ROM AVANGCHI TENG Y PAWLA I CHA PA NAI 12:3 - Khumi Common Language Bible

³ Nangchi theung y ami py tahm apasang nai kawi palai nai ly tahm apasang y naimy, Tameuh my khumi leaung leaungrei teng y ym naira hawi khyp ang pei nai kamta adawn naira y amkym lawh ai nai, kai ly mymy i ang pei nai pahenra deaungkho y leaung leaungrei teng y kang napi bawibawi.

ROM AVANGCHI TENG Y PAWLA I CHA PA NAI 12:3 Iomraidhean Croise

LEU KACHENG 25:27

Khri pa-rei palo naira nga ai nai atho sa nai khumi ly khawi hang ai nei cha ala nai kamta, hawi y parai nai ne.

LEU KACHENG 26:12

Cheng naira by y nai khumi ka-khum ly cheng naira by y pui naimy amymy ai khumi kacheng, nanai amlawn nai khumi tleaung y athang khai naira awm.

Parip nai leu 7:16

Hunai deaungkho y khumi kahawi i hawi nai kamta khri pa-rei atho so ala moh, cheng naira py awm ala moh sy; hina nai hawimy amymy ai ati mana nai apadei ai tau lawh mo?

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

LUKA 18:11

Pharisai ly angdo i mymy naimy hina nai chiu asa ryp, ‘Aw Tameuh, kai ly khumi takhra kamta, um paviu naichi, hawi y naichi, pajang sa naichi ny y nai hawi, hini akeu cheaung nai keung kamta py kai ly ny y nai deaungkho y nang teng y kai kawn parai ba.

JOHAN 3:34

Tameuh i pato nai keung ly Tameuh i leu thui reng; Tameuh ly pata kalei iy Phailo ai pei nai ny y.

ROM AVANGCHI TENG Y PAWLA I CHA PA NAI 1:5

mymy i amyn deaungkho y cheng cheaungkhang theung i khumichi ai ly ym naira patawm hai ai nai, kaichi ly mymy deaungkho y pahenra hawi amtaw thau nai keung lawn ai naira py nga bo;

ROM AVANGCHI TENG Y PAWLA I CHA PA NAI 11:20

Ne khyp; nichi ly ym naira by y nai deaungkho y nichi ai tleu hai veng, nang naini ym naira awm nai deaungkho y angdo nai ne. Am-e moh ly, jei phai jei.

ROM AVANGCHI TENG Y PAWLA I CHA PA NAI 11:25

Amjo amnauchi awi, Cheng Takhrachi ai angym hai y rai khala y Israela khumi phyreichi i tlang tleaung y ly kyh chawn veng naira tym bo, nanai hini leu kathiu ly nangchi pany y ai nai kangai y leang, ti y baly nangchi ly tahm apasang u lawh na.

ROM AVANGCHI TENG Y PAWLA I CHA PA NAI 12:16

Dawn nai vanrei awm u leungtang; paleung apalen y naimy tahm anem naichi hawi amkawm u; tahm apasang u moh.

I KORINTH 15:10

Na i py Tameuh i pahen nai saho y ataing nai kalawn bo; naibaly pahenra ang pei nai ly jawm sum nai by y; huna nai tleaung y ly kai ly nichi bawibawi tleaung y sa nai akawm keh; na i py kai i sa nai ny y leang, Tameuh i pahenra kai teng y awm nai i sa nai teu.

I KORINTH 3:10

Kai ai Tameuh i pahenra ang pei nai kamta, yhm sa nai lu keh i kawp parai nai kamta ly kaimy lengseaung leng i, khumi takhra my salo y yhm sa. Na i py khumi leaung leaungrei ly huni salo y yhm sa ai nai sai ly amkym bawibawi sy.

I KORINTH 7:17

Ati py ne sy, Areng ly khumi leaung leaungrei teng y paji bawibawi nai kamta hawi, Tameuh my khumi leaung leaungrei ai palau bawibawi nai kamta awm sy. Hunai kamta palau takhra kamkawm bawibawi y leu kapei reng.

II KORINTH 10:13

Kaichi ly kaichi i jyh hawi khyp nai bo y ly amlyh y leang, na i py Tameuh my kaichi ai ka-peang ang pei nai jyh kamta ly amlyh ai, nangchi ai py kup rau ai nai pa-rei jyh ly.

II KORINTH 12:13

Kaimy kypkyp ly nangchi ai myn ji kang patei nai molam y ny y baly, nangchi ai palau takhra kamkawmchi tleaung y anui keh naira y sa hai nai ly ati awm mo? Huni teng y naira y ly kai ai pahen u kyh.

II KORINTH 12:7

Naibaly amteng hai nairachi ly khri pa-rei ty nanai deaungkho y tahm ka-pasang ala y ai nai, tlang y patho sprym ang viu hai nai ne, huni ly Setan i amtaw thau nai kai ai tapheu piupa nai ne, ti y baly tahm ka-pasang ala lawh na.

KALATIA 6:3

Khumi ly ati sai py ny y pui nai awm iy, khumi kalen amlawn baly, amy ai atapawp amang atyhtyh nai teu.

EPHESI 3:2

nangchi i vui Tameuh i pahenra kry ai nai kai ai ang pei nai ly nangchi pany u nabaly;

EPHESI 3:4

huni deaungkho y nangchi phain u baly kai i Krista i leu kathiu pany thai nai sai ly nangchi pany u pajau ai.

EPHESI 4:16

Mymy i saho y tlang bomrei ly amtawm naira cheaungkhang sa nai deaungkho y adyh parai pa-rei myacha typ nai patawm achu iy, kangprei cheaungkhang my sa nai kamta, tlang ai ly tamen naira y amcheang ai nai veang hai nai ne.

PHILIPI 2:13

Ati mana nai mo nabaly nangmychi ai mymy i kawn ai naira vui y ngai ai nai hawi sa ai nai, nangmychi ai sa hai nai keung ly Tameuh ne.

KOLOSA 1:29

hunai kamta angdo hai thai ai nai mymy i kaimy theung y sa thai naira khrikhri pa-rei ang sa hai nai sai kamta sa tanga nai kasa akawm nai ne.

KOLOSA 2:13

Naibaly nangchi ly nangchi i taphra nairachi hawi nangchi i ngan y lengkhym takip y nai deaungkho y dei u nai ne, nangmychi kypkyp ai ly mymy hawi vanrei ang paheng nai ne chy bo;

I TIMOTHEI 1:14

naibaly achi Areng i pahenra hawi, Krista Isu y ym naira hawi tamen naira py khri pa-rei lem na bo.

I TIMOTHEI 2:15

na i py nichi ly amkym nai tarawi y ym naira y hawi, tamen naira y hawi, chai naira y py awm jojo baly, chanau tapen nai deaungkho y paheng naira nga ai.

I TIMOTHEI 2:9

Hunai kamta teang neampachychi ly sam khui nai mo, muku mo, khawisalen lengseaung mo, vang ka-teng ny y nai ateaung mo amthyp y naimy, jei kaji nai hawi amkym nai tarawi y avo nai ateaung amthyp i khyly kangai:

TITA 2:12

Hunaibaly achi ly achi i athang khai naira kawn awm parai nai ajeng naimy (huni ly achi i Tameuh tahm asang keh nai hawi achi ai Paheng keung Isu Krista i nang parai naira amteng nai ly), Tameuh ai dawndan y nai sai hawi, khaileaung pri i ngai phi teng y naira py anawn vui iy,

TITA 2:2

neampacho miteaungchi ly amkym ai nai hawi, tahm awm ai nai hawi, paleung kateng awm ai nai hawi, ym naira y hawi, tamen naira y hawi, kham pajau naira y hawi kateng awm ai nai py pachei:

TITA 2:4

hunaibaly Tameuh i leu ai ly thui tamawn naira by y ai nai, anglochi ai ly mymychi i juvochi ai tamen ai nai hawi, mymychi i chanauchi ai tamen ai nai hawi, paleung hawi parai naimy awm ai nai hawi, chai parai naimy awm ai nai hawi,

TITA 2:6

Hunai kamta khyp naimy, thawndeaungchi ai py paleung kateng awm ai nai pachei.

JAKOB 4:6

Na i py mymy ly pahenra pei panawi reng: hunai deaungkho y Tameuh i cha-iu leu y, “Tameuh ly kam-echi ai paka iy, tahm apanem naichi ai ly pahenra pei,” nanai ne.

I PETERA 1:13

Hunai deaungkho y nangchi i paleung akry nai atyp u ly, Isu Krista amteng nai khala y ly nangchi ai nga hai ai nai pahenra mang y angym pa-rei athang khai u jojo.

I PETERA 4:11

khumi ami py leu thui baly, Tameuh i leu kamta thui sy; khumi ami py sabawm baly Tameuh i ham naira ang pei nai kamta so sy; hunaibaly Isu Krista deaungkho y Tameuh ai ly ati cheaungkhangra y palo nai awm thai ai: nang parai naira hawi peang naira ly deungtasarei mymy i ne. Amen.

I PETERA 4:7

Na i py atiti bawibawi i tem naira ly kasa bo, hunai deaungkho y nangchi ly chiu sa thai ai nai paleung kateng awm iy amkym u;

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.

I PETERA 5:8

Amkym u ly, atyp u; nangchi i paleung ka-e diabola ly pa-u reng nai khrangsi takai kamta ly ang cha thai ai naira hau nai ami kalaka na veng;

III JOHAN 1:9

Palau takhra kamkawmchi teng y ly leu maidenchy katajiu chum bo; na i py Diotrapha, nichi theung y kalen keh ngai lawh reng nai keung ly kaichi ai kawn y.