NEHEMIA 9:17 - Khumi Common Language Bible

¹⁷ Nichi ly nang i leu tangai u y; nang i sa pi naichi tami vui; nang i patei pi nai rengrang ka-ma-rachi py pany y veng bo. Amlyh am-e naimy miseaung achei nai Aikupta pri mang y hawi ali teang ai nai lu sa nai leaungrei ai vawi takhra u nai ne. Na i py nang ly kamngochi pahen pi nai Tameuh ne; neaung hawi iy paleung sau. Pahen naira ly len parai nai deaungkho y, nang ly nichi ai khai su y nai ne.

NEHEMIA 9:17 Iomraidhean Croise

1 ARENG KEH 6:13

Nang i sa nai Achura Yhm theung y hawi, kai i khumi Israela chengchi theung y py, kai awm ai,” napi.

1 ARENG KEH 8:57

Achi i Areng Tameuh ly amsi pajochi hawi vanrei awm hai nai kamta, achi ai mana khala py khai su y naimy, achi hawi vanrei awm hai sy.

2 NENG SATANG 36:13

Zedekiah ly samrang Nebukhadnezar ai tiu. Nebukhadnezar ly mymy tlang tleaung y ka-ym awm ai nai, ni ai athorei my Tameuh i amyn y, vaineng abeu hai bo. Zedekiah ly paleung tang i uikheih y. Israela chengchi i Areng Tameuh teng y ali teang y naimy awm bo.

EZARA 9:9

Kaichi ly miseaung achei i py, nang ly kaichi ai miseaung ne i py khai su y leang. Nang ly Pasia empara i mo y kaichi ai meimai nga hai iy tlang heng ai nai hawi, phra seaungkhrang nai Achura yhm sa palum teang ai nai nga nai hawi, Juda pri Jerusalem mary y phrumai by y pa-rei awm ai nai pei nai ne.

NEHEMIA 9:31

Na i py pahen naira len parai nai hawimy, nang ly nichi ai khai su y nai ne; Phra naira hawi tama naira y tym hai y. Nang ly tamen iy pahen naira hawi angym nai keung Tameuh ne na a!

SAM 106:13

Na i py nichi ly mymy i sa nai saichi ai vaimy tami veng ryp chum baly, mymy i lam patei naichi ajeng y naimy sa u vui bo.

SAM 106:7

Kaichi i amsi pajochi ly Aikupta pri y Tameuh my sa nai lyh ai hawi parai nai ai pany thai y; nichi teng y avawvawrei, tamen nai sai patei pi nai ly tami u veng bo. Naibaly pangli kamsen sahawi y ati cheaungkhang sa thai nai keung ai tiu u nai ne.

SAM 130:4

Na i py nang ly kaichi i kamngochi palawi pi bo; hunaibaly kaichi ly nang teng y ahui kajeaung kaji nai ne.

SAM 78:10

Nichi ly Tameuh hawi asa nai Leu Maikawm ai atyp u y; nang i reita leu pei naichi tangai akhi u bo.

SAM 78:11

Nichi ly nang i sa nai leaungsaichi hawi, nang i sa nai rengrang ka-ma-rachi ai py, tami u pawn veng bo.

SAM 78:38

Na i py Tameuh ly mymy i khumichi ai pahen nai ne. Nichi i kamngochi pahen pi iy, nichi ai myh kang hai y leaung. Mymy i kado theu nai ly avawrei am-yh pi iy, nichi i tlang tleaung y kado theu y naimy awm pi nai ne.

SAM 86:15

Na i py aw Areng, nang ly pahen nai hawi tamen reng nai Tameuh ne; nang ly neaung hawi jojo nai ne; avawrei pahen naimy ka-ym awm bo.

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

THEU NAI 32:9

Areng my, “Hini khumichi ly khri pa-rei paleung tang, nanai kai pany.

LEU KACHENG 1:24

Kai ly nangchi ai aeu naimy kang palau teu i py, nangchi ly tangai ai nai ngai u y; kai i leu py tahm pateng u y bo.

JEREMIA 18:15

Na i py kai i khumichi ly kai ai tami u bo. Nichi ly ati sai py ny y nai mynchi vui y mui katuichi leng patlum u lawh. Nichi ly mychi tako ai avo nai lam y athei iy, atlym u bo. Lam kangngym tako u y. Nichi ly ka-ma-ra khai y nai amny amcha y nai lam mang tako u nai ne.

JEREMIA 19:15

Israela chengchi i Tameuh, ati cheaungkhang sa thai nai keung Areng my, “Nangchi ly paleung tang iy kai i leu tangai u y. Hunai deaungkho y hini mary hawi tengpang i marychi tlang tleaung y, jangni y thui yb nai kamta, pajeng naira tym hai ai,” nanai leu pei nai nichi teng y thui pi bo.

JEREMIA 7:26

Na i py nangchi ly kai i leu tangai y, tahm py khai u y. Nangchi ly nangmychi i amsi pajochi tleaung y malawn py paleung tang iy, tiu ai ngai nai khumichi lawm u bo.

Ezekiela 5:6

Na i py huni Jerusalem mary i khumichi ly kai i leu pei naichi tangai y iy, cheng takhrachi tleaung y malawn py hawi y keh bo. Nichi ly tengpang sahawi prichira i khumichi tleaung y py, kai i reita ai akhi u bo. Jerusalem mary i khumichi ly kai i leu pei naichi khai su iy, kai i reita py patawm u y.

DANIELA 9:9

Kaichi ly nang i leu tangai y teu i py, nang ly kaichi ai pahen iy kaichi i kamngochi pahen pi bo.

JOELA 2:13

Nangchi ly nangmychi i ateaungchi sei nai ny y naimy, paleung apanem nai hawimy, nangchi i paleung si nai amteng sy.” Nangmychi i Areng Tameuh teng y vawi u teang ba. Mymy ly tamen nai hawi pahen naira kawi angym nai ne. Mymy ly neaung hawi iy, mymy i adeu nai kamta sa reng. Mymy ly kamngo palawi pi ai nai angveirym yb nai deaungkho y, pajeng ai ny y.

Levi 26:44

Na i py huna nai tym hai nai khumichi ly paleung ka-echi i pri y awm nai thym khala, kai ly nichi ai khai su ryp ai ny y, taphra py taphra vui ai ny y. Kaimy nangchi ai khai su lawh teu baly, kai hawi nichi sala asa nai Leu Maikawm ly phra vui ai. Kai ly nichi i Areng Tameuh ne.

NAHUM 1:3

Areng ly kado theu praw vai y leang; na i py mymy ly sa thai naira awm iy kamngo awm nai khumichi ai pajeng y naimy mana khala py khai su y leang. Areng i chei naira tleirei y, ali kamchai theu reng; khupanymchi ly mymy kheu anui i spryhchi ne.

Kati Nai 14:11

Areng my Mosi teng y, “Hini khumichi ly mana tanrei kai ai tahm khai y naimy awm u ai mo? Kai ly nichi i mei ka-niu y rengrang tlai naichi sa pi i py, kai ai ym ai nai mana tanrei akhi u jojo ai mo?

Kati Nai 14:41

Na i py Mosi my, “Nangchi ly ati mana nai y Areng i leu pei nai, vai khrairei tangai u y lawh mo? Nangchi i katau eaung lawh y leang!

Kati Nai 16:14

Nang ly kaichi ai paitiu khuta thym nai pri y tym hai pajau y iy, kaichi i vui khaileaung hawi kreip akhochi py pei pajau y bo. Vai, nang ly kaichi ai li-tapawp ai nai tau bi nai sai a? Kaini ly nang teng y kang jeu y leang!,” napi.

AMTAW 7:39

achi i amsi sangumchi ly mymy i leu tangai ai nai ngai y i, paka veng iy Aron teng y,

ROM AVANGCHI TENG Y PAWLA I CHA PA NAI 9:15

Mymy ly Mosi teng y, “Kai kapahen nai ngierei ai ly kaimy ngaingai kapahen ai, ami i tlang tleaung y neaung kahawi nai ngierei ai ly kaimy ngaingai neaung kahawi ai,” nanai thui.

HEBRAI 12:25

Nangchi ly leu thui pi nai keung ai ngai y lawh na, nanai amkym u. Khaileaung pri y mymychi ai tau pei nai keung ai ngai y naira y malawn py pajeng naira tleaung u pajau y baly, achi, kani mang i dengdairei tau ang pei nai keung ai hi vui nai khumichi ly tleaung pajau y nai tleaung y tleaung pajau y ra ai.

1 SAMUELA 12:22

Areng ly nangchi ai mymy i khumi palawn iy vawi takhra bo. Hunai deaungkho y mymy ly my i amyn saho y nangchi ai khai su y leang.