PHILIPI 2:8 - Khumi Common Language Bible

⁸ Naibaly khumi kamta awm iy tahm apnem i, dei ai nai pa-rei leu tangai bo, ne, kraws kypkyp tleaung y dei ai nai.

PHILIPI 2:8 Iomraidhean Croise

SAM 22:16

Khumi hawi y naichi ly kai ai katanmeuh bo. Nichi ly kasui kanghuchi kamta kai i sahawi y ahihawi iy, kai i kiu kheuchi ai kei piupa bo.

LEU KACHENG 15:33

Areng ai jei kaji naimy tahm khai nai ly cheng naira amtiu nai ne. Tahm asang ai nai ngai nai khumi ly paleung apanem ai nai tla.

MATTHAI 17:2

naibaly nichi i mo y mymy i meimai awm nai sai ly takhra bo; my i meimai ly kanito kamta angvang iy, mymy i ateaung ly kangvang kamta kaleung bo.

MATTHAI 26:39

Naibaly mymy ly maidenrei mo mang y chei kyh i ambeu iy, “Aw Ngaai awi, pajau baly hini khau ly kai ai katlen hai kyh sy; na i py kaimy ngaingai ny y naimy, nangmy ngaingai phai ne sy,” nanai chiu sa bo.

MATTHAI 26:42

Naibaly pa-nyh chei bi i chiu sa bi iy, “Aw Ngaai awi, hini ly kai nei y nai awm pajau y baly nangmy ngaingai ne sy,” napi.

LUKA 9:29

Naibaly ni ly chiu sa nai thym khala ly, ni i meimai awm nai sai ly takhra lawh i, ni i ateaung py kaleung nai alaukau na.

JOHAN 10:18

Ami py kai teng i nai lo pi y leang, kaimy ngaingai patlaw pi nai teu, Kai ly patlaw py patlaw pi thai, la py la bi thai. Hini leu pei nai ly Ngaai teng i nai kanga bo,” napi.

JOHAN 14:31

na i py khaileaung prichi ly kaimy Ampo ai tamen, nanai pany ai nai, Ampo my leu ang pei nai kamta ly kai sa. Angthau u, hi i nai theu sina,” nanai pathang.

JOHAN 15:10

Kai ly Ngaai i leu pei nai tangai iy, ni i tamen naira y awm jo nai kamta, nangchi py kai i leu pei nai tangai baly kai i tamen naira y awm u jo ai.

JOHAN 4:34

Isu my nichi teng y, “Kai ai pato nai keung i kangai sa ai nai hawi, ni i kalop sa pajau ai nai ly kai i biu ne.

AMTAW 8:33

Mymy tahm apanem nai thym khala ly mymy i tlang tleaung y tara chih ai nai pei y leang. Mymy i kangpreangchi i satang ly ami my thui ai mo? Khaileaung pri i dengdairei mymy i hengra ly la pi bo,” nanai he.

ROM AVANGCHI TENG Y PAWLA I CHA PA NAI 5:19

Khumi leaunrei i leu tangai y nai sai deaungkho y khumi neangneangchi ly kamngo lawn bo; hunai kamta khyp teang khumi leaungrei i leu tangai nai sai deaungkho y khumi neangneangchi ly khumi kahawi lawn bo.

II KORINTH 8:9

Nangchi ly achi i Areng Isu Krista i pahenra ly pany u bo, mymy kamawn nai deaungkho y nangchi ly nang thai ai nai, mymy nang iy py nangmychi kypkyp deaungkho y mymy i kamawn lawn nai ly pany u bo.

KALATIA 3:13

Hunaibaly Abraham ai amtheaung hai naira ly Krista Isu y ly Cheng Takhrachi i tlang tleaung y awm thai ai nai, Krista ly achi i jeng y amsawi lawi nai ne i, Reita i pasawi naira i dengdairei achi ai atleu bo;

Leu Thui Nai 21:23

huni veu ai ly vumtorei khai u jo moh. Veu ai dengkeaung salo y bang hau nai ly pri i vui taham si nai deaungkho y, huni kani y my up vui ai nai tla. Nangchi i Areng Tameuh my pei nai pri ai amso ngai hai y ai nai, huni veu ai ly up veng ryp ai nai tla.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

HEBRAI 12:4

Nangchi ly vai khrairei kamngo ai tiu naira y thi theu nai pa-rei ate u y rai;

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;