PHILIPI 4:7 - Khumi Common Language Bible

⁷ Hunaibaly Tameuh teng i awmnem naira, den py pany bawi pajau y nai my ly, nangchi i paleung hawi dawn nairachi py Isu Krista y ang typ pi ai mang.

PHILIPI 4:7 Iomraidhean Croise

NEHEMIA 8:10

Vai ly yhm y vawi u iy amo theu naimy cho nei u. Nangchi i teicha teinei hawi kreip hang ly khumi kamawnchi teng y paji pi u. Vaini ly achi i Areng i kani kachai ne nai deaungkho y, paleung mawn u moh. Areng teng i nga nai amo theu naira ly nangchi ai atho angym hai ai,” nanai thui u nai ne.

JOBA 22:21

Joba awi, vai, Tameuh hawi ka-ly so ba. Mymy ai paleung ka-e kamta, palawn moh jau ba. Huna khala naini, mymy ly nang ai amtheaung hai ai.

JOBA 34:29

Tameuh ly ati sai py ny y naimy awm ai nai dawn lawh teu i py, ami py mymy ai thui tamawn pajau ai ny y. Mymy ly my i meimai hi pi vui lawh ai nabaly, khumichi ly kajeaung kamang lawm u ai.

SAM 29:11

Areng ly mymy i khumichi teng y sa thai naira pei; nichi teng y tlamsa nai amtheaung naira pei pi bo.

SAM 85:8

Kai ly Areng Tameuh i leu pei nai ai tangai naimy awm bo; achi ly amychi i hawi y nai lam ai khai su baly mymy ly mymy i khumichi napi nai achi ai awmnem naira pei ai, nanai adeu pi bo.

LEU KACHENG 2:11

Nang i pany praw thai nai cheng naira hawi, pany thai naira my ly nang ai ama hai ai.

LEU KACHENG 4:6

Cheng naira ai khai su moh; huni my ly nang ai ang kry ai. Cheng naira ai paleung bie ba. Huni my ly nang ai chymme hai ai.

LEU KACHENG 6:22

Nichi i patiu pi nai leuchi ly nang khuleaung amsa nai khala, lam ang patei ai. Vum y nang ai ang kry ai i, kanithun y ly nang ai tau ang pei ai.

ISAIA 26:12

Aw Areng, nang ly kaichi ai nang chawn ai nai pei ai. Kaichi i eaung nai ngiereichi ly nang i sa pi naichira i hawi naira ne.

ISAIA 26:3

Aw Areng, nang ly paleung meitang ne i nang ai ym nai khumichi teng y tlamsa naira tatang pei pi bo.

ISAIA 45:7

Kai ly kangvang hawi kaveng ai sa. Amtheaung naira hawi ka-jeira ai py sa. Kai, Areng ly hini bawibawichi ai sa nai ne.

ISAIA 48:18

“Nangchi naini kai i leu pei naichi tangai u lawh teu i khyly, khri pa-rei hawi ai! Awmnem nai tavo tui kamta, nangchi i vui leaung ai! Eaung naira py tui peang y tui sampyh pachaw nai kamta, nangchi i vui tym ai nai ne.

ISAIA 48:22

“Khumi hawi y naichi ly awmnem naira nga ai ny y,” nanai Areng my leu pei bo.

JEREMIA 32:16

Kai ly khaileaung ka-jo ka-van sumneang akhai nai cha ai, Neri i chapo Baru teng y pei pi nai bo baly, Areng teng y chiu kasa.

JEREMIA 33:6

Na i py kai ly mary hawi mary i khumichi ai hawi sa pi ai i, noso hawi u ali teang ai. Mary i khumichi ai tlamsa naira hawi chymme naira nga hai ai.

Kati Nai 6:26

Areng ly nangchi ai khen angdeang iy awmnem naira pei sy.

LUKA 1:79

Kaveng theung y hawi, deira ka-khui y ateh naichi ai angvang hai ai nai hawi, Awm nem naira lam y achi i kheu takan hai ai nai py, Salo mang i dengdairei kani si nai ly achi ai ang de ai,” nanai thui yb.

LUKA 2:14

“Salo Kangteng i Tameuh nang parai nai awm sy, Khaileaung tleaung i mymy i kawn parai nai khuhmichi teng y aly nai awm sy,” nanai Tameuh ai palo.

JOHAN 14:27

Awmnem naira kang daw pi mang; kaimy i awmnem naira kang pei: khaileaung prichi my pei nai kamta kang pei y leang mang: nangchi i paleung bi u moh, jei py jei u moh.

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

ROM AVANGCHI TENG Y PAWLA I CHA PA NAI 1:7

Rom avang i Tameuh i ngai parai nai, khumi kachai lawn ai nai palau naichi bawibawi teng y, Tameuh achi i Ampo hawi Areng Isu Krista teng i dengdairei pahenra hawi awmnem naira ly nangchi teng y awm sy.

ROM AVANGCHI TENG Y PAWLA I CHA PA NAI 14:17

Tameuh i peang naira ly cha ai nai hawi nei ai nai molam ny y leang, hawi naira hawi, aly naira hawi, Phailo Kachai y kawn naira hawi teu.

ROM AVANGCHI TENG Y PAWLA I CHA PA NAI 15:13

Naibaly nangchi ly Phailo Kachai i atiti sa thai naira i saho y athang khai naira nga ra nga ra thai ai nai, athang khai hai nai Tameuh my ly nangchi ym nai deaungkho y nangchi ai kawn naira hawi awmnem naira cheaungkhang kawi hai sy.

ROM AVANGCHI TENG Y PAWLA I CHA PA NAI 5:1

Hunaibaly ym naira deaungkho y eaung naira nga iy achi ly achi i Areng Isu Krista i saho y Tameuh hawi aly naira nga bo;

ROM AVANGCHI TENG Y PAWLA I CHA PA NAI 8:6

Tlang mang i atitichi ngai nai ly dei naira ne, Phailo mang i atitichi ngai nai naini heng naira hawi awmnem naira py ne;

II KORINTH 10:5

aei nairachi hawi Tameuh ai pany naira paka ai nai tahm asang parai nairachi ai py aphrei iy, dawn naira cheaungkhang ai ly Krista i leu tangai nai miseaung y hawi nai ne;

II KORINTH 13:11

Kangkhym i naira y ly amjo amnauchi awi, noso kahawi awm u. Kahawi sa angym naimy awm u, paleung awmnem naimy awm u, paleung vanrei awm u, adyh parai naimy awm u ly; hunaibaly tamen nai hawi aly nai Tameuh ly nangchi teng y ang awm hai ai.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

EPHESI 3:19

Krista i tamen naira pany bawi pajau y nai pany u iy, nangchi ly Tameuh i angym naira cheaungkhang tanrei kawi nai awm u thai ai nai chiu kasa.

PHILIPI 1:1

Pawla nini Timothei Krista Isu i miseaung nini my ly, Krista Isu y khumi kachai Philipi avang i awm nai bawibawichi teng y hawi, palau takhra kamkawm peang naichi hawi, dikonchi teng y py pa nai:

PHILIPI 1:2

Tameuh achi i Ampo hawi Areng Isu Krista teng i dengdairei pahenra hawi awmnem naira ly nangchi teng y awm sy.

PHILIPI 4:19

Naibaly kai i Tameuh ly Krista Isu y mymy i nang parai naira i nang nai sai kamta nangchi i avaw naira cheaungkhangra y py ang nga hai ai mang.

PHILIPI 4:21

Krista Isu y khumi kachai bawibawichi teng y kai i kawn nai leu thui pi kyh. Kai teng y awm nai amjo amnauchi my ly nangchi ai kawn nai leu ang thui pi mang.

PHILIPI 4:9

Kaimy y nangchi i atiti amtiu nai hawi, tangai nai hawi, thai nai hawi niu nai py hunichi kamta so u; hunaibaly awmnem nai Tameuh my ly nangchi ai ang awm hai ai mang.

KOLOSA 3:15

Naibaly Krista i awmnem naira my ly nangchi i paleung ai peang sy, hunai kamta lawn ai nai nangchi ai ly tlang bomrei y ang palau nai chy bo; naibaly kawn u.

II THESALONIKA 3:16

Naibaly aly nai Areng kypkyp my ly cheaungkhangra y nangchi ai aly naira mana khala y py pei sy. Areng ly nangchi bawibawi teng y awm sy.

HEBRAI 13:20

Naibaly aly nai Tameuh, beram typ nai keung nang parai nai achi i Areng Isu ai ly deungtasarei leu maikawm thi saho y kadeichi theung i dengdairei pathau bi nai keung ly,

JUDA 1:1

Juda, Isu Krista i miseaung hawi Jakob i amnau ly, Ampo Tameuh my tamen nai hawi, Isu Krista i vui y khai pi rym nai palau naichi teng y ly:

AMTENG HAI NAI 1:4

Johan my ly Asia pri i palau takhra kamkawm saryhreichi teng y ly: Vai awm nai hawi, jangni i dengdairei awm nai hawi, vai momang y awm ai nai keung teng i dengdairei hawi, mymy i areng atehra mo y awm nai Phailo saryhreichi teng i dengdairei hawi,

AMTENG HAI NAI 2:17

Kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung teng y ly heu nai manna kapei ai, lengseaung kangleung py kapei ai; nga nai keung leaungrei ny y baly ami py pany pajau y nai amyn kangtha ly huni lengseaung y tajiu angchi nai ne,’ napi.