NEHEMIA 9:29 - Khumi Common Language Bible

²⁹ Nang ly nangmy i parip nai leu nichi tangai ai nai pany hai bo; Reita leu pei nai patawm nai ly mymychi tlang hengra lam ne i py, nichi ly amlyh am-e naimy nang i leuchi khai u su nai ne. Nichi ly khri pa-rei paleung tang nai y, nang i leu tangai y naimy awm u.

NEHEMIA 9:29 Iomraidhean Croise

2 ARENG KEH 17:13

Areng ly mymy i amtaw thauchi hawi amochi ai pato iy, Juda chengchi hawi Israela chengchi teng y pany hai bo. Mymy ly “Nangchi ly nangmychi i hawi y sa naichi khai u su jau; nangmychi i amsi pajochi hawi kai i miseaung amochi dengdairei, nangchi teng y kaimy pei nai reita theung y abawi nai kai i leu tangai u,” napi.

2 ARENG KEH 17:14

Na i py nichi ly tangai pi y; mymychi i Areng Tameuh ai ym y nai amsi pajochi kamta, paleung kyh chawn u bo.

2 NENG SATANG 24:19

Areng ly amochi ai pato iy huni khumichi ai mymy teng y ali u teang ai nai pany hai teu i py, nichi ly tangai u y.

2 NENG SATANG 33:10

Areng my Manase hawi khumi mipuichi ai pany hai pi teu i py, nichi ly tangai u y.

2 NENG SATANG 36:15

Nichi amsi pajochi i Areng Tameuh ly mymy i khumichi hawi Achura yhm law tleaungra nga ai ngai hai nai deaungkho y, nichi ai pany hai pi ai nai amochi pato pi bi nai ne.

NEHEMIA 13:15

Huni neng khala y Juda mipui phyreichi ly anawn kani y kreip athai hang nip u nai py, phyreichi ly choh, kreip hang, kreip athai hawi thaidu athaichi ai, mymychi i keaungngo kano kasauchi tleaung y tang iy, Jerusalem mary mang y syn naichi py kaniu. Hunai deaungkho y anawn kani y ly ati sai py jo y ai nai, nichi teng y leu kapei nai ne.

NEHEMIA 9:10

Samrang Pharao i bangtangchi hawi khumi mipuichi ly nang i khumichi ai pahyp y naimy ana nai deaungkho y, nichi teng y nang ly lyh ai hawi parai nai ka-ma-rachi patei iy, pajengra tym hai bo. Huna nai y nang ly vaini khrairei amthang nai ne.

NEHEMIA 9:16

Na i py kaichi i amsi pajochi ly amlyh am-e naimy paleung tang u iy leu pei nai tangai u y.

NEHEMIA 9:26

“Na i py nang i khumichi ly nang ai tiu iy, nang i leu tangai u y; nichi ly nang i Reita leu pei naichi khai u su nai ne. mymychi ai pany hai nai keung, mymychi ai nang teng y ali teaung ai nai thui pi nai keung amochi ai padei u. Nichi ly nang i tlang tleaung y avawrei mei aniu u y nai ne.

NEHEMIA 9:30

Nang ly nichi i tlang tleaung y saneng tlei tleirei neaung kham naimy pany hai bo. Nang i pany hai nai keung amochi my thui parip u teu i py, nang i khumichi ly kano pang u nai ne. Huna nai y nang ly cheng takhra khumichi teng y nang i khumichi ai tiu ai nai pei bo.

THEU NAI 10:3

Mosi nini Aron ly samrang teng y chei i ni teng y, “Hebrai chengchi i Areng Tameuh my, ‘Kai i khumichi ly kai ai chiu u ai nai molam y nang ly akhi veangveang ai bo a?,’ ” napi.

JEREMIA 17:23

Nichi i amsi pajochi ly kai i leu tangai u y. Nichi ly paleung tang naimy kai i leu ngai u y. Kai i parip nai py ngai u y.

JEREMIA 19:15

Israela chengchi i Tameuh, ati cheaungkhang sa thai nai keung Areng my, “Nangchi ly paleung tang iy kai i leu tangai u y. Hunai deaungkho y hini mary hawi tengpang i marychi tlang tleaung y, jangni y thui yb nai kamta, pajeng naira tym hai ai,” nanai leu pei nai nichi teng y thui pi bo.

JEREMIA 42:19

Hunaibaly kaimy thui pi bi nai ly “Juda pri y awm rai nai nangchi ai, Aikupta pri y chei y ai nai Areng my leu ang pei nai ne.

JEREMIA 43:2

Hoshaiah i chapo Azariah, Kareah i chapo Johanan hawi takhra paleung len amlyh nai khumi bawibawichi ly kai ai, “Nang ly ka-chawi leu katheu nai ne. Kaichi i Areng Tameuh ly kaichi ai Aikupta pri mang y chei moh, nanai thui pi ai nai nang ai pato nai ny y.

JEREMIA 44:10

Na i py nangchi ly vaini khrairei, paleung apanem u y asai rai; kai ai jei kaji u y. Nangchi hawi nangchi i amsi pajochi ai kaimy pei nai reitachi hawi, tanyn ai py teaung patawm u y.

JEREMIA 7:26

Na i py nangchi ly kai i leu tangai y, tahm py khai u y. Nangchi ly nangmychi i amsi pajochi tleaung y malawn py paleung tang iy, tiu ai ngai nai khumichi lawm u bo.

Ezekiela 20:11

Kai i leu pei naichi tangai hai iy kai i Reitachi patiu pi. Hunichi ai sa patawm nai khumichi ly heng ai.

DANIELA 5:20

Na i py ni ly paleung len amlyh naimy paleung tang i, pahyp y naimy ana nai khala y, sa thai naira tama i samrang i nai tla vui bo.

HOSEA 6:5

Naibaly kai ly amochi ai pato iy, nangchi ai tara chih ai nai satang hawi, taphra ai nai satang thui hai nai ne. Nangchi teng i kai aly ngai nai ly rai y.

Levi 18:5

Kai i reita hawi leu pei naichi phai patawm u; hunaibaly nangchi ly hengra nga u ai. Kai ly Areng ne,” napi.

MATTHAI 19:17

Naibaly mymy ly ni teng y, “Atiti kahawi leu ly ati mana nai kai ai deng mo? Kahawi napi nai ly leaungrei awm khyh; ati py ne sy nang ly heng naira y kun ai nai ngai baly leu pei naichi patawm,” napi.

LUKA 10:28

Naibaly ni my ly mymy teng y, “Nang i pathang nai teng parai mang: huna nai sa baly nang heng ai,” napi.

ROM AVANGCHI TENG Y PAWLA I CHA PA NAI 10:5

Mosi my ly, “reita i hawi naira patawm nai keung ly huni deaungkho y heng ai,” nanai tajiu bo.

KALATIA 3:12

Reita ly ym naira i nai ny y leang, na i py, “Hunai kamta sa nai keung ly hunira y ly heng ai,” nanai ne.”

Leu Thui Nai 31:21

ka-jei awm nai patangrachi khri pa-rei avum u ai. Na i py nichi i pany nai ka-ma-ra lawm ai nai hini khulym ly thui u ai nai tla. Kaimy pei ai adeu nai pri y kapahawi y rai khala my, nichi i paleung theung y dawn naichi kapany,” napi.

Leu Thui Nai 31:27

Nichi ly paleung tang iy tiusi, nanai kai pany. Nichi ly kai dei y rai khala my Areng ai tiu u i, kai dei nai bo khala ipsaly, huni tleaung y tiu u ra ai.

Leu Thui Nai 4:26

Huna nai tamang u baly nangchi cheng ly huni pri i nai kra y naimy tama vui ai, nanai kai ly kani hawi khaileaung ai tau iy vaineng abeu bo. Nangchi Jordan tavo angpeang iy peang vui ai nai pri y kra parai pa-rei awm ai nai ngo y naimy, cheng verei tama vui ai.

TARA CHIH NAI KEUNGCHI 6:10

Kai ly nangchi i Areng Tameuh ne, nanai leu kang pei iy vai, nangchi awm nai pri i Amori chengchi my chiu nai tameuhchi ai, chiu u y ai nai reita kang pei. Na i py nangchi ly kai i leu tangai u y,” napi.