NEHEMIA 9:24 - Khumi Common Language Bible

²⁴ Nichi ly Kanan pri ai peang u; huni pri y awm nai khumichi ai nangmy tiu vui bo. Nang ly nangmy i khumichi teng y Kanan pri samrangchi hawi mipuichi ai, ngai nai kamta sa pajau ai nai sa thai naira pei pi.

NEHEMIA 9:24 Iomraidhean Croise

1 NENG SATANG 22:18

Samrang my, “Nang i Areng Tameuh ly nangchi hawi vanrei awm iy, nangchi ai meingtym tleirei y tlamsa naira pei bo. Mymy ly vaichi khala, hini pri theung y awm nai khumichi ai kai teng y au iy, kai ly nichi ai Areng hawi mymy i khumichi i vui y peang vui bo.

ESTHER 9:5

Hunai deaungkho y Juda chengchi ly paleung ka-echi i tlang tleaung y ngai nai kamta sa pajau; huna nai y nichi ly paleung ka-echi ai haisau hawi tleh u bo.

Kati Nai 14:31

Nangchi i cho chanauchi ai paleung ka-echi my patiu ai, nanai nangchi thui u bo; na i py kai ly nangchi chei ai ngai y nai pri y nangchi i cho chanauchi ai kapahawi ai i, nichi ly huni pri y awm u ai.

II TIMOTHEI 2:26

hunaibaly Tameuh my nichi ai leu meitang pany angym ai nai uikhei hai baly nichi ly diabola deaung i nai theu u pajau lawh na: ni ly mymy i ngai nai kamta nichi ai patiu chum veng bo.

JOSUA 10:40

Josua ly pri verei ai tiu nai eaung bo. Ni ly mawi tleaung pri i samrangchi, nisi mang mawi aheung hawi, nidym mang mawi kheutangra y awm nai samrangchi hawi, tokalawi mang i khutaha meingtymra y awm nai samrang bawibawichi ai py tiu i eaung nai ne. Huni pri i khumi bawibawichi ai leaungrei py tleaung y pa-rei tamyh pawn bo. Israela chengchi i Areng Tameuh my leu pei nai saho y hina nai sa nai ne.

JOSUA 11:23

Areng ly Mosi dengdairei leu pei nai kamta, Josua my huni pri verei ai tiu i peang vui bo. Ni i Israela cheng theaung bawibawichi ai peang hai ai nai, huni pri ai khu paji pi bo. Naibaly pri verei ly tlamsa naimy awm nai ne.

JOSUA 12:12

Ekalon mary, Keza mary,

JOSUA 12:24

Tirzah marychi ne.

JOSUA 18:1

Pri verei tavai tiu pajau nai bo y Israela chengchi ly Siloh mary y tym angym u i, Areng i awm nai Tabynako sa u bo.

JOSUA 21:43

Hina nai kamta Areng ly Israela chengchi i amsi pajochi teng y pei ai, nanai adeu hai nai pri verei ai, nichi ai pei pi nai ne. Nichi ly huni pri ai peang vui iy, hu y khuteng sa u bo.

JOSUA 21:45

Areng Israela chengchi teng y khai pi nai adeu nai ngiereichi sa pi nai ne.

TARA CHIH NAI KEUNGCHI 4:23

Huni kani y Tameuh ly Kanan samrang Jabin ai pajau ai nai Israela chengchi ai eaung hai bo.