunaibaly achi i Areng hawi Paheng Keung Isu Krista i deungtasarei peang naira y kun ai nai khri pa-rei ang nga hai ai.

II PETERA 3:15

Naibaly achi i Areng i kham pajau nai sai ly paheng naira y palawn u; achi i amjo amnau ngai parai nai Pawla py ni teng y cheng naira pei nai kamta ly nangchi teng y tajiu teang bo;

II PETERA 3:3

Hini ly pany u man ba; kani kangkhym y ly panui hai nai keungchi ly mymychi i ngai phi teng y nai kamta tako iy,

II PETERA 3:9

Phyreichi ly dawndan y nai dawn nai kamta Areng ly mymy i leu adeu naira molam y ly dawndan y nai ny y leang; ami ai py tama hai ai nai ngai y i, khumi bawibawichi uikhei ai nai ngai nai, nangmychi ai ang kham pi nai teu.

AMTENG HAI NAI 2:21

Kai ly uikhei ai nai neng pei i py ni ly angai nairachi uikhei ai nai ngai y.

AMTENG HAI NAI 3:20

Khen cham, kai ly katheu ahawi y angdo i katakhei: ami py kai i raawi thai iy katheu paeaung pi baly, kai ly mymy teng y kun iy mymy teng y biu cha ai i, mymy py kai teng y cha teang ai.