PHILIPI 4:3 - Khumi Common Language Bible

³ Ne, nang, kai i paleang savan apatli ahawi tatang nai ai py kang takeng, tuni neampachy nini ai ly sabawm ba; nini ly Satang Kahawi y kai hawi sa ahawi reng, Klementa hawi, kai i sa ahawi nai takhra, hengra cha-iu y amyn awm naichi py.

PHILIPI 4:3 Iomraidhean Croise

SAM 69:28

Nichi i amynchi ly heng nai khumichi i vuikanai i nai taphra nai avum sy; nichi ly nang i khumichi theung y vuikanai abawi y nai khumichi lawm u sy.

THEU NAI 32:32

Nichi i kamngo pahen pi kyh; na i py nichi i kamngo pahen pi y ai na baly, nang i khumi amyn tajiu nai cha-iu theung i nai, kai i amyn taphra vui teu,” nanai takeng bo.

ISAIA 4:3

Tameuh my vawi takhra naira abawi iy, Jerusalem mary y awm rai nai khumi ngiereichi ai ly khumi kachaichi ne, nanai amyn pathi ai.

Ezekiela 13:9

Teng y nai paleung mei y niu nai ai niu iy nangchi, teng y nai leu thui yb nai amochi ai kapajeng ai. Nangchi ly kai i khumichi leu ka-rum sa naira y kun ai nai nga u ai ny y. Israela pri khumi charangra py, nangchi i amyn tabawi pajau y. Nangchi ly nangmychi i pri y mana khala py, vawi ai nai nga u ai ny y. Huna nai khala kai ly sa thai naira awm nai Areng ne, nanai nangchi pany u ai.

DANIELA 12:1

Ateaung kanem amthyp nai kani pri amtaw thau naimy, “Huni neng khala y tahm asang parai nai kani pri amtaw thau nai Mikhaela ly amteng ai. Ni ly nang i chengchi ai kry nai keung ne. Naibaly khumi neangneangchi awm angchei khala i dengdairei, mana khala py avum vai y nai ngari kamtang avum nai neng tym ai. Huni neng tym nai khala y Tameuh i cha-iu theung y amyn abawi yb nai khumi, nang i cheng bawibawichi ly law tleaung naira nga u ai.

LUKA 10:20

Na i py vawinamchi ai ly nangmychi my nga ngai sa pajau nai deaungkho y kawn u moh; kani pri mang y naini nangchi i amyn tajiu nai deaungkho y kawn u,” napi.

ROM AVANGCHI TENG Y PAWLA I CHA PA NAI 12:1

Hunaibaly amjo amnauchi awi, Tameuh i pahen naira deaungkho y, apthyp naira kangheng hawi kachai. Tameuh my kawn ai ataing nai lawn ai nai nangchi i tlang ai ly aau ai nai kang takeng; huni ly nangchi i sa ai avo angchi yb nai ne.

ROM AVANGCHI TENG Y PAWLA I CHA PA NAI 16:12

Truphaina nini Truphosa, Areng y sa akawm parai nai nini teng y ly kawn nai leu thui pi kyh. Persi, Areng y sa akawm parai nai teng y ly kawn nai leu thui pi kyh.

ROM AVANGCHI TENG Y PAWLA I CHA PA NAI 16:9

Krista y kaichi i kalop sa ahawi nai Urbana nini kai i ngai parai nai Stakua teng y ly kawn nai leu thui pi kyh.

PHILIPI 1:12

Naibaly amjo amnauchi awi, kai i tlang tleaung y atiti tym naichi ly Satang Kahawi ahei naira ne lawh, nanai nangchi pany ai nai kangai;

PHILIPI 1:16

kamkawm harei ly kai ai ly Satang Kahawi eaung hai nai leu thui ai nai ang khai rym nai ne, nanai pany iy, tamen nai deaungkho y thui pi:

PHILIPI 1:27

Ati py ne sy nangchi i amhi amtlau nai sai ly Krista i Satang Kahawi hawi amlau sy; hunaibaly kai ly nangchi ai kang de iy py, nangchi teng y kang awm y teu iy py, nangchi ly phailo y vanrei kakhaw angdo u iy, paleung vanrei my Satang Kahawi ym nai leu y sa ahawi nai, tiu nai keungchi ai ly ati ra y py jei y naimy awm u, nanai nangchi i satang kapany pajau ai;

PHILIPI 1:5

nangchi bawibawi ai chiu kang sa pi naira tleirei y amo theu parai naimy kahnei pi jojo.

PHILIPI 1:7

Naibaly nangchi ai ly kai i paleung y kang khai nai deaungkho y, nangchi bawibawi mang y kai hunai kamta paleung awm nai kai i vui avo nai ne; ati mana nai mo nabaly kai ai kawm naira y py Satang Kahawi ai eaung hai nai leu kathui naira y hawi, khaw hai naira y py nangchi bawibawi ly kai hawi vanrei pahenra nga ahawi naichi ne.

PHILIPI 4:2

Areng y ly paleung vanrei awm ai nai Euodia ai kang takeng i, Suntuki ai py kang takeng teang.

KOLOSA 1:7

Hunai kamta khyp teang nangchi ly Epaphra, kaichi hawi sa ahawi nai ngai parai nai teng y amtiu u veng bo.

AMTENG HAI NAI 13:8

Naibaly khaileaung pri y awm nai bawibawichi khaileaung palum angchei khala y tleh nai Beram Cho i heng naira cha-iu y amyn tajiu y nai ngiereichi ly ni ai chiu u ai.

AMTENG HAI NAI 17:8

Nang i niu nai mawi kasi ly jangni awm khyp i, vai by y leang; naibaly angawm kalawi by y nai theung i dengdairei ang theu kalau ai i, tama naira y chei ai. Naibaly khaileaung pri y awm nai, khaileaung palum angchei khalai dengdairei heng naira cha-iu y amyn tajiu y naichi ly mawi kasi ai niu u nai khala y, jangni awm khyp i, vai by y nai, ang jeu bi ai nai ly rengrang na u ai.

AMTENG HAI NAI 20:12

Naibaly khumi kadeichi, katheang py kalen py huni areng atehra mo y angdo nai kaniu; naibaly cha-iuchi paeaung iy, cha-iu takhra harei, heng naira cha-iu napi nai ly paeaung teang: naibaly huni cha-iuchi y tajiu nai kamta mymychi i atiti sa naichi kamta khumi kadeichi ai tara chih pi bo.

AMTENG HAI NAI 20:15

Naibaly ami i amyn ly heng naira cha-iu y tajiu angchi nai niu y baly mymy ai ly mai ang y aphi vui teang.

AMTENG HAI NAI 21:27

naibaly atiti chai y nai amjy mo, amso ngailai nai hawi ka-chawi thui nai keung mo huni theung y tlen py kun ai ny y; Beram Cho i heng naira cha-iu y amyn tajiu angchi nai ngiereichi naini kun ai khyh.

AMTENG HAI NAI 3:5

Pajau nai keung ai ly hunai kamta ateaung kangleung amthyp hai ai, naibaly heng naira cha-iu theung i nai mymy i amyn kataphra pi ai ny y: Ngaai i mo y hawi, ni i kani pri i amtaw thau naichi i mo y py mymy i amyn ly kaimy asa hai ai.