PHILIPI 2:13 - Khumi Common Language Bible

¹³ Ati mana nai mo nabaly nangmychi ai mymy i kawn ai naira vui y ngai ai nai hawi sa ai nai, nangmychi ai sa hai nai keung ly Tameuh ne.

PHILIPI 2:13 Iomraidhean Croise

1 ARENG KEH 8:58

Achi ly mymy i ngai nai kamta heng thai ai nai py, amsi pajochi teng y pei nai reitachi hawi leu pei naichi tangai u ai nai py, kaichi ai leu tangai nai khumichi lawm ai nai py so pi na sy.

2 NENG SATANG 30:12

Samrang hawi miteaung kehchi i leu pei nai tangai u nai kamta, khumichi ly adyh adawi naimy leu atangai ai nai, Tameuh ly Juda khumichi i paleung amtlau hai nai ne.

EZARA 1:1

Pasia samrang Kuru ly empara samrang lawm nai angchei i saneng y, Areng ly ni i paleung y pacheang nai deaungkho y, empara pri verei y satang ahei hai ai nai cha patheu bo. Hina nai sa nai ly amo Jeremia molam y Areng my amteng hai nai hawi vanrei atiti tym hai ai nai ne.

EZARA 1:5

Huna nai khala Juda hawi Benjamin cheng nupaichi ai lu sa naichi, pathyp pi nai keungchi, Levi theaungchi hawi Tameuh teng y paleung apei nai khumi bawibawichi ly Jerusalem mary y chei u iy, Areng Tameuh i Achura yhm sa palum teang ai nai angvei u rym bo.

EZARA 7:27

Ezara my, “Achi i amsi pajochi i Areng Tameuh ai ly palo u! Mymy ly empara samrang teng y Jerusalem mary y awm nai Areng Tameuh i Achura yhm ai, hina nai tahm khai ai nai paleung pei pi lawh bo.

NEHEMIA 2:4

Empara samrang my, “Ati amjy hnei ai nai ngai mo?,” nanai deng. Kai ly kani pri mang y awm nai Tameuh teng y chiu kasa chum baly,

JOBA 33:29

Tameuh ly hina nai kamta sa aninau nai ne.

SAM 110:3

Paleung ka-echi ai nangmy tiu nai kani y, nang i khumichi ly alyly naimy, nang hawi vanrei thau u ai. Khawn mang y tla nai kadam kamta, atho awm nai khumi ka-cheang neangneangchi ly nang i awm nai mawi kachai salo y ang tym u ai.

SAM 119:36

Yhmtheaung katui nang chawn ai ngai nai paleung ka-dawn tleaung y, nang i reitachi tangai ai ngai nai paleung ka-dawn kai ai pei kyh ba.

SAM 141:4

Hawi y naira py, khumi aso y naichi hawi vanrei kamngo sa nairachi py, sa ai ngai nai paleung kai teng y tym hai moh kyh ba. Kai ly huni khumichi i cha nei pawichi sa naira y abawi y ai nai amkyn hai jojo kyh ba.

LEU KACHENG 21:1

Areng ly tavo micheaung tui leaung nai ai paka nai kamta, samrang i paleung ai rai y naimy peang nai ne.

ISAIA 26:12

Aw Areng, nang ly kaichi ai nang chawn ai nai pei ai. Kaichi i eaung nai ngiereichi ly nang i sa pi naichira i hawi naira ne.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

JEREMIA 32:38

Naibaly nichi ly kai i khumichi lawm iy, kai py nichi i Tameuh lawm ai.

LUKA 12:32

Kamkawm di naichi awi, jei u moh; Ngampo my ka-peang ang pei nai ly khri pa-rei ang kawn.

LUKA 2:14

“Salo Kangteng i Tameuh nang parai nai awm sy, Khaileaung tleaung i mymy i kawn parai nai khuhmichi teng y aly nai awm sy,” nanai Tameuh ai palo.

JOHAN 3:27

Johan my nichi teng y, “Kani pri mang i nai pei nai ny y baly khumi ly ati sai py ngo thai y leang.

JOHAN 6:45

Amochi i cha-iu y ly, ‘Tameuh my nichi bawibawi ai patiu ai,’ nanai tajiu nai ne. Ami py Ampo i leu thai iy amtiu nai ngierei ly kai teng y ang jeu.

JOHAN 6:65

Naibaly mymy naimy, “Huna nai y chy bo, Ampo my pei y baly ami py kai teng y jeu thai y leang, kang napi nai ly,” napi.

AMTAW 11:21

Naibaly Areng i kiu my mymychi ai sabawm i, khumi neangneang ym iy Areng mang y hi lengleang.

ROM AVANGCHI TENG Y PAWLA I CHA PA NAI 12:3

Nangchi theung y ami py tahm apasang nai kawi palai nai ly tahm apasang y naimy, Tameuh my khumi leaung leaungrei teng y ym naira hawi khyp ang pei nai kamta adawn naira y amkym lawh ai nai, kai ly mymy i ang pei nai pahenra deaungkho y leaung leaungrei teng y kang napi bawibawi.

ROM AVANGCHI TENG Y PAWLA I CHA PA NAI 9:11

Naibaly deaungdi nini ai tapen y rai kha y, nini ly hawi nai hawi y nai so y i, atiti sa nai deaungkho y ny y naimy,

ROM AVANGCHI TENG Y PAWLA I CHA PA NAI 9:16

Hunaibaly huni ly ami i ngai nai hawi angpreng nai deaungkho y ne y leang, pahen nai keung Tameuh deaungkho y teu.

I KORINTH 12:6

Kalop sa nai sai py takhra takhra awm na i py khumi bawibawichi ai ati cheaungkhang sa hai na keung Tameuh ly vanrei khyh.

I KORINTH 15:10

Na i py Tameuh i pahen nai saho y ataing nai kalawn bo; naibaly pahenra ang pei nai ly jawm sum nai by y; huna nai tleaung y ly kai ly nichi bawibawi tleaung y sa nai akawm keh; na i py kai i sa nai ny y leang, Tameuh i pahenra kai teng y awm nai i sa nai teu.

II KORINTH 3:5

ati py kaimychi teng i dengdairei theu nai palawn ai nai kaimychi my pha pajau ryry nai kana nai ny y leang; na i py kaichi i pha pajau nai ly Tameuh teng i dengdairei nga nai ne.

EPHESI 1:11

Ati cheaungkhangra y mymy i kangai tau nai kamta sa nai keung i kangai y ka-vo khai rym nai kamta, kaichi,

EPHESI 1:5

hunaibaly mymy i tamen naira nang parai nai sai palo ai nai, mymy i kangai kawn nai kamta ly Isu Krista i saho y achi ai mymy i vui chanau y ang palawn ai nai ang khai rym chum veng nai bo.

EPHESI 1:9

mymy i kangai leu thui nai sai ang pany hai nai ne;

EPHESI 2:8

Ati mana nai mo nabaly nangchi ym nai deaungkho y pahenra y hengra nga u veng bo; huni py nangmychi teng i theu nai ny y leang, Tameuh i jawm pei nai teu;

II THESALONIKA 1:11

Achi i Tameuh my ang palau naira y ly palau ai ataing nai ang sa rym thai ai nai hawi, ym naira y atiti sa nai cheaungkhang mymy i atiti sa thai naira y nangchi ai sa hai thai ai nai, kaichi ly chiu kang sa pi jojo nai he.

II TIMOTHEI 1:9

mymy ly achi i atiti sa nai deaungkho y ny y naimy, mymy i khai rym nai hawi pahen nai kamta achi ai ang paheng iy, palau nai sai chai parai nai mang y ang palau; huni pahenra ly kani khaileaung palum y rai khala y my Krista Isu y ang pei nai bo:

HEBRAI 13:21

mymy i mei ka-niu y mymy i kawn nai ngierei Isu Krista i saho y achi ai sa hai iy, mymy i kangai sa ai nai atiti kahawi cheaungkhangra y nangchi ai angym hai sy; mymy teng y nang parai naira deungtasarei awm sy. Amen.

I PETERA 1:3

Achi i Areng Isu Krista i Tameuh hawi Ampo ai ly palo nai awm sy. Mymy i khri pa-rei pahen nai reita kamta, kadeichi theung i dengdairei Isu Krista angthau bi nai deaungkho y athang khai naira kangheng hawi,