PHILIPI 1:11 - Khumi Common Language Bible

¹¹ Tameuh ai tahm pasang ai nai hawi palo ai nai py, Isu Krista i saho y hawi naira athai nai ly kawi nai awm u.

PHILIPI 1:11 Iomraidhean Croise

SAM 1:3

Huni khumichi ly tavo peang y prau nai neng tym baly athai iy ngam ajawi vai y nai keungchi hawi atawm. Nichi ly sa naira tleirei y eaung jojo reng nai ne.

ISAIA 5:2

Ni ly khaileaung tai piu iy lengseaungchi akhui pawn i, khai patyp nai di kahawi kreip keungchi ui bo. Ni ly huni keungchi typ ai nai angdeangra chang sa. Kreip athaichi ati ai nai angawm py sa. Ni ly kreip athai myn nai neng ajeng; Na i py kreip athai bawibawichi ly tho nai ne.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 61:11

Tichi ly pato iy keung prau nai kamta, Areng ly mymy i khumichi ai meitang khyp atleu ai. Khumi cheng cheaungkhangchi my py, mymy ai palo u ai.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

MATTHAI 5:16

Nangchi i kangvang ly khumichi i mei ka-niu y angvang sy, hunaibaly nangchi i atiti kahawi sa naichi ly nichi niu ai i, nichi ly Ngampo kani pri mang y awm nai ai palo thai ai.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

JOHAN 15:2

Kai hawi amtawm iy athai y nai changpi ngierei ly mymy ly aphi ai; athai nai ngierei ly athai nawi tleaung nawira ai nai ang chai hai.

JOHAN 15:8

Nangchi neangneang athai baly Ngaai ai ly palo u nai ne; hunaibaly nangchi ly kai teng y abangnaichi lawn u khyp ai.

ROM AVANGCHI TENG Y PAWLA I CHA PA NAI 15:28

Hunai deaungkho y kai ly huni kasa iy, huni athai py mymychi i vui kapajaw hai typ iy, nangmychi ai de nai Spain pri y kachei veangveang ai.

ROM AVANGCHI TENG Y PAWLA I CHA PA NAI 6:22

Na i py vai ly kamngora i nai ang law hai i, Tameuh i miseaungchi lawn u iy, nangchi ly chai naira nga nai ka-lawn pa-rei athai nga u nai chy bo, huni i tem naira ly deungtasarei hengra ne.

I KORINTH 10:31

Hunaibaly nangchi cha i py nei i py, nangchi i sa nai ngierei y py Tameuh ai palo ai nai so u bebe.

II KORINTH 9:10

Naibaly hei nai keung teng y ti pei nai hawi, cha ai nai vui tako pei nai keung my ly hei u ai nai ti pei iy, nangchi ai am-oh hai ai, naibaly nangchi i hawi naira athaichi ly ang pasu hai ai;

EPHESI 1:12

Krista ai athang khai manme chum naichi ly mymy i nang parai nai sai palo ai naira lawn ai nai, Krista kypkyp y ly kaichi ai mymy i yhmtheaung lawn ai nai ang sa nai ne.

EPHESI 1:14

Huni ly Tameuh i nang parai nai sai palo ai nai, mymy i kypkyp ai atleu ai nai, achi i yhmtheaung amtym ai nai pany hai yb nai ne.

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

EPHESI 5:9

Areng i kawn nai ly ati mo, nanai cham iy, kangvang i chanauchi kamta tako u;

PHILIPI 4:17

Kai ly atiti pei sy, nanai kahau nai ny y leang; nangmychi mang y athai peung ai nai kahau nai teu.

KOLOSA 1:10

nangchi ly atiti kahawi sa nai cheaungkhangra y athai iy, Tameuh ai pany naira y py chawn ryh chawn ryh iy, ati cheaungkhangra y mymy i paleung i kangai sa ai nai, Areng teng y abang ai ataing nai lawn u thai ai nai, chiu kang sa pi nai hawi kang hnei pi nai py anawn y leang.

KOLOSA 1:6

nangchi py meitang khyp naimy Tameuh i pahen nai sai thai u iy, nangchi i pany nai kani dengdairei nangmychi y py, khaileaung pri verei y py athai iy peung dudu nai ne.

II THESALONIKA 1:12

Hunaibaly achi i Tameuh hawi Areng Isu Krista i pahenra kamta, achi i Areng Isu i amyn ly nangmychi y palo nai awm thai ai i, nangchi py mymy y ly palo nai awm thai ai.

TITA 3:14

Naibaly achi i khumichi ly athai y naimy awm y ai nai, avaw iy aeang nai ka-vo takhra takhra i vui y atiti kahawi sa jojo ai nai amtiu u sy.

HEBRAI 12:11

Parip naira ngierei ly kawn hai nai kamta ny y naimy, paleung mawn hai nai kamta ne; patang nai bo y naini huni parip naira paleung theung y tla naichi i vui ly hawi naira i awmnem naira athai ai patheu pi lawh veng.

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.

I PETERA 2:5

mymy teng y jeu iy, nangchi ai py lengseaung kanghengchi kamta ly phailo mang i yhm sa naira y ang tabawi ai nai, Isu Krista i saho y Tameuh i ka-kawn phailo mang i apathyp naira ly talam iy, pathyp pi nai keung kachaichi lawn thai ai nai.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

I PETERA 4:14

Krista i amyn deaungkho y nangchi ai ang jo nai ne baly nangchi taham hawi; ati mana nai mo nabaly nang parai nai Phailo hawi Tameuh i Phailo ly nangchi i tlang tleaung y awm.