ROM AVANGCHI TENG Y PAWLA I CHA PA NAI 1:13 - Khumi Common Language Bible

¹³ Naibaly amjo amnauchi awi, Cheng Takhra takhrachi theung y kai i athai kanga nai kamta ly, nangchi theung y py athai kanga thai ai nai kai ly nangchi teng y tlen neangneang kang jeu ai nai tau bo, nanai nangchi pany y ai nai kangai y leang; na i py vai khrairei kai ai ang paka jojo.

ROM AVANGCHI TENG Y PAWLA I CHA PA NAI 1:13 Iomraidhean Croise

ISAIA 27:6

Huni kani y Jakob i katu chanauchi napi nai Israela chengchi ly dengkeaung keung kamta, tangjyn pala iy pau ai. Khaileaung ly thengthaichi hawimy kawi na ai.

JOHAN 12:24

Meitang khyp kang thui pi, choh amairei khaileaung y tla iy dei y baly huni my tlairei awm jojo ai khyh; dei baly neangneang peung ai.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

JOHAN 4:36

Hei nai keung hawi tyn nai keung py kawn ahawi thai ai nai, tyn nai keung ly vang nga i, deungtasarei hengra tym pa-rei awm ai nai athai pakym.

AMTAW 1:15

Hunai khala y ly (nichi bawibawi ly chungvai atlo leaung apomrei mo awm i) Petera ly amjo amnauchi theung y angdo iy,

AMTAW 14:27

Naibaly nini ly tym nai bo y palau takhra kamkawmchi ai palau achu i, Tameuh my nini ai teaung iy atiti sa naichi bawibawi hawi, Cheng Takhrachi i vui y ym naira katheu paeaung pi nai saichi py thui pi.

AMTAW 15:12

Hunaibaly khumi mipui bawibawichi ly katheu y naimy Barnaba nini Pawla ai Tameuh my teaung iy cheng Takhrachi theung y ka-ma-rachi hawi atiti lyh ai awm naichi satang thui pi nai sala ryrei ly tangai u bo.

AMTAW 19:21

Naibaly huna nai pajau iy Pawla ly Makedonia pri hawi Akaia pri y amki i Jerusalem y chei ai nai paleung awm i, “Hu y chei pajau nai bo y Rom avang py kakhen ai nai tla,” napi.

AMTAW 21:19

Naibaly mymy ly nichi ai noso hawi a? napi pajau nai bo y, mymy i kalop sa naira y Tameuh my Cheng Takhrachi theung y atiti sa hai nai ngierei ly ka-kawi ka-mi thui pi vyhvyh.

AMTAW 28:14

hu y ly amjo amnauchi hawi avum i mymychi teng y kani saryhrei awm ai nai ang parawi; hunai kamta kaichi Rom avang mang y tym bo.

ROM AVANGCHI TENG Y PAWLA I CHA PA NAI 1:12

ati mana nai mo nabaly nangchi i ym naira hawi kai i ym naira my achi vanrei awm hai nem thai ai nai kangai nai ne.

ROM AVANGCHI TENG Y PAWLA I CHA PA NAI 11:25

Amjo amnauchi awi, Cheng Takhrachi ai angym hai y rai khala y Israela khumi phyreichi i tlang tleaung y ly kyh chawn veng naira tym bo, nanai hini leu kathiu ly nangchi pany y ai nai kangai y leang, ti y baly nangchi ly tahm apasang u lawh na.

ROM AVANGCHI TENG Y PAWLA I CHA PA NAI 7:1

Amjo amnauchi awi, khumi heng nai sala ryrei ly Reita ly mymy i tlang tleaung y peang, nanai nangchi pany u y nai sai a? (Kai ly Reita pany nai khumi teng y kathui nai he.)

I KORINTH 1:10

Naibaly amjo amnauchi awi, nangchi bawibawi ly leu vanrei thui u i, nangchi theung y akhawi takhra naira den py awm y ai nai, paleung vanrei hawi dawn nai vanrei py amtawm u cheng ai nai, achi i Areng Isu Krista i amyn y kang takeng.

I KORINTH 10:1

Amjo amnauchi awi, hini ly nangchi pany y ai nai kangai y leang, huna nai achi i amsi sangum bawibawichi ly khupanym anui y bebe awm i, nichi bawibawi ly pangli y py bebe angpeang;

I KORINTH 12:1

Naibaly amjo amnauchi awi, phailo mang i atiti sa thai nairachi pei nai satang ly nangchi pany y ai nai kangai y leang.

I KORINTH 14:20

Amjo amnauchi awi, paleung y ly deaungdi kamta awm u reng moh; ne mang ly kamngora y ly deaungdi chymplei nai kamta awm u ly, na i py paleung y ly khumi ka-cheang lawn u.

I KORINTH 14:26

Amjo amnauchi awi, tumbaly mana sa ai mo? Nangchi ly achu u nai khala y ly leaung leaungrei ly palo nai khulym mo, leu patiu nai mo, amteng hai nai leu mo, leu athai y nai mo, thui pi pachai nai leu mo awm u bawibawi veng.

I KORINTH 9:2

Kai ly khumi takhraichi i vui ly amtaw thau nai ny y iy py, nangchi i vui ly ne khyp; ati mana nai mo nabaly nangchi ly Areng y kai i amtaw thau nai sai ka-ma-ra ne he.

II KORINTH 1:8

Amjo amnauchi awi, Asia pri y kaichi i tlang tleaung y ngari patang naira tym nai molam y ly nangchi pany y ai nai kang ngai hai y leang, huna nai kaichi ly khrikhri pa-rei kham pajau y nai, heng ai nai py athang khai y nai pa-rei ang ti nai ne.

II KORINTH 2:14

Na i py Tameuh teng y kawn nai leu tym sy; mymy ly Krista hawi vanrei pajau naira y ang pahawi jojo nai keung hawi, kaimychi ai ang teaung nai meingtym tleirei y mymy ai pany naira i mui amteng hai nai keung py ne.

KALATIA 3:15

Amjo amnauchi awi, khumi kamta kathui nai ne; khumi i leu maikawm py ne sy, khaw hai chum nai bo y ly taprei vai y, tabi py tabi panawi vai y leang.

KALATIA 6:18

Amjo amnauchi awi, Areng Isu Krista i pahenra ly nangchi i phailo teng y awm sy. Amen.

PHILIPI 1:22

Na i py tlang y heng nai ly kai i phy nga ai nai ne iy, huni ly kai i sa nai athai ne iy khyly, hunaibaly mani nai kavawi ai mo, nanai kapany y leang.

PHILIPI 4:17

Kai ly atiti pei sy, nanai kahau nai ny y leang; nangmychi mang y athai peung ai nai kahau nai teu.

KOLOSA 1:10

nangchi ly atiti kahawi sa nai cheaungkhangra y athai iy, Tameuh ai pany naira y py chawn ryh chawn ryh iy, ati cheaungkhangra y mymy i paleung i kangai sa ai nai, Areng teng y abang ai ataing nai lawn u thai ai nai, chiu kang sa pi nai hawi kang hnei pi nai py anawn y leang.

KOLOSA 1:6

nangchi py meitang khyp naimy Tameuh i pahen nai sai thai u iy, nangchi i pany nai kani dengdairei nangmychi y py, khaileaung pri verei y py athai iy peung dudu nai ne.

I THESALONIKA 2:18

Kaichi ly nangchi teng y kang jeu tanga ai nai tau cheng i, kai Pawla kypkyp py tlen tlen nyhrei chang y nai tau bo, na i py Setan my ang paka reng.

I THESALONIKA 4:13

Na i py amjo amnauchi awi, khumi takhra athang khai naira pipi by y naichi i kamta paleung mawn u y ai nai, nangchi ly i ngym chum naichi i satang pany y ai nai kang ngai y leang.

II THESALONIKA 2:7

Kangviu y Reita Taphra Nai ly vai py atiti sa dudu nai ne: na i py la vui nai awm y ryrei ly vai ly kam nai keung awm.

II TIMOTHEI 4:17

Na i py aeu nai leu ly kaimy deaungkho y thui pi angym thai ai nai hawi, Cheng Takhra bawibawichi ly thai ai nai py Areng ly kai ai ama hai i, ham hai:khrangsi takai i labeaung i nai py kai ai ang tleaung hai.