NEHEMIA 9:6 - Khumi Common Language Bible

⁶ Naibaly Israela chengchi ly hina nai kamta chiu sa u bo: “Aw Areng, nang naini Areng ne; nang ly kani khusang hawi kani mang i ka-sichi ai py sa. Khaileaung hawi pangli py, khaileaung salo hawi pangli theung y awm nai bawibawichi ai py sa; nang ly ati cheaungkhangchi ai py heng hai bo. Kani mang i ka-si taukichi ly nang ai lu meung naimy chiu u nai ne.

NEHEMIA 9:6 Iomraidhean Croise

ATITI AWM ANGCHEI NAI 1:1

Tameuh my angchei y khusangdeaungdu ai sa nai khala,

ATITI AWM ANGCHEI NAI 1:9

Naibaly Tameuh my, Kani anui y kacheng amteng ai nai tui ly meingtymrei y akachu sy, nanai leu pei i awm ryp bo.

ATITI AWM ANGCHEI NAI 2:1

Naibaly huna nai kamta khusangdeaungdu ai palum nai ly cheang angym bo.

ATITI AWM ANGCHEI NAI 32:2

Kani pri amtaw thai naichi ai niu baly Jakob my, “Hini meingtym ly Tameuh i awm naira ne,” nanai thui i, Mahanaim, nanai amyn pathi bo.

1 ARENG KEH 22:19

Mikha my Ahab teng y thui pi bi nai ly “Vai ly Areng i leu pei nai tangai ba! Areng ly kani pri mang y awm nai mymy i atehra tleaung y ateh nai ai py, mymy i sahawi y kani pri amtaw thau naichi angdo nai ai py kaniu bo.

1 ARENG KEH 8:27

“Na i py aw Tameuh, nang ly hini khaileaung salo y awm angchi khyp ai a? Kani pri verei malawn py nang awm ai nai meingtym kau y leang. Hunai deaungkho y kai i sa nai hini Achura Yhm ly nang awm ai nai mana kau ai mo?

2 ARENG KEH 19:15

Naibaly hina nai chiu sa, “Tahm asang parai nai Areng atehra salo y ateh nai Israela chengchi i Areng Tameuh awi, nang leaungrei naini khaileaung pri verei y peang nai Tameuh ne. Nang ly kani hawi khaileaung sa nai keung ne.

2 ARENG KEH 19:19

Kaichi i Areng Tameuh awi, vai ly nang leaungrei naini Areng Tameuh ne, nanai khaileaung pri verei i khumi cheng cheaungkhangchi my pany u ai nai, vaimy kaichi ai Asuria chengchi kiu i nai atleu pi kyh ba,” nanai chiu sa bo.

NEHEMIA 9:5

Naibaly Levi theaung Jeshua, Kamiela, Bani. Hashabaniah, Sherebiah, Hodiah, Shebaniah hawi Pethahiahchi my, “Angthau ly nangchi i Areng Tameuh ai palo u; mymy ai ly deungtasarei palo u! Tameuh ly khumichi my palo nai tleaung y phum-ang nang parai nai keung ne iy, achi bawibawi tleaung y amyn nang parai nai y palo u sina,” nanai chiu sa amteaung ai nai khumichi ai palau u bo.

SAM 102:25

Nang ly jangni y khaileaung palum chum baly, nang i kiu hawi kani khusang ai sa bo.

SAM 103:21

Mymy i ngai nai kamta sa pi nai miseaung, kani pri amtaw thau bawibawichi awi, Areng ai palo u!

SAM 115:15

Kani hawi khaileaung sa nai keung Areng ly nangchi ai amtheaung naira pei sy!

SAM 124:8

Achi ai sabawm naira ly kani hawi khaileaung ai sa nai keung Areng teng i nga u nai ne.

SAM 146:6

Mymy ly kani, khaileaung, pangli hawi vanrei, hunichi bawibawi ai sa nai ne. Mymy i ka-ym awm nai ai ly kry jojo.

SAM 24:10

Huni nang parai nai samrang ly ami mo? Nang parai nai samrang ly tavai eaung nai Areng ne.

SAM 33:6

Areng ly mymy i leu pei nai hawimy kani khusang ai py, mymy i leu hawimy kani, lo, ka-si taukichi ai py sa nai ne.

SAM 36:6

Nang i adyh adawi nai ly asang parai nai mawi aheung hawi atawm na bo. Nang chih pi nai saichi ly pangli i thiu parai nairachi hawi atawm; nang ly khumi hawi amso tawnbawichi ai kry nai ne.

SAM 86:10

Nang ly sa thai naira phum-ang len parai i, lyh ai nairachi sa pi bo; nang leaungrei naini Tameuh ne.

ISAIA 37:16

“Kheruben salo y ateh nai kani pri tavai luchi i Areng, Israela chengchi i ati cheaungkhang sa thai nai Areng Tameuh, nangmy leaungrei naini khaileaung pri verei ai peang nai Tameuh ne. Nang ly kani hawi khaileaung sa nai keung ne.

ISAIA 37:20

Aw, kaichi i Areng Tameuh, vaimy kaichi ai Asuria chengchi kiu i nai atleu pi kyh ba. Hunaibaly nangmy leaungrei naini Tameuh ne, nanai khaileaung pri y awm nai khumi cheng bawibawichi my pany u ai,” nanai takeng bo.

ISAIA 43:10

“Aw, Israela chengchi awi, nangchi ly kai i pany hai nai keungchi ne. Nangchi ly kai ai pany u ai nai py, kai ly Tameuh harei khyh, nanai pany u thai ai nai py, kai ly nangchi ai kaimy i miseaung palawn ai nai kang vawi nai ne. Kai ny y baly tameuh takhra by y; mana khala py by y, vai mo mang py awm ai ny y.

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

ISAIA 44:8

Aw kai i khumichi awi, jei u moh! Kai ly jangni jangkhawn i dengdai vai khrairei, tym ai nai atitichi ai thai hai yb nai ly nangchi pany u nai ne. Nangchi ly kai i pany hai nai keungchi lawm u bo. Kai ny y baly tameuh takhra awm rai a? Mana khala py kai thai vai y nai sa thai nai keung tameuh awm rai a?

ISAIA 45:12

Kai leaungrei naini khaileaung pri ai palum iy, hunira y awm ai nai khumichi ai sa nai keung ne. Kaimy i sa thai naira hawi kani khusang ai khiu tapai iy, kanito, lo, ka-sichi ai kryme nai ne.

JEREMIA 32:17

“Aw Areng Tameuh, nang ly nang parai nai phum-ang hawi, kani hawi khaileaung ai sa bo. Nangmy so thai y ai nai pa-rei rai naira ha py by y.

Ezekiela 20:11

Kai i leu pei naichi tangai hai iy kai i Reitachi patiu pi. Hunichi ai sa patawm nai khumichi ly heng ai.

JONA 1:9

Jona my, “Kai ly Hebrai khumi ne; kacheng hawi pangli ai sa nai keung, kani pri tavailuchi i Areng Tameuh ai chiu nai khumi ne,” nanai pathang.

JOHAN 10:30

Kai hawi Ngaai hawi ly bomrei ne,” nanai pathang.

AMTAW 4:24

Hunaibaly tangai naichi ly vanrei my Tameuh teng y, “Aw Areng, nang ly kani khaileaung hawi, pangli hawi, nichi theung y awm nai bawibawichi ai sa nai keung ne.

Leu Thui Nai 10:14

Areng ly kani khusang salo y malawn py peang; khaileaung pri hawi huni theung y awm nai bawibawichi ai py peang nai ne.

Leu Thui Nai 32:39

“Kai leaungrei naini Tameuh ne; kai naini Tameuh tatang ne. Kai ly hengra la pi veng thai, hengra py kapei thai, hawi py sa thai; kai i sa nai ai ly ami py paka pajau y leang.

Leu Thui Nai 6:4

“Aw Israela chengchi awi! Areng naini achi i Areng Tameuh ne, nanai tami u moh.

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

HEBRAI 1:6

Naibaly mymy ly tapen man nai ai ly khaileaung pri y hawi bi kha y, “Tameuh i kani pri i amtaw thau naichi bawibawi ly ni ai chiu u sy,” ang napi.

AMTENG HAI NAI 14:7

naibaly mymy ly tao pajeng parai naimy, “Tameuh ai tahm khai ly, mymy ai palo u:ati mana nai mo nabaly mymy i tara chih nai neng tym bo: kani khaileaung hawi pangli hawi, tuinochi py sa nai keung ai ly chiu u,” napi.

AMTENG HAI NAI 4:11

“Kaichi i Areng hawi Tameuh hawi, palo naira hawi, tahm pasang naira hawi, sa thai naira py nang ly nga ai ataing nai ne; Ati mana nai mo nabaly nang ly ati cheaungkhang sa i, hunichi nang ngai nai deaungkho y awm nai hawi sa nai ne,” nanai thui ai.