NEHEMIA 9:25 - Khumi Common Language Bible

²⁵ Nang i khumichi ly amtangra marychi, paitiu khuta hawi nai pri, yhmtheaung katui cheaungkhang awm angym nai yhmchi, tai yb nai tuikanchi, olive keungchi, thengthai keungchi hawi kreip akhochi peang u nai ne. Nichi ly ngai nai ryrei cha nei u iy, veung hawi u; nang i pei nai hawi nairachi amtym u bo.

NEHEMIA 9:25 Iomraidhean Croise

1 ARENG KEH 14:9

Nang ly nangmy ny rai khala i peang nai samrangchi tleaung y py, khri pa-rei kamngo len naichi sa bo. Nang ly kai ai hi vui iy tameuh takhra ai chiu naimy mynchi sa nai molam y, kai ai kado patheu lawh ly.

1 ARENG KEH 8:66

Tajarei kani y samrang ly khumichi ai mymychi i avang y vawi hai bo. Nichi bawibawi my py samrang ai palo u chum baly, Areng i khumi Israela chengchi hawi mymy i miseaung Davida i nga nai amtheaung naira saho y, amo theu parai naimy mymychi i avang y vawi u bo.

NEHEMIA 9:35

Kaichi i samrangchi ly nang i pei nai kau parai nai hawi apu parai nai pri theung y awm ai nga nai thym khala y, nang teng i amtheaung naira nga nai hawimy, nang i khumichi ai peang ai nai nga u nai ne. Na i py nichi ly kamngo ai en vui y, nang i kalop ai py so u y.

SAM 105:44

Mymy ly nichi teng y khumi takhrachi i prichi pei pi nai deaungkho y, nichi ly huni khumichi i li hlauchi nga nai ne.

SAM 65:11

Nang ly hawi parai nai deaungkho y pakym achu nai amti amjangchi ly khri pa-rei nawi parai na ly! nang i tym nai meingtym tleireira y, khri pa-rei thawn parai na ly!

LEU KACHENG 30:9

Kai ly ngai nai tleaung y nga panawi lawh teu baly, nang ai khai su lawh na. Kamawn lawm lawh teu baly kangviu kasa ai i, kai ly Tameuh i amyn amso ngai hai lawh ai.

ISAIA 6:10

Naibaly mymy ly “Hini khumichi i paleung ly deitup naimy, nichi i kanochi ly pang naimy, meichi py paju naimy awm pa-rei so. Huna khala naini nichi ly niu pajau y, thai pajau y, pany thai y naimy awm u ai. Nichi ly niu pajau, thai pajau, pany thai pajau lawh ai nabaly, mymychi phailo mang i no-nachi tama ai nai kai teng y ali u teang ai,” nanai kai ai leu pei bo.

ISAIA 63:7

Kai ly Areng i phra vai y nai tamen nai satang thui pi ai. Kaichi i vui sa pi nai atitichi molam y kapalo ai. Mymy ly mymy i tamen nai hawi pahen nai saho y, Israela chengchi teng y amtheaung naira kawi angym hai nai ne.

JEREMIA 2:7

Kai ly nichi ai paitiu khuta hawi nai pri y amti amjang hawi, takhra teicha teinei kahawichi cha nei ai nai kapahawi bo. Na i py nichi ly kai i pri taphra u. Nichi teng y kaimy pei nai pri ai chai hai y nai ne.

JEREMIA 31:14

Kai ly pathyp pi nai keungchi ai, teicha teinei kahawi hawi bym pa-rei kapacho iy, kai i khumichi avaw nai ngierei ai angym pa-rei kapei pi ai. Hini ly kai, Areng i thui nai leu ne,” napi.

JEREMIA 32:23

Na i py nichi ly hini pri y tiu iy amtym u nai khala ly nang i leu pei nai tangai u y; thui parip naichi py patawm u y. Nang i sa hai naichi ly harei py so u y. Hunai deaungkho y nang ly hini ka-jeirachi ai nichi i tlang tleaung y tym hai bo.

Ezekiela 20:6

Nichi ai Aikupta pri i nai pahawi iy, nichi i vui khai pi yb nai pri y pahawi ai, nanai kaimy adeu pi nai ly huni neng khala ne. Huni pri ly kanutui hawi khawi hang leaung iy nang nai pri, apu parai nai pri ne.

DANIELA 11:24

Ni ly nang chawn nai pri ka-peang harei ai, athang khai y naimy kun iy my i amsi pajochi so vai y nai kalopchi sa ai. Naibaly tavai keung y nga nai yhmtheaung katuichi ai, my i nithun abang naichi hawi phy amji u ai. Ni ly amtangra marychi ai tiu ai nai dawn pasym ai. Na i py ni i deung ly kra y nai sala y tem vui ai.

HOSEA 13:6

Na i py nangchi ly tlamsa naira angym nai pri y tym iy, teicha teinei kajeu kawi pa-rei cha ai nai nga nai deaungkho y, paleung tuinem nai khala, paleung len i, kai ai tami u bo.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

ROM AVANGCHI TENG Y PAWLA I CHA PA NAI 2:4

Ti y baly Tameuh i hawi naira my uikhei ai nai ang pahawi, nanai pany y naimy, mymy i hawi naira nawi nai sai hawi, amnym pajau nai sai hawi, kham pajau nai sai ai ly nang ly pate nai sai a?

Leu Thui Nai 3:5

Huni mary bawibawichi ly apai ka-sang, apai katheu pa-khochi hawi apai katheu pa-kho lengteaungchi awm nai deaungkho y, khaw parai nai marychi ne. Apai by y nai avangchi py neangneang awm.

Leu Thui Nai 32:13

“Mymy ly mymy i khumichi ai mawitleaung prichi peang hai iy, li hlauchira i theu nai amti amjangchi cha hai bo. Nichi ly lengseaung ka-kochira i khawi hang py, leungchip khaileaung y prau nai olive keungchira i asituichi py nga u nai ne.

Leu Thui Nai 32:14

Nichi i sichi, mi-ichi my kanu tui neangneang nga hai; nichi ly ti hawi keh nai sichi, beramchi hawi mi-ichi awm iy, lym patyp nai chohpui hawi, hawi keh nai kreip hang py cha nei ai nai nga u bo.

Leu Thui Nai 32:15

“Areng i khumichi ly nang ra nang ra nai ne, na i py tiu u lawh; nichi ly veung tlang hawi u, teicha teinei kajeu kawi pa-rei cha ai nai nga; mychi ai sa nai keung Tameuh ai khai su iy, sa thai naira awm nai keung ai hi u vui bo.