ROM AVANGCHI TENG Y PAWLA I CHA PA NAI 13:11 - Khumi Common Language Bible

¹¹ Vai dymkhawn i atiti awm nai sai pany u iy, i ngym nai ly anglaw ai nai neng tatang ne, nanai deaungkho y huna nai kamta so u; vai dymkhawn ly achi ym angchei nai khala i tleaung y ly achi i heng naira ly kasa kyh veng bo.

ROM AVANGCHI TENG Y PAWLA I CHA PA NAI 13:11 Iomraidhean Croise

Parip nai leu 9:10

Nang i sa ai nai kalopchi bawibawira y atho angai naimy so; ati mana nai mo nabaly nang i chei ai nai tavau pri y ly kalop sa nai by y, adawn pasym nai by y, cheng naira by y, pany thai naira py by y nai deaungkho y ne.

JONA 1:6

Naibaly samphora y lu sa nai miteaung keh ly chei i ni teng y, “Nang ly ati mana nai y i ngym vui lawh mo? Angthau ly nangmy i tameuh teng y achi ai atleu ai nai chiu so bei. Mymy ly achi ai pahen iy atleu tan atleu lym ai,” napi.

MATTHAI 16:3

Naibaly khawn mang y ly, ‘Vaini ly kani hawi y ai mi, kani saeng theu i khri pa-rei khupanym awm na ly,’ na u lawh. Nangchi ly kani i awm nai sai pany u kawp bo, na i py neng ka-ma-rachi ly pany u kawp y lawh.

LUKA 21:28

Naibaly hina nai atitichi tym angchei nai khala y ly khen u kalau ly, angdeang u, ati mana nai mo nabaly nangchi ai atleu ai naira ly kasa nai bo,” napi.

I KORINTH 10:11

Naibaly huni ly amtiu ai naira lawn ai nai nichi i tlang tleaung y tym hai nai chy bo; achi, neng tem naira y tym naichi ai ang parip ai nai tajiu nai ne.

I KORINTH 15:34

Hawi ai naira y anglaw u jau, kamngo so u moh; phyreichi ly Tameuh ai pany naira pipi by y he; hini ly nangchi ai kaji hai ai nai kang thui pi nai ne.

EPHESI 5:14

Hunai deaungkho y mymy ly, “I nai khumi awi, anglaw ly! Kadeichi theung i dengdairei angthau, Hunaibaly Krista my ly angvang hai ai mang,” napi.

JAKOB 5:8

Nangchi py kham tanga pa-rei awm u; nangchi i paleung khaw u; Areng ly ang jeu ai nai kasa bo.

I PETERA 4:7

Na i py atiti bawibawi i tem naira ly kasa bo, hunai deaungkho y nangchi ly chiu sa thai ai nai paleung kateng awm iy amkym u;

II PETERA 3:11

Huni atitichi ly hunai kamta tama bebe ai nai tla, nanai nangchi pany nai deaungkho y, Tameuh i kani tym ai nai athang khai nai hawi, kasa hai ai nai py amhi amtlau nai sai kachai y hawi Tameuh ai dawn ryhryh naira y ly khumi mani ka-tawm awm u ai nai tla mo?

II PETERA 3:9

Phyreichi ly dawndan y nai dawn nai kamta Areng ly mymy i leu adeu naira molam y ly dawndan y nai ny y leang; ami ai py tama hai ai nai ngai y i, khumi bawibawichi uikhei ai nai ngai nai, nangmychi ai ang kham pi nai teu.

I JOHAN 2:18

Bechi awi, kangkhym kangtem i neng ly tym bo; Krista ai paka nai keung ang jeu ai, nanai nangchi i thai nai kamta ly vai py Krista ai paka nai keung neangneangchi ang theu nai bo; hunai deaungkho y kangkhym kangtem i neng ly tym bo, nanai achi pany bo.

AMTENG HAI NAI 1:3

Hini thui yb nai leu sai phain nai keung hawi, hini theung y tajiu nai leu sai thai iy patawm nai keungchi py taham hawi, ati mana nai mo nabaly neng ly kasa bo.

AMTENG HAI NAI 22:10

Naibaly mymy ly kai teng y, “Hini cha-iu theung y thui yb nai leusaichi ly pajawp typ moh: neng ly ang tym ai bo.

AMTENG HAI NAI 22:12

Khen cham, kai kang jeu praw ai; khumi cheaungkhangchi i atiti sa nai kamta khyp my pei ai nai, kai i kawn nai vang ly kai teng y awm.

AMTENG HAI NAI 22:20

Hini leu thui pi nai keung ly, “Ne, kai kang jeu praw ai,” napi. Amen. p Areng Isu awi, jeu jau ba.