ROM AVANGCHI TENG Y PAWLA I CHA PA NAI 12:12 - Khumi Common Language Bible

¹² Areng i kalop so u ly; athang khai naira y kawn u ly; patang naira y kham pajau u ly; chiu sa ai nai patlaw u moh;

ROM AVANGCHI TENG Y PAWLA I CHA PA NAI 12:12 Iomraidhean Croise

SAM 109:4

Kai ly nichi ai tamen nai sai patei naimy, nichi i vui chiu sa pi i py, nichi ly kai ai ka-jo hau u bo.

SAM 37:7

Mymy i sa pi nai ai kham tanga naimy ajeng; nang chawn nai khumichi molam py, khumi hawi y naichi i katau eaung nai molam py, paleung bi moh.

SAM 40:1

Areng my sabawm ai nai kai ly kham tanga naimy ajeng nai khala y, mymy ly kano patheung iy, kai i aeu nai raawi thai bo.

SAM 62:8

Khumichi awi, Tameuh ai ly ym u jojo; nangchi i patang naira bawibawi ai, mymy teng y amti pi u; mymy ly achi i abyhra ne.

LEU KACHENG 10:28

Khumi kahawichi ly amo theu naira athang khai pajau; na i py khumi hawi y naichi ly ati sai py athang khai u pajau y.

LEU KACHENG 14:32

Khumi hawi y naichi ly hawi y nairachi sa nai molam y, mychi ai mychi naimy atlymra sa u nai ne. Na i py khumi kahawichi ly mychi i leu meitang saho y, mychi ai ama hai ai.

MATTHAI 5:12

Kawn u ly, khri pa-rei amo theu u; kani pri mang y nangchi i kawn nai vang ka-teng ny y nai awm; hunai kamta khyp teang nangchi by y rai khala y amochi ai py ana teang ly.

LUKA 10:20

Na i py vawinamchi ai ly nangmychi my nga ngai sa pajau nai deaungkho y kawn u moh; kani pri mang y naini nangchi i amyn tajiu nai deaungkho y kawn u,” napi.

LUKA 21:19

Nangchi i kham pajau naira my ly nangchi i hengra ai ly lawi hai ai.

LUKA 8:15

Naibaly khaileaung kahawira y tla nai ly hinichi he: paleung kateng kahawi naimy leu thai iy patawm jojo i hawihai palai athai.

AMTAW 1:14

Hunichi bawibawi ly neampachychi hawi, Isu i amhm Mari hawi, Isu i amjo amnauchi hawi paleung venrei my chiu sa nai patlaw y.

AMTAW 12:5

Hunai deaungkho y Petera ai ly theaung y paeung jo rai; na i py palau takhra kamkawmchi my mymy i vui Tameuh teng y chiu sa pi pathyp.

AMTAW 2:42

Naibaly nichi ly abangnaichi i leu patiu naira y hawi amkawm naira y hawi, tako theng baw naira y hawi, chiu sa naira y py hawihai palai awm u jo.

AMTAW 6:4

naibaly kaichi ly chiu sa nai hawi, leu patiu nai hawi patlaw y ai,” napi.

ROM AVANGCHI TENG Y PAWLA I CHA PA NAI 15:13

Naibaly nangchi ly Phailo Kachai i atiti sa thai naira i saho y athang khai naira nga ra nga ra thai ai nai, athang khai hai nai Tameuh my ly nangchi ym nai deaungkho y nangchi ai kawn naira hawi awmnem naira cheaungkhang kawi hai sy.

ROM AVANGCHI TENG Y PAWLA I CHA PA NAI 15:4

Achi ly Tameuh i cha-iu deaungkho y kham pajau naira hawi awmnem naira nga iy, athang khai naira nga thai ai nai, jangni i tajiu nai ngierei ly achi ai ang patiu ai nai tajiu nai ne.

ROM AVANGCHI TENG Y PAWLA I CHA PA NAI 2:7

atiti kahawi sa naira y kham pajau iy, nang parai naira hawi tahm asang naira hawi, veaung thai y naira hau nai keungchi teng y ly deungtasarei hengra pei ai;

ROM AVANGCHI TENG Y PAWLA I CHA PA NAI 8:25

Achi ly amychi i niu thai y nai nga ai nai athang khai baly, achi ly huni ai ajeng tanga.

I KORINTH 13:13

Hunaibaly hini thomrei, ym naira hawi, athang khai naira hawi, tamen naira py awm jojo ai; naibaly hinichi theung y len keh nai ly tamen naira ne.

II KORINTH 12:8

Huni molam y ly kai ai ang heng pi vui thai ai nai kai ly Areng teng y tlen thomrei hnei bo.

PHILIPI 3:1

Kangkhym i naira y ly amjo amnauchi awi, Areng y kawn u. Nangchi teng y huni atiti tajiu anawi bi nai ly kai i vui palei ai awm nai ny y leang, nangchi i vui chawn lawh veng.

PHILIPI 4:4

Areng y ly kawn u jojo; kang napi bi ai kawn u.

KOLOSA 1:11

Naibaly nangchi ly amo theu parai naimy kham pajau naira hawi, amnym naira cheaungkhang nga u ai nai, mymy i nang parai naira ham nai sai kamta sa thai naira y ham naimy,

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

KOLOSA 4:12

Epaphra, nangmychi theung i khumi leaungrei, Krista Isu i miseaung my ly nangchi ai kawn nai leu ang thui pi mang; nangchi ly Tameuh i kangai ngierei y cheang nai hawi ym cheng cheng nai angdo u thai ai nai, ni i chiu sa naichira y ly nangmychi i vui hawihai palai chiu ang sa pi patyp jojo nai ne.

KOLOSA 4:2

Chiu sa ai nai patlaw u moh ly, hunira y ly kawn nai leu thui u nai tarawi y atyp u;

I THESALONIKA 1:3

tamen nai deaungkho y nangchi i sa akawm nai sai hawi, achi i Areng Isu Krista ai athang khai nai deaungkho y nangchi i kham pajau nai sai py tami y naimy pany jo i, kaichi i chiu sa naira y ly nangchi i amyn tabawi iy, nangmychi bawibawi deaungkho y kaichi ly Tameuh teng y kawn nai leu thui jojo nai ne.

I THESALONIKA 5:8

Na i py achi ly kanithun i khumi ne nai deaungkho y ym naira hawi tamen naira khupui ly adang iy paheng naira nga ai nai athang khai naira ly lukym y teaung iy, atyp u sina.

II THESALONIKA 1:4

hunaibaly nangchi ai ana naira bawibawi y hawi, nangchi i tlang tleaung y ngari patang nai tym naira y ly nangchi i kham tanga nai sai hawi ym nai sai deaungkho y kaichi ly Tameuh i palau takhra kamkawmchi theung y ly nangchi ai kamlyh u reng nai ne.

II THESALONIKA 3:5

Naibaly Areng ly nangchi i paleung ai ly Tameuh ai tamen naira mang y hawi, Krista i kham tanga naira mang y pahawi sy.

I TIMOTHEI 6:11

Na i py nang, Tameuh i khumi awi, huni atitichi ai ly angpreng veng! Hawi naira hawi, Tameuh ai dawn ryhryh naira hawi, ym naira hawi, tamen naira hawi, kham pajau naira hawi, leu anui naira ai py hui veangveang.

II TIMOTHEI 3:10

Na i py nang ly kai i patiu nai, amhi amtlau nai sai, sa tau nai sai, ym nai sai, amnym nai sai, tamen nai sai, kham pajau nai sai, kai ai ana nai sai, patang nai sai,

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

TITA 3:7

hunaibaly achi ly mymy i pahenra deaungkho y eaung naira nga iy, deungtasarei hengra nga ai nai athang khai nai kamta ly yhmtheaung amtym nai keung y lawn thai ai.

HEBRAI 10:32

Na i py jangni y nangchi ai angvang hai nai bo y khri pa-rei khrukhra la parai nai patang nai thym khala i kani ly adawn u vau;

HEBRAI 10:36

Nangchi ly Tameuh i kangai sa nai bo y atiti adeu nai ly nga thai ai nai, kham tanga naira aly ngai u chy bo.

HEBRAI 12:1

Hunaibaly angdeang nai keungchi my huna tanrei achi ai khupanym sau ana pa-rei ang taki nai deaungkho y, achi ai ateu hai yh nai ngierei hawi, amychi y abi cheng nai kamngo ly khai u veng teang sina;

HEBRAI 3:6

na i py Krista ly Tameuh i dengtheungchi i tlang tleaung y Chapo y ka-ym awm nai ne, naibaly achi ly tem khala y khrairei vam naira hawi athang khai naira i amlyh naira khaw parai pa-rei my patawm cheng baly, achi ly mymy i dengtheungchi ne.

HEBRAI 5:7

Ni ly tlang y awm nai thym khala y ly, dei naira y mymy ai paheng pajau nai keung teng y ly khrikhri pa-rei aeu nai hawi mei katiu tla nai tarawi y chiu sa nai hawi atiti hnei nai talam iy, Tameuh teng y aau nai deaungkho y ang tangai pi:

HEBRAI 6:12

hunaibaly nangchi ly atho si y naimy ym naira hawi kham pajau naira deaungkho y leu adeu nairachi amtym chum naichi i amtiu nai keung lawn ai.

HEBRAI 6:15

Hunaibaly mymy ly pajau tanga pa-rei kham nai bo y leu adeu nai ly nga khyp bo.

JAKOB 5:7

Hunaibaly amjo amnauchi awi, Areng jeu y ryrei ly kham tanga pa-rei awm u. Khen cham, hlau sa nai khumi ly kani nai angchei nai hawi, nai pakhym nai kani palo y ryrei ly khaileaung i athai teng parai nai ly kham tanga pa-rei ajeng.

I PETERA 4:13

huni ny y naimy nangchi ly Krista i patang naira y patang ahawi nai keungchi lawn nai deaungkho y kawn u: hunaibaly mymy i nang parai naira amteng nai khala y nangchi ly amo theu parai naimy kawn u teang thai ai.

I PETERA 4:7

Na i py atiti bawibawi i tem naira ly kasa bo, hunai deaungkho y nangchi ly chiu sa thai ai nai paleung kateng awm iy amkym u;

II PETERA 1:6

naibaly pany naira y ly amkym naira abawi u ly, naibaly amkym naira y ly kham pajau naira abawi u ly, naibaly kham pajau naira y ly Tameuh ai dawn ryhryh naira abawi u ly,

AMTENG HAI NAI 13:10

Ami ai py miseaung y hawi ai nai tla baly miseaung y hawi takengkei ai: ami py haisau y khumi ai tleh baly ni ai ly haisau ai tleh teang takengkei ai. Hinira y ly khumi kachaichi i kham tanga naira hawi ym naira amteng hai nai ne.