NEHEMIA 9:13 - Khumi Common Language Bible

¹³ Nang ly kani mang i dengdairei satla kathiu iy, Sinai mawi y nang i khumichi ai leu pei bo; nichi teng y hawi parai nai reitachi hawi, parip nai leu kahawichi pei pi nai ne.

NEHEMIA 9:13 Iomraidhean Croise

2 ARENG KEH 17:37

Nangchi i vui kaimy tajiu pi nai reitachi hawi leu pei naichi tangai u jojo ai nai tla. Nangchi ly tameuh takhrachi i leu tangai u moh.

EZARA 7:6

Ezara ly Israela chengchi i Areng Tameuh my Mosi teng y pei nai Reita leu angym pa-rei kawp nai khumi kacheng ne. Ezara ly my i Areng Tameuh teng i amtheaung naira nga nai khumi ne nai deaungkho y, samrang ly ni i hnei nai ngiereichi pei pi nai ne. Ezara ly pathyp pi nai keungchi, Levi theaungchi, Achura yhm katyn kapau beu kawp naichi, Achura yhm tamcheaungchi hawi kalop sa naira y abawi nai Israela chengchi hawi vanrei, empara samrang Artazeret my peang nai saryh saneng y Babulon mary i dengdairei Jerusalem mary y jeu nai ne.

SAM 119:137

Aw Areng, nang ly adyh adawi nai keung ne; reita leuchi py adyh adawi nai ne.

SAM 119:160

Nang i reita sangum ly leu meitang ne; nang i leu meitang naimy tara chih nai bawibawi ly deungtasarei awm jo nai ne.

SAM 119:4

Aw Areng, nang ly nangmy i Reita leuchi ai kaichi teng y pei iy, hunichi ai sai py takhawi y pa-rei, sa patawm ai nai leu pei bo.

THEU NAI 16:23

Mosi ly nichi teng y, “Areng my leu pei nai ly vaini ly nangchi i ngai nai kamta tako paawp py paawp pajau, byh py byh pajau, kamlaichi ly khawn mang i vui khai u; khawndam ly Areng teng y aau patyp ai nai anawn nai kani kachai ne,” napi.

THEU NAI 19:11

Pa-thom kani y ly chiu sa ai nai angvei u rym ai nai tla. Huni kani khumi bawibawichi i mo y kai Areng ly Sinai mawi y kang satla kathiu ai.

THEU NAI 20:1

Tameuh my,

THEU NAI 20:22

Areng my Mosi dengdairei Israelachi teng y thui pi nai ly “Kai, Areng ly kani mang dengdairei nangchi teng y leu pei nai nangchi pany u bo.

ISAIA 64:1

Nang ly ati mana nai y kani pa-kho paeaung iy jeu kathiu y lawh mo? Mawichi ly nang ai niu nai khala, jei hyn u ai.

ISAIA 64:3

Tlenrei khala nang ly jeu iy, kaichi athang khai y nai ka-jeirachi sa pi bo. Mawichi ly nang ai niu i, jei nai paleung hawimy kaso theu u bo.

HABAKKUK 3:3

Tameuh ly Edom pri mang dengdairei ang jeu ali teang ai; Chai parai nai Tameuh ly Paran mawi aheung mang dengdairei ang jeu ai. Mymy i phum-ang ly kani khusang y khiu na bo. Khaileaung py mymy ai palo nai raawi hawi kawi na bo.

ROM AVANGCHI TENG Y PAWLA I CHA PA NAI 7:16

Na i py kai i kangai ny y nai kasa makho baly, Reita ly hawi, nanai kanapi teang.

Leu Thui Nai 33:2

Areng ly Sinai mawi salo mang dengdairei ang jeu; mymy ly kanito kamta Edom pri salo y amteng iy, Paran mawi salo mang dengdairei mymy i khumichi teng y kangvang ko bo. Mymy i lamtang mang y mai kangveaung hawi sang neangneang chang y nai kani pri amtaw thau naichi abang u bo.

Leu Thui Nai 4:33

Mai theung mang dengdairei Tameuh i raawi nangchi thai nai kamta nichi thai iy, hengra nga vai nai takhra khumi cheng awm a?

Leu Thui Nai 4:36

Mymy ly nangchi teng y leu pei naichi thui pi ai nai, kani mang dengdairei mymy i raawi thai hai bo; khaileaung tleaung y nangchi ly mymy i khai takhra nai mai kangveaung niu hai iy, huni mai theung mang my nangchi ai leu ang pei nai ne.

Leu Thui Nai 4:8

Vaini nangchi ai kaimy patiu nai reitachi kamta, leu meitang reitachi nga nai khumi cheng kalen awm rai na a?

Leu Thui Nai 5:4

Areng ly mawi saleung y mai kangveaung dengdairei, nangchi hawi mo atha iy leu pei bo.