PHILIPI 4:17 - Khumi Common Language Bible

¹⁷ Kai ly atiti pei sy, nanai kahau nai ny y leang; nangmychi mang y athai peung ai nai kahau nai teu.

PHILIPI 4:17 Iomraidhean Croise

LEU KACHENG 19:17

Khumi kamawnchi ai sabawm nai khumi ly Areng teng y piu paseng nai khumi ne i, Areng my ni ai heung pi ali teang ai.

MIKHA 7:1

Athang khai naira by y leang bo! Kai ly kajeu alam nai deaungkho y, thengthai keung i thengthai athai py, kreip keung i kreip athai py, hau teu i py athairei py niu y nai khumi kamta ne. Kreip athai awm nai ngierei hawi, thaidu athai awm nai ngiereichi ai, jaw u be veng bo.

MALAKHI 1:10

Ati cheaungkhang sa thai nai Areng my, “Kai i maicham salo y, chai y nai maichi teaung y ai nai khumi leaungrei my Achura yhm katheu pa-khochi kho veng nai awm i khyly, mana tanrei hawi ai mo? Kai ly nangchi ai kawn y leang. Kai teng y nangchi syn nai katalamra py, kang kawn pi y leang.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

JOHAN 15:8

Nangchi neangneang athai baly Ngaai ai ly palo u nai ne; hunaibaly nangchi ly kai teng y abangnaichi lawn u khyp ai.

ROM AVANGCHI TENG Y PAWLA I CHA PA NAI 15:28

Hunai deaungkho y kai ly huni kasa iy, huni athai py mymychi i vui kapajaw hai typ iy, nangmychi ai de nai Spain pri y kachei veangveang ai.

II KORINTH 11:16

Kai ly kang thui pi bi ai, ami py kai ai kamthu palawn moh sy; na i py nangchi ly kai ai palawn makho baly, kai py maidenrei chy i py kamlyh thai ai nai, kai ly pathu nai kamta kai ai kham pi u.

II KORINTH 9:5

Hunai deaungkho y huni kypkyp ly la akhikan nai kamta atawm y nai, paleung kahawi pei nai kamta angveirym nai angchi awm ai nai, hini amjo amnauchi ly nangchi teng y jeu manme iy, nangchi i atiti pei ai naira adeu u rym nai ly sa hai rym ai nai katakeng ai nai aly aeang nai athang kakhai.

PHILIPI 1:11

Tameuh ai tahm pasang ai nai hawi palo ai nai py, Isu Krista i saho y hawi naira athai nai ly kawi nai awm u.

PHILIPI 4:11

Kai ly avaw nai leu kathui nai ny y leang; ati mana nai mo nabaly kai ly mana mo awm iy py paleung hawi jojo nai awm ai nai amtiu bo.

I THESALONIKA 2:5

Naibaly nangchi my pany u chum nai kamta ly kaichi ly palo hawp nai leu mo, heu nai paleung ano naira mo tlen py teaung vai y; Tameuh my pany hai nai keung lawn bo;

I TIMOTHEI 3:3

patiu nai sai py kawp nai, kreip athai hang pavui y nai, khumi ai tabeang y nai, neaung hawi nai, jo sei y nai, tangka paleung no y nai,

I TIMOTHEI 6:10

Tangka yhmtheaung ai khri pa-rei ngai nai ly kamngo neangneang i pakeung ne; phyreichi ly huni ai paleung no i ym naira ai ly khai su iy, amymy ai paleung mawn naira khri pa-rei nawi nai my ly athun krai veng lawh.

TITA 1:7

Ati mana nai mo nabaly palau takhra kamkawm peang nai keung my ly Tameuh i yhmthaeung kry nai keung ne nai deaungkho y, cheh naira by y nai pa-rei awm ai nai tla; ni ly amy i ngai nai harei dawn khyh nai hawi, kado theu praw nai hawi, kreip athai hang pavui nai hawi, khumi ai tabeang nai hawi, kamran hau reng nai khumi py ne ai nai tlo y.

TITA 3:14

Naibaly achi i khumichi ly athai y naimy awm y ai nai, avaw iy aeang nai ka-vo takhra takhra i vui y atiti kahawi sa jojo ai nai amtiu u sy.

HEBRAI 6:10

Nangchi i atiti sa nai hawi mymy i amyn deaungkho y nangchi i tamen naira amteng hai nai, khumi kachaichi ai sabawm nai, ne, vai khrairei sabawm jojo nai ly ang tami pi vui ai nai, Tameuh ly hawi y nai keung ny y leang.

I PETERA 5:2

Nangchi theung y awm nai Tameuh i beram kanghu ai ly kry u: sa ai nai tla nai deaungkho y ny y naimy Tameuh i ngai nai kamta ngai parai nai tarawi y kry u; chai y nai kamran nga ai nai ngai nai deaungkho y ny y naimy, paleung ngai parai naimy kry u;

II PETERA 2:15

Nichi ly Bosara i chapo Balam, kamngo sa nai vang ngai parai nai keung i lam y tako chum nai deaungkho y, lam kateng ai ly khai u su i, lam tamang veng bo;

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.

JUDA 1:11

Nichi ly taham si! Mymychi ly Kaina i lam y tako i, vang nga ai nai Balam i tamang naira y angpreng lengleang naimy, korah i aei naira y ly tama nai bo.