NEHEMIA 9:4 - Khumi Common Language Bible

⁴ Levi theaungchi i vui sa pi yb nai chang salo y Jeshua, Bani, Kamiela, Shebaniah, Buni, Sherebiah, Bani hawi Khenanichi ly angdo u iy, mymychi i Areng Tameuh teng y aeu naimy chiu sa u bo.

NEHEMIA 9:4 Iomraidhean Croise

2 NENG SATANG 20:19

Kohath hawi Korah nupaichi theung i Levi theaungchi ly angdo iy, Israela chengchi i Areng Tameuh teng y tao pajeng parai naimy chiu sa u bo.

NEHEMIA 12:8

Levi theaungchi: Anui mang i naichi ly kawn nai leu thui nai khulymchi thui naira y lu sa nai keungchi ne: Jeshua, Binnui, Kadamiela, Sherebiah, Juda hawi Mattaniahchi ne.

NEHEMIA 3:17

Anui mang i Levi theaungchi ly mary apai sa nai kalopra y sabawm nai khumichi ne Bani i chapo Rehum ly mary apai phyrei ai sa; Keila ka-peang ka-hyhrei ai peang nai keung Hashabiah ly huni bo i ka-hyhrei ai, my i ka-peang jeng y sa.

NEHEMIA 8:4

Ezara ly huni neng i vui dengkeaung hawi sa yb nai chang salo y angdo iy Reita leu cha-iu phain pi nai ne. Abang nai Matithia, Shem, Anaiah, Uriah, Hilikiah hawi Maaseiahchi ly ni i lamtang mang y angdo u; Pedaiah, Mishaela, Malakhijah, Hashum, Hasabadana, Zekhariah hawi Meshulamchi ly ni i langvawi mang y angdo u nai ne.

NEHEMIA 8:7

Naibaly khumichi ly mymychi meingtym i nai ang thau iy angdo u. Hunaibaly nichi teng y Levi theaung Jeshua, Bani, Sherebiah, Jamin, Akub, Shabethai, Hodiah, Maaseiah, Kelita, Azariah, Jozaba, Hanan hawi Pelaiahchi my Reita leu cha-iu i awm nai sai thui pi pachai.

NEHEMIA 9:5

Naibaly Levi theaung Jeshua, Kamiela, Bani. Hashabaniah, Sherebiah, Hodiah, Shebaniah hawi Pethahiahchi my, “Angthau ly nangchi i Areng Tameuh ai palo u; mymy ai ly deungtasarei palo u! Tameuh ly khumichi my palo nai tleaung y phum-ang nang parai nai keung ne iy, achi bawibawi tleaung y amyn nang parai nai y palo u sina,” nanai chiu sa amteaung ai nai khumichi ai palau u bo.

SAM 130:1

Aw Areng, kai ly paleung phra naimy nang ai kang palau bo.

SAM 3:4

Kai ly Areng teng y kasabawmra nga ai nai aeu naimy hnei nai khala mymy ly mawi kachai mang dengdairei, kai i chiu sa nai raawi pathang pi.

SAM 77:1

Kai ly Tameuh teng y tao pajeng parai naimy aeu bo; kai ly tao pajeng parai nai aeu nai y mymy ly thai nai ne.

TANGAM NAI LEU 3:8

Kai ly sabawm naira nga ai nai tao pajeng parai naimy aeu teu i py, Tameuh ly tangai pi y nai ne.

JOHAN 11:43

Naibaly huni ka-tawn katheu nai bo y ni ly athorei my, “Lazara, theu jau,” napi nai aeu.

AMTAW 7:60

Naibaly mymy ly kheukhu di iy athorei my aeu i, “Areng hini nichi i kamngo sa nai ly nichi i tlang tleaung y aniu hai moh kyh ba,” napi. Naibaly huni leu thui pajau baly i veng bo. Sawla my py dei ai nai avo, napi.