NEHEMIA 9:10 - Khumi Common Language Bible

¹⁰ Samrang Pharao i bangtangchi hawi khumi mipuichi ly nang i khumichi ai pahyp y naimy ana nai deaungkho y, nichi teng y nang ly lyh ai hawi parai nai ka-ma-rachi patei iy, pajengra tym hai bo. Huna nai y nang ly vaini khrairei amthang nai ne.

NEHEMIA 9:10 Iomraidhean Croise

NEHEMIA 9:16

Na i py kaichi i amsi pajochi ly amlyh am-e naimy paleung tang u iy leu pei nai tangai u y.

NEHEMIA 9:29

Nang ly nangmy i parip nai leu nichi tangai ai nai pany hai bo; Reita leu pei nai patawm nai ly mymychi tlang hengra lam ne i py, nichi ly amlyh am-e naimy nang i leuchi khai u su nai ne. Nichi ly khri pa-rei paleung tang nai y, nang i leu tangai y naimy awm u.

SAM 83:18

Nichi ly nang leaungrei naini Areng ne, nanai hawi, khaileaung pri verei y samrangchi tleaung y samrang ne, nanai py pany u sy.

THEU NAI 18:11

Areng ly Aikupta chengchi my Israela chengchi tlang tleaung y mei aniu y nai saichi sa nai molam y, Areng ly tameuhchi bawibawi tleaung y sa thai naira len, nanai vai kai pany bo,” napi.

THEU NAI 3:20

Na i py kai i sa thai naira hawi rengrang ka-ma-rachi patei iy, Aikupta chengchi ai kapajeng ai. Hunaibaly samrang ly nangchi ai theu ai nai ang pei ai.

THEU NAI 5:2

Samrang my ly “Huni Areng ly ami mo? Kai ly ati mana nai y huni Areng i leu tangai iy, Israelachi ai chei ai nai pei ai mo? Kai ly huni Areng ai pany y nai deaungkho y Israela chengchi ai pato pajau y leang,” napi.

THEU NAI 7:1

Areng my Mosi teng y, Aikupta samrang i mo y nang ly Tameuh kamta py, ngamjo Aron ly nang i jeng y thui ai nai amo kamta py, kaimy lawm hai ai.

THEU NAI 9:16

Na i py Khaileaung pri verei kai i sa thai naira niu u ai nai, kai ly nangchi ai deung sau hai nai ne.

ISAIA 42:20

Aw, Israela chengchi awi, nangchi ly niu nai sai nawi i py, hunichi ly nangchi i vui ati kamran awm mo? Nangchi ly thai kawp nai kanochi awm i py, ati amjy ai nangchi thai u takengkei nai mo?,” napi.

ISAIA 63:12

Mosi i saho y sa thai naira teaung iy, mymy i khumichi mo y pangli tui phy nyhrei akhawi hai chum baly, amthang jojo nai Areng ly ma y mo? nanai deng u bo.

ISAIA 63:14

Si, painochi ai sui tlaira hawi parai nai leaunghawi mang y pahawi nai kamta, Areng ly mymy i khumichi ai awmnem nai meingtym mang y pahawi bo. Hina nai kamta mymy ly mymy i sa thai naira haiho amthang hai nai ne.

JEREMIA 32:20

Nang ly Aikupta pri y lyh ai hawi naichi hawi, rengrang ka-ma-rachi patei pi. Vaini khrairei huni atitichi ai Israela chengchi theung y py, khumi cheng cheaungkhangchi theung y py, patei pi nai deaungkho y nang i satang ly meingtym tleirei y ahei nai ne.

Ezekiela 20:9

Na i py kai i amyn y nichi hawi vanrei awm u nai prichi teng y tahm anem y ai nai, huna nai kaso pi vai y. Ati mana nai mo na baly Israela chengchi ai Aikupta pri i dengdairei kapahawi ai nanai, nichi hawi vanrei awm u nai cheng takhrachi i mo y, kai ly adeu pi nai deaungkho y ne.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

DANIELA 5:23

Nang ly kani pri mang i Areng ai ka-awi sa iy, Achura yhm theung i muku khauchi la hai lawh bo. Nang hawi vanrei, nang i bangtangchi, samrangnuchi, samrangnu i aheaung apaichi ly huni muku khauchira y kreip hangchi tleng iy nei chum baly, mei niu y, kano thai y, ati sai py pany y nai muku, tangka, kheupaja, tamo, dengkeaung, lengseaungchi hawi sa nai tameuhchi ai palo u bo. Na i py nang ly nangmy i tlang ai py, nangmy i sa nai bawibawichi ai py, peang nai keung Tameuh ai ly palo y lawh.

DANIELA 9:15

“Aw kaichi i Areng Tameuh, nang ly nangmy i khumichi ai Aikupta pri i dengdairei pahawi iy, sa thai naira patei pi bo. Kaichi ly nang i sa thai naira ai vai khrairei, pany pi jo nai ne. Kaichi ly kamngo sa u bo, hawi y naira kasa u lawh bo.

AMTAW 7:36

Mymy ly Aikupta pri y hawi, Pangli Tui Kamsen y hawi daichi ka-vym y saneng vui palyhrei sala y py atiti rengrang hawi ka-ma-rachi patei veng iy, mymychi ai theu hai iy pahawi bo.

ROM AVANGCHI TENG Y PAWLA I CHA PA NAI 9:17

Naibaly Tameuh i cha-iu ly Pharao teng y, “Nangmy y ly kai i sa thai naira kapatei thai ai nai hawi, khaileaung pri verei y kai i amyn amthang hai thai ai nai py nang ai kang khai yb khyp bo,” napi.

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.

Leu Thui Nai 7:19

Nangmychi kypkyp my niu nai no kanghawichi, rengrang ka-ma-rachi, nangchi ai law tleaung hai nai nangchi i Areng Tameuh i sa thai naira len parai nai haiho pany u. Mymy ly Aikupta chengchi ai tama hai nai kamta, vai nangchi jei nai hini khumi cheng bawibawichi ai py tama hai ai.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.