ROM AVANGCHI TENG Y PAWLA I CHA PA NAI 1:22 - Khumi Common Language Bible

²² Nichi ly kacheng apalawn u iy kamthu y lawn veng, naibaly dei thai y nai Tameuh i nang parai naira ai ly dei thai nai khumichi hawi,

ROM AVANGCHI TENG Y PAWLA I CHA PA NAI 1:22 Iomraidhean Croise

LEU KACHENG 25:14

Langseaung pei ai, nanai adeu iy adeu nai kamta so y nai khumichi ly kanitui abawi y nai khupanym hawi ali kamta ne.

LEU KACHENG 26:12

Cheng naira by y nai khumi ka-khum ly cheng naira by y pui naimy amymy ai khumi kacheng, nanai amlawn nai khumi tleaung y athang khai naira awm.

ISAIA 44:20

Ni i sa nai ly maidym cha nai kamta, ati sai py ny y. My i akhum nai ka-dawn ly mymy ai lam tamang hai. Hunai deaungkho y ni ai sabawm ai nai avo pajau y bo. Ni ly my i kiu y syn nai myn ly tameuh pipi ny y, nanai pany y.

ISAIA 47:10

“Nang ly hawi y naichi sa iy, amymy ai ne bo, ami py niu y, nanai athang khai lawh. Nang i cheng naira hawi pany thai nairachi my, nang ai lam tamang hai bo. Nang ly nangmy ai, ‘Kai ly Tameuh ne, kai ka-tawm khumichi theung y by y,’ nanai thui bo.

JEREMIA 10:14

Hini atitichi ai niu nai deaungkho y khumichi ly mynkym vui iy, khumi ka-khumchi lawm u bo. Kheupaja ngan thip kawp nai bawibawichi ly mychi sa nai tameuhchi ly tameuh tatang ny y nai deaungkho y kaji u bo. Ati mana nai mo nabaly mynchi ly hengra by y nai deaungkho y ne.

JEREMIA 4:22

Areng my, “Kai i khumichi ly akhum parai; nichi ly kai ai pany u y. Nichi ly hawi y nai deaungdichi hawi atawm; nichi teng y pany thai naira by y. Nichi ly hawi y sa naira y kyh chawn u teu i py, kahawi sa ai nai ly kawp u y,” napi.

MATTHAI 6:23

Na i py nang i mei chai y baly nang i tlang bom verei y kaveng kawi be ai mang. Hunaibaly nang theung y awm nai kangvang ly kaveng ne iy khyly, huni kaveng ly khri pa-rei ty na ly!

ROM AVANGCHI TENG Y PAWLA I CHA PA NAI 11:25

Amjo amnauchi awi, Cheng Takhrachi ai angym hai y rai khala y Israela khumi phyreichi i tlang tleaung y ly kyh chawn veng naira tym bo, nanai hini leu kathiu ly nangchi pany y ai nai kangai y leang, ti y baly nangchi ly tahm apasang u lawh na.