PHILIPI 4:8 - Khumi Common Language Bible

⁸ Kangkhym i naira y ly amjo amnauchi awi, meitang naira ngierei hawi, tahm khai naira ngierei hawi, hawi naira ngierei hawi, chai naira ngierei hawi, apu nai ngierei hawi, hawi sa nai amthang nai ngierei hawi, hawi naira awm iy palo naira awm baly hunichi ai dawn u.

PHILIPI 4:8 Iomraidhean Croise

ATITI AWM ANGCHEI NAI 18:19

Kai i leu tangai iy, atiti kahawi sa ai nai mymy i kangpreangchi hawi, mymy i chapochi ai leu pei ai nai molam y, kai ly mymy ai vawi takhra nai ne. Nichi kahawi sa baly kaimy i leu adeu nai kamta khyp, ni i vui ati cheaungkhangchi sa pi ai,” napi.

2 SAMUELA 1:23

“Lyh ai hawi parai iy paleung ka-no hawi nai Sawla hawi Jonathan nini ly heng vanrei, dei vanrei, Ahmtlau tleaung y rang iy, khrangsichi tleaung y atho awm keh.

2 SAMUELA 23:3

Israela chengchi ai atleu nai keung, Israela chengchi i Tameuh ly kai teng y hina nai leu pei bo: “Tameuh ai jei kaji naimy tahm khai iy, leu meitang adyh adawi naimy peang nai samrang ly

SAM 82:2

“Nangchi adyh adawi y ai nai ly tara chih u moh; khumi hawi y naichi ai meimai khen iy tara chih u reng moh.

LEU KACHENG 11:1

Areng ly teng y nai sie teaung nai khumichi ai niu ngai y; sie kateng teaung nai khumichi ai kawn nai ne.

LEU KACHENG 12:4

Aju kahawi ly my i juvo i vui, tahm asang naira hawi amo theu naira ne; na i py juvo ai kangji pei reng nai aju ly juvo i hiura y man nai roka hawi atawm.

LEU KACHENG 16:11

Areng ly takhu teaung, si khyry katengchi ai py, ka-jo ka-van sa naira y pajyh patleh y nai ai py khrei nai ne.

LEU KACHENG 20:7

Neaung hawi nai ly kateng sa reng. Ni i katu chanauchi ly taham hawi.

LEU KACHENG 31:10

Kaja awm nai aju ai hau iy, avum ai nai ly khri pa-rei rai parai na! Ni ly amia lengseaung tleaung y py, vang teng keh na a!

LEU KACHENG 31:29

Ni i juvo my, “Nang ly kahawi sa kawp nai aju, neampachy neangneangchi theung y, nang ly kawp keh,” nanai palo bo.

LEU KACHENG 31:31

Huna nai sa nai neampachy ai tahm pasang ba. Ni ly khumi luteng my tahm khai ai ataing nai khumi ne.

Solomon i khulym 5:16

Ni i labeaungteng ly khri pa-rei khrei ai nai hawi iy, ni i amhi amtlau naichi ly khri pa-rei hawi parai. Jerusalem mary i neampachychi awi, hini ly kai i khrei nai keung i kucha kahawi ne.

ISAIA 26:7

Aw Areng, nang ly khumi kahawichi i lam taw hai bo; nichi i tako nai khuleaung lam py, adyh parai nai ne.

MATTHAI 22:16

Naibaly nichi ly mymychi teng y abangnaichi hawi, Heroda i kamkawmchi ai mymy teng y pato i hunichi my ly, “Sara awi, nang ly khumi meitang ne, Tameuh i lam y py leu meitang khyp naimy patiu iy, ami ai py meimai akhen y, nanai kaichi pany: ati mana nai mo nabaly nang ly ami ai py patle takhra lawh nai py by y.

MARKA 6:20

ati mana nai mo nabaly Heroda ly Johan ai khumi kahawi hawi, khumi kachai ne, nanai pany nai deaungkho y ni ai jei i, kry jojo. Naibaly ni i leu tangai nai khala y mymy ly khri pa-rei paleung bi na; na i py ni i leu kawn parai naimy tangai lawh.

LUKA 16:15

Hunaibaly ni ly mymychi teng y, “Nangchi ly khumi i mei ka-niu y kahawi sa u nai teu; na i py Tameuh my nangchi i paleung ly pany veng; khumichi tengtawi apalo nai ly Tameuh i mei ka-niu y ly kamso awm parai.

LUKA 2:25

Naibaly khen cham, Jerusalem y ly amyn Simeon khumi leaungrei awm: huni khumi ly khumi kahawi hawi, Tameuh ai dawn parai nai khumi ne: Israelachi ai awm hai nem nai keung ai ly ajeng: mymy teng y Phailo Kachai awm.

LUKA 23:50

Naibaly khen cham, khumi leaungrei amyn ly Josepha, tara chih nai keung, khumi meitang hawi khumi kahawi awm.

JOHAN 7:18

Ami py amy i leu paseang iy thui nai ly amy ai apalo naira hau nai teu; pato nai keung ai palo naira hau nai ly huni khumi kypkyp ly meitang ne, mymy teng y ly hawi y naira den py by y.

AMTAW 10:22

Naibaly nichi my ly, “Kornelia, tavaimi chungvaiei lu, khumi kahawi, Tameuh ai tahm khai nai, Juda cheng bawibawi theung i amyn kahawi awm nai, ni teng y kani pri i amtaw thau nai kachai leaungrei ly nang i leu thui nai pany ai nai hawi, mymy i yhm y nangmy ai palau ai nai py thui pi na a,” napi.

AMTAW 22:12

“Naibaly khumi leaungrei, Anania, Reita y Tameuh ai tahm khai nai hawi, hu y awm nai Judachi bawibawi teng y amyn kahawi amthang nai ly kai teng y ang jeu iy, kai i ahawi y angdo i, kai teng y,

AMTAW 6:3

Hunaibaly amjo amnauchi awi, nangchi theung y Phailo hawi cheng naira my kawi nai khumi, amyn kahawi cheichei leaung saryhreichi ai vawi u, nichi ai ly hini atiti chih ai nai keung y kaichi my khai ai;

ROM AVANGCHI TENG Y PAWLA I CHA PA NAI 13:13

Kanithun y awm nai kamta hawihai palai awm u sina; mhm nei khrukhra nai hawi, mhm pavui y naimy, paleaung nai hawi angai nai py awm y naimy, ajo nai hawi paleung ano nai py awm u moh sina.

ROM AVANGCHI TENG Y PAWLA I CHA PA NAI 13:3

Atiti kahawi i vui ly peang nai keungchi ai jei ai nai by y; atiti hawi y nai i vui naini ka-jei awm nai teu. Nang ly peang nai keung ai jei y nai awm ai nai ngai a? Tumbaly atiti kahawi so, naibaly mymy ly ang palo ai:

ROM AVANGCHI TENG Y PAWLA I CHA PA NAI 14:18

Ami py huni kamta Krista i kalop sa nai khumi ai ly Tameuh my kawn i, khumichi py palo.

ROM AVANGCHI TENG Y PAWLA I CHA PA NAI 2:29

Na i py paleung theung y Juda khumi ne nai ly Juda tatang ne; naibaly lengkhym takip tatang nai ly paleung y takip nai ne, cha-iu leu y ny y naimy, phailo y ne; huni ly khumi i palo naira ngo y naimy, Tameuh i palo naira nga lawh.

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

II KORINTH 13:7

Naibaly nangchi ly atiti hawi y nai ly den py so u y ai nai kaichi ly Tameuh teng y chiu sa; huni ly kaimychi i hawi naira amteng hai thai ai nai ny y i, nangchi ly apu nai ngierei sa u thai ai nai teu, kaichi ly cham naira y eaung y nai kamta awm lawh teu iy py.

II KORINTH 6:8

amyn thui tamawn nai hawi amyn kahawi thui nai deaungkho y py; tapawp nai keung kamta awm iy, khumi meitang ne lawh nai;

II KORINTH 8:18

Naibaly kaichi my amjo amnau leaungrei ai mymy hawi vanrei kang pato bo; huni amjo amnau ai ly Satang Kahawira y palo nai leu ly palau takhra kamkawm bawibawichi theung y amthang bo;

II KORINTH 8:21

Ati mana nai mo nabaly Areng i mei ka-niu y khyh ny y naimy, kaichi ly khumi i mei ka-niu y py atiti cheh ai by y nai dawn rym nai ne.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

EPHESI 4:25

Hunaibaly ka-chawi thui nai ly anawn vui iy, leaung leaungrei ly amy i saleaungchi teng y leu meitang thui u sy; achi ly leaung leaungrei ly vanrei angprei ahawi nai ne.

EPHESI 5:9

Areng i kawn nai ly ati mo, nanai cham iy, kangvang i chanauchi kamta tako u;

EPHESI 6:14

Hunaibaly akeng y leu meitang akawm u nai, hawi naira tangta ang i khupui py adang u iy,

Leu Thui Nai 16:20

Nangchi i Areng Tameuh my pei nai pri ai peang iy, huni pri y awm u jo thai ai nai, nangchi ly leu meitang naimy chih pi jojo ai nai tla.

PHILIPI 3:1

Kangkhym i naira y ly amjo amnauchi awi, Areng y kawn u. Nangchi teng y huni atiti tajiu anawi bi nai ly kai i vui palei ai awm nai ny y leang, nangchi i vui chawn lawh veng.

KOLOSA 4:5

Ka-vo sa pi nai ly pasum u y iy, angam mang i khumichi teng y ly cheng parai naimy awm u.

I THESALONIKA 4:12

hunaibaly nangchi ly ati sai py avaw y iy angam mang i khumi i ka-niu y meitang naimy awm u thai ai.

I TIMOTHEI 2:2

atiti hnei nai chiu sa nai hawi, chiu sa lyhlyh nai hawi, chiu sa pi nai hawi, kawn nai leu thui nai py khumi bawibawichi i vui hawi, samrangchi hawi peang nai keungchi i vui py sa pi ai nai kang pachei.

I TIMOTHEI 3:11

Hunai kamta teang neampachychi py tahm khai ai nai khumi ne ai nai tla; seu rumrang nai khumi ny y naimy, amkym thai nai khumi hawi atiti cheaungkhangra y ka-ym awm nai khumi ne ai nai tla.

I TIMOTHEI 3:4

awmnem naimy mymy i chanauchi ai parip iy amy i dengtheungchi ai kry kawp nai khumi;

I TIMOTHEI 4:12

Nang i saneng nau nai sai ly ami my tahm khai y ai nai so moh: na i py nang ly leu thui naira y hawi, amhi amtlau naira y hawi, tamen naira y hawi, ym naira y hawi, chai naira y py ym naichi i vui y amtiu naira lawn ba.

I TIMOTHEI 5:10

atiti kahawi sa naira y khumichi my palo nai, chanauchi ai py pacho chum nai, angvyn angvo hawi hai chum nai, khumi kachaichi i kheu py paju chum nai, patang naichi ai sabawm iy atiti kahawi cheaungkhang sa chum nai awm baly amyn tabawi.

I TIMOTHEI 5:2

thawndeangchi ai ly amjo kamta, neampachy miteaung kyh naichi ai ly amhm kamta, anglochi ai ly chai parai pa-rei my tuicho kamta pachei.

TITA 1:8

Huna ny y naimy ni ly angvynchi ai kawn reng nai hawi, atiti kahawi ngai parai nai hawi, amkym thai nai hawi, paleung kahawi hawi, khumi kachai hawi, amy i ngai nai sai apeang nai khumi py ne lawh ai nai tla;

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

TITA 2:2

neampacho miteaungchi ly amkym ai nai hawi, tahm awm ai nai hawi, paleung kateng awm ai nai hawi, ym naira y hawi, tamen naira y hawi, kham pajau naira y hawi kateng awm ai nai py pachei:

TITA 2:7

Makeng mang asa naichi theung i ami my achi i tlang tleaung y leu hawi y nai thui ai by y nai deaungkho y kaji thai ai nai,

TITA 3:14

Naibaly achi i khumichi ly athai y naimy awm y ai nai, avaw iy aeang nai ka-vo takhra takhra i vui y atiti kahawi sa jojo ai nai amtiu u sy.

HEBRAI 11:2

Hunira y ly miteaung kehchi my ly palo naira nga lawh veng.

HEBRAI 13:18

Kaichi i vui chiu so pi kyh; kaichi ly cheaungkhangra y hawihai palai awm ai nai tau iy, hawi nai hawi y nai pany naira chai parai nai ly awm, nanai kaichi ly teng khyp naimy apany bo.

JAKOB 1:27

Achi i Tameuh hawi Ampo i mei ka-niu y reita kachai hawi kamngo abawi y nai ly hini he: nurochi hawi neampachy lumaichi ngari patang khala y ly de ai nai hawi, khaileaung pri y kamngo akau y pa-rei akry ai nai py ne.

JAKOB 3:17

Na i py salo mang i dengdairei cheng naira theu nai ly angchei y chai vui rai, hunai bo y ly aly ai nai ngai i neaung py hawi parai, ado ai nai py ngai, pahen naira hawi athai kahawi my kawi, naibaly patle takhra y i tapawp nai py by y.

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.

I PETERA 4:8

atiti bawibawi tleaung y py hawihai palai atamen u leungtang: tamen naira my ly kamngo neangneang ai khiu lawh veng:

II PETERA 3:1

Ngai parai naichi awi, vai nangchi teng y katajiu nai ly kai i cha pa-nyh kang pa nai ne; nangchi ly amo kachaichi i leu thui rym nai hawi, nangchi i amtaw thau naichi i labeaung y Areng hawi Paheng Keung i leu pei nai py pany jo ai nai,

I JOHAN 3:18

Bechi awi, labeaung palai y khyh ny y naimy, atiti sa naira y hawi meitang khyp naira y py tamen u sina.

I JOHAN 3:3

Ami py mymy i tlang tleaung y hini athang khai naira awm nai ngierei ly mymy i chai nai kamta ly apachai jojo teang.

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.

RUTHI 3:11

Ruthi awi, vai ly paleung mawn moh, nang i thui nai kamta kai sa pi ai mang. Nang ly kaja hawi nai neampachy leaungrei ne, nanai mary vereichi my pany bawi nai ne.