NEHEMIA 8:9 - Khumi Common Language Bible

⁹ Nichi ly Reita leu pei nai theung i dawn hai naichi thai nai khala y, paleung ama nai vo u bo. Naibaly samrang i bangtang kalen Nehemia, Reita leu kawp nai pathyp pi nai keung Ezara hawi Reita leu pei nai cha-iu i awm nai sai thui pachai nai Levi theaungchi my, “Vaini ly nangchi i Areng Tameuh i kani kachai ne. Hunai deaungkho y nangchi ly paleung ama nai vo tangam u moh.

NEHEMIA 8:9 Iomraidhean Croise

2 ARENG KEH 22:11

Samrang ly phain pi nai Reita leu thai nai khala y paleung si i, ateaung sei vui bo.

2 ARENG KEH 22:19

Jerusalem mary hawi mary i khumichi ai pajeng ai, nanai kaimy leu pei nai thai nai khala, nang ly vo naimy nangmy i ateaung seih iy uikheih i, kai i mo y paleung apanem bo. Kai ly hini mary phra hai ai. Hini mary i amyn ly khumichi i amsawi kadeu lawm ai. Na i py kai ly nang i chiu sa nai pathang pi mang.

2 NENG SATANG 15:3

Israela chengchi teng y Tameuh meitang awm pi jo y, thui parip ai nai pathyp pi nai keungchi by y, reita py by y.

2 NENG SATANG 30:22

Areng ai chiu naira y tamang y naimy pahawi pi nai deaungkho y, samrang Hezekia ly Levi theaungchi ai palo nai ne. Nichi ly mymychi amsi pajochi i Areng Tameuh ai palo iy, kani saryh ryrei apathyp u chum nai khala,

2 NENG SATANG 34:19

Samrang ly huna nai phain pi nai ai thai nai khala, mymy i ateaungchi sei nai ne.

2 NENG SATANG 34:21

“Nangchi ly chei u iy, hini cha-iu theung i thui naichi kai i vui hawi Juda pri hawi Israela pri y awm jo rai nai khumichi i vui py Areng teng y deng pi u cham. Achi i amsi pajochi ly Areng i leu tangai u y. Reita cha-iu theung y awm naichi so patawm u y nai deaungkho y, Areng ly achi i tlang tleaung y kado theu nai bo,” napi.

2 NENG SATANG 35:3

Israela chengchi ai atiti patiu pi nai, mymychi ai Areng teng aau yb nai Levi theaungchi teng y samrang my, “Davida i chapo samrang Solomon i sa nai Achura yhm theung y Leu Maikawm Pawm khai u. Nangchi ly huni Pawm ai meingtym kasyh piupa y naimy, nangchi i Areng Tameuh hawi mymy i khumichi i vui kalop so u.

EZARA 2:63

Juda samrang i bangtang kalen my nichi teng y, nangchi ly Urim hawi Thummim ai teaung pajau nai pathyp pi nai keung by y ryrei ly Tameuh teng y talam nai teicha teineichi cho u moh, nanai thui pi bo.

EZARA 7:11

Empara samrang Artazeret ly Israela chengchi teng y Areng my pei nai leaungsaichi hawi reita leu pei naichi kawp angym nai pathyp pi nai keung hawi khumi kacheng Ezara teng y, hini leu pei pi bo;

NEHEMIA 10:1

Lamai nip man nai khumi ly Hakaliah i chapo Nehemia ne; huni bo baly Zedekiah lamai nip nai ne. Lamai nip nai takhra khumichi ly anui mang i naichi ne:

NEHEMIA 12:26

Hini khumi bawibawichi ly Jehozada i katu, Josua i chapo Jojakim, samrang i bangtang kalen Nehemia, Reita leu pei nai ai kawp nai pathyp pi nai keung Ezara i deung y awm u naichi ne.

NEHEMIA 7:65

Juda samrang i bangtang kalen my nichi teng y, “Nangchi ly Urim hawi Thummim ai teaung iy leu pacheang pajau nai pathyp pi nai keung leaungrei py by y nai ryrei ly Tameuh teng y talam nai teicha teineichi cho ngau y,” napi.

NEHEMIA 7:70

Khumi mipuichi my Achura yhm palum teang naira y pei talam nai kasabawmrachi ly anui mang i naichi ne. Samrang i bangtang kalen my muku sie–12 Achura yhm y teaung nai rahum–50 Pathyp pi nai keungchi i ateaung–530 Nupai lu sa naichi my muku sie–235 Tangka sie–2,235 Huni bo y khumi mipuichi my muku sie–235 Tangka sie–2,030 Pathyp pi nai keungchi i vui ateaung–67

NEHEMIA 8:2

Hunaibaly Ezara ly pany thai kawp nai neampacho, neampachy mipui akachu nai meingtym y, huni Reita cha-iu syn iy,

Parip nai leu 3:4

Paleungsi ai nai neng hawi amo theu ai nai neng py, vo tangam ai nai neng hawi lam ai nai neng py,

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

MALAKHI 2:13

Nangchi i sa nai takhra harei awm rai; nangchi ly nangmychi syn nai katalamrachi ai Areng my kawn pi y nai deaungkho y, vo tangam naimy mymy i maicham ai meikatuira y anum hai bo.

ROM AVANGCHI TENG Y PAWLA I CHA PA NAI 3:20

hunaibaly Reita i atiti sa nai deaungkho y khumi ami py mymy i mei ka-niu y eaung naira nga ai nai by y leang; ati mana nai mo nabaly Reita deaungkho y kamngo pany angym ai naira awm nai ne lawh veng.

ROM AVANGCHI TENG Y PAWLA I CHA PA NAI 7:9

Naibaly kai ly jangni y ly Reita ny y naimy kaheng; na i py leu pei nai awm bo nabaly kamngo ly amcheng teang iy, kai ly kadei bo.

Leu Thui Nai 12:12

Naibaly nangchi i cho chanauchi, nangchi i mary theung y awm nai Levi theaungchi hawi vanrei, mymy i mo y amo theu u. Levi theungchi ly mychi i vui khaileaung by y, nanai pany u.

Leu Thui Nai 12:7

Nangchi i Areng Tameuh ly nangchi ai amtheaung hai nai deaungkho y, nangchi kalop sa iy nga nai teicha teineichi ai nangchi hawi vanrei, nangmychi i yhm dengtheungchi ly huni meingtym mymy i mo y amo theu parai naimy cha u ai nai tla.

Leu Thui Nai 16:11

Nangchi i marychira y awm u nai nangchi i cho chanauchi, miseaungchi, cheng takhrachi, Levi theaungchi, nurochochi, lumai nuchi hawi vanrei, Areng i mo y amo theu nai pawi so u. Huni Pawi ly chiu naira meingtym harei khyh naira y sa u ai nai tla.

Leu Thui Nai 26:14

Kai ly dei nai khumi i vui paleung si nai khala, horei y harei theung i la iy cho mai y leang; kai ly reita leaungsai y chai y nai thym khala y py, huni horei y harei ly yhm angam mang y patheu y leang; huni horei y harei theung i la iy dei nai khumi i vui talam y leang; aw Areng, nang i leu pei nai kai ly tangai nai ne; horei y harei molam nang i leu pei nai kamta kasa be bo.

JAKOB 4:9

Paleung mawn u ly, paleung si iy vo py vo u; nangchi i panui nai ly paleung mawn naira y lawn sy, nangchi i amo theu nai ly ngam naira y lawn sy.