NEHEMIA 9:14 - Khumi Common Language Bible

¹⁴ Nang ly nichi teng y anawn kani ai kani kachai palawn iy, ja ai nai leu pei, nang my i miseaung Mosi dengdairei Reitachi pei pi bo.

NEHEMIA 9:14 Iomraidhean Croise

ATITI AWM ANGCHEI NAI 2:3

Mymy ly saryh kani y amtheaung hai iy khai takhra bo; ati mana nai mo nabaly mymy ly kalop sa angym veng nai deaungkho y anawn nai ne.

NEHEMIA 1:8

Nang ly Mosi teng y adeu nai leu ai pany pi jo ba: ‘Nangchi ly kai i leu tangai u y baly, kai ly nangchi ai cheng takhrachi theung y ahei hai ai.

NEHEMIA 10:32

Kaichi ly saneng tleitleirei khumi leaungrei i tangka kram 5 rei ly Achura yhm i vui pasum ai nai molam y pei talam ai.

THEU NAI 16:23

Mosi ly nichi teng y, “Areng my leu pei nai ly vaini ly nangchi i ngai nai kamta tako paawp py paawp pajau, byh py byh pajau, kamlaichi ly khawn mang i vui khai u; khawndam ly Areng teng y aau patyp ai nai anawn nai kani kachai ne,” napi.

THEU NAI 16:29

Kai Areng ly nangchi ai anawn ai nai kani kang pei bo; Huna nai y tariu kani y ly tako kani nyhrei ka-cho nangchi ai kang pei ai. Saryh kani y ly khumi luteng amy i awm naira y awm ai nai tla; ami py yhm angam mang y theu ai nai tlo y,” napi.

THEU NAI 24:12

Areng my Mosi teng y, “Kai i awmra mawi salo y lyn kalau ly khumi mipuichi amtiu ai nai, kaimy tajiu pi yb iy reitachi abawi nai lengseaung phei nyhrei nang teng y kang au ai,” napi.

Ezekiela 20:11

Kai i leu pei naichi tangai hai iy kai i Reitachi patiu pi. Hunichi ai sa patawm nai khumichi ly heng ai.

Ezekiela 20:12

Nichi ai chai hai nai keung ly kai Areng ne, nanai pany hai ai ngai nai deaungkho y, kai hawi nichi ka-dyh ka-dawi sa nai ka-ma-ra ly Anawn kani y anawn u ai nai kaimy khai pi yb bo.

Ezekiela 20:20

Kai hawi nangchi asa nai Leu Maikawm ka-ma-ra lawm hai ai nai hawi, kai ly nangchi i Areng Tameuh ne, nanai ai py, nangchi pany jo ai nai Anawn kani ai chai hai u,’ nanai kang pany hai bo.

Levi 19:3

Khumi luteng amhm ampo ai tahm khai ai nai tla. Kaimy leu kang pei nai kamta, Anawn kani y ja ai nai tla. Kai ly nangchi i Areng Tameuh ne.

Levi 27:34

Hini ly Areng my Sinai mawi salo y Mosi dengdairei, Israela chengchi teng y pei nai reitachi ne.

JOHAN 1:17

Ati mana nai mo nabaly Mosi i saho y Reita ang pei bo; na i py pahenra hawi leu meitang py Isu Krista i saho y tym.

Leu Thui Nai 4:45

Ni ly Aikupta pri i dengdairei theu nai bo y, Jordan tavo nisi ngan Bethpeora mary kangka i leaunghawi y tym u nai thym khala, Mosi my reitachi pei pi nai ne. Huni meingtym ly Hesabon mary y peang nai keung Amori samrang Sihon i khu ka-peang lawm bo. Mosi hawi Israela chengchi ly Aikupta pri i dengdairei theu chum nai bo y samrang ai tiu i pajau vui nai ne.

Leu Thui Nai 4:5

“Achi i Areng Tameuh my reita leu pei nai kamta kai ly huni leu pei nai bawibawichi ai nangchi teng y kang thui pi bo. Nangchi atiu iy peang ai nai pri y, huni leu pei naichi patawm u.

Leu Thui Nai 5:31

Na i py Mosi awi, nang ly kai hawi vanrei hi y awm jo rai; kaimy pei ai nai pri y nichi teaung patawm ai nai reitachi hawi leu pei nai ngiereichi nang teng y kang thui pi ai. Huni reitachi hawi leu pei naichi ly nichi teng y patiu pi,’ napi.