ROM AVANGCHI TENG Y PAWLA I CHA PA NAI 1:17 - Khumi Common Language Bible

¹⁷ Naibaly ym naira veang ryh veang ryh ai nai, hunira y ly Tameuh i hawi nai sai amteng hai nai ne; “Khumi kahawi ly ym naira y heng ai,” nanai tajiu nai kamta.

ROM AVANGCHI TENG Y PAWLA I CHA PA NAI 1:17 Iomraidhean Croise

Ezekiela 18:9

Ni ly leu pei naichi tangai iy kai i Reita leu pei naichi py hawihai palai sa patawm. Huni khumi ly khumi kahawi ne nai deaungkho y heng ai, nanai sa thai naira angym nai Areng my leu pei nai ne.

HABAKKUK 2:4

Pany hai nai leu ly ‘khumi hawi y naichi ly heng pajau y leang; khumi kahawichi ly Tameuh ai ym nai deaungkho y heng u ai.’ ” napi.

Kati Nai 21:9

Naibaly Mosi ly kheupaja pavui myn sa iy teang tleaung y dang i, pavui my patiu nai ngierei ly kheupaja pavui myn ai khen baly dei y nai ne.

JOHAN 3:36

Ami py Chapo ai ym nai ngierei ly deungtasarei hengra nga bo; na i py Chapo ai ym y nai ngierei ly hengra ngo y ai i, Tameuh i kado theu nai ly ni teng y awm jo,” nanai pathang.

ROM AVANGCHI TENG Y PAWLA I CHA PA NAI 10:3

Nichi ly Tameuh i hawi naira pany y naimy, mymychi i hawi naira khaw hai ai nai tau iy, Tameuh i hawi naira y apei u y lawh.

ROM AVANGCHI TENG Y PAWLA I CHA PA NAI 3:21

Na i py vai ly Reita hawi amochi my pany hai nai kamta, Reita ny y naimy Tameuh i hawi naira ly amteng hai bo;

ROM AVANGCHI TENG Y PAWLA I CHA PA NAI 3:22

huni ly mana mo nabaly Isu Krista ai ym nai deaungkho y Tameuh i hawi naira ly ym nai ngiereichi teng y amteng hai nai ne:

ROM AVANGCHI TENG Y PAWLA I CHA PA NAI 3:3

Naibaly phyreichi ly ym naira by y teu i py ati sa lawh i bo? Nichi i ym y naira my ly Tameuh i ka-ym awm nai sai ai ati sai py ny y nai palawn lawh nai sai a?

ROM AVANGCHI TENG Y PAWLA I CHA PA NAI 9:30

Tumbaly achi ly mana thui ai mo? Hawi naira hui y nai Cheng Takhrachi ly hawi naira ai kai nai bo, huni ly ym nai deaungkho y hawi naira ne.

II KORINTH 3:9

Pasum ai naira i kalop sa nai malawn py nang parai naira awm baly, hawi naira i kalop sa nai ly nang parai naira mang y khrikhri pa-rei ty ai nai tla.

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

KALATIA 3:11

Naibaly ami py Tameuh i mei ka-niu y ly Reita deaungkho y eaung naira ngo y leang, nanai amteng angchi yb nai ne. Ati mana nai mo nabaly, “khumi kahawi ly ym naira y heng ai,’ nanai ne.

PHILIPI 3:9

Krista ai kanga thai ai nai hawi, amy i hawi naira ly (huni ly Reita i hawi naira) by y naimy, Krista ai ym nai deaungkho y hawi naira ly (huni ly ym nai deaungkho y Tameuh teng i hawi naira) nga lawh iy, mymy y kaawm lawh thai ai nai hawi,

HEBRAI 10:38

Na i py kai i khumi kahawi ly ym naira deaungkho y heng ai; Ni ly nithun mang y anaw baly Kai i paleung ly den py ni ai kawn y ai.”