NEHEMIA 8:10 - Khumi Common Language Bible

¹⁰ Vai ly yhm y vawi u iy amo theu naimy cho nei u. Nangchi i teicha teinei hawi kreip hang ly khumi kamawnchi teng y paji pi u. Vaini ly achi i Areng i kani kachai ne nai deaungkho y, paleung mawn u moh. Areng teng i nga nai amo theu naira ly nangchi ai atho angym hai ai,” nanai thui u nai ne.

NEHEMIA 8:10 Iomraidhean Croise

1 ARENG KEH 8:66

Tajarei kani y samrang ly khumichi ai mymychi i avang y vawi hai bo. Nichi bawibawi my py samrang ai palo u chum baly, Areng i khumi Israela chengchi hawi mymy i miseaung Davida i nga nai amtheaung naira saho y, amo theu parai naimy mymychi i avang y vawi u bo.

1 NENG SATANG 16:27

Nang parai nai hawi sa thai naira ly mymy ai taki teungtareung naimy awm. Mymy i Achura yhm ly amo theu nai raawi kawi na bo.

NEHEMIA 8:11

Levi theaungchi ly amki iy huni kani kachai y paleung si y naimy, paleung awmnem u ai nai khumichi teng y thui pi bo.

NEHEMIA 8:12

Hunai deaungkho y khumi bawibawichi ly thai nai Reita leu pany thai nai y, amymy i yhm y vawi u i, amo theu parai naimy cha nei u iy, takhra khumichi ai paji pi sei nai ne.

ESTHER 9:19

Apai by y nai mary katheangchira y awm nai Juda chengchi ly Adar lo kani holai palyhrei kani y amo theu nai kani hawi, leaung leaungrei teicha teinei langseaungchi apei leungtang nai kani, nanai palawn iy sa u bo.

ESTHER 9:22

Huni kanichi ly paleung ka-echi ai Juda chengchi my tamyh nai kanichi ne. Huni lo ly nichi paleung si paleung mawn naira i nai paleung amo theu naira mang y amtlau vui nai lo ne. Hunai deaungkho y nichi ly huni kanichi tleirei y amo theu nai pawichi sa u iy, mymychi tengtawi py, khumi kamawnchi ai py, teicha teinei langseaungchi pei pi u ai nai ne.

SAM 149:2

Israela chengchi awi, nangchi ai sa nai keung molam y amo theu u; Zion mary i khumichi awi, nangchi i samrang molam y amo theu u!

SAM 89:17

Nang ly kaichi ai eaung nai pawi puichi avum hai bo; nang i tamen naira deaungkho y, kaichi ai eaung hai bo.

LEU KACHENG 17:22

Paleung amo theu nai ly noso aho hai reng. Avawrei meimai takhuisui nai ly deira y ang vum hai dudu nai ne.

Parip nai leu 11:2

Nang i rang pala nai ly meingtym neangneangra y palo ba; ati mana nai mo nabaly, nang ly hini khaileaung pri y mana khala khym taham kasi hawi avum na mo, nanai pany pajau y nai deaungkho y ne.

Parip nai leu 2:24

Khumi leaungrei i sa ai hawi keh nai kalop ly cha naimy, nei naimy amy i haura i nga nai yhmtheaung katui amtym ai nai ne. Na i py huna nai kamta awm ai nga nai py Tameuh i saho y nga nai ne, nanai kapany bo.

Parip nai leu 3:13

Achi bawibawi ly cha naimy, nei naimy amy haura i nga nai yhmtheaung katui nga nai hawimy awm ai nai avo; huni yhmtheaung katui ly Tameuh i pei nai amtheaungra ne.

Parip nai leu 5:18

Khumi ami py sa ai hawi keh nai kalop ly achi ai Tameuh my ang pei nai khumi i heng nai deung y cha nai, nei nai, amy haura i nga nai yhmtheaung katui amtym naimy awm ai nai ne, nanai kapany bo.

Parip nai leu 9:7

Huna nai y nang ly nangmy i teicha teinei cha iy amo theu naimy awm ba; nangmy i kreip hang nei iy amo theu naimy awm ba; nang i atiti sa naichi ai Tameuh my kawn nai ne.

Solomon i khulym 5:1

Kai i aju angam nai khrei nai awi, kai ly kaimy i akho theung y kun bo. Kai ly rimui hawi mura pakym achu bo; kai ly khawi hang hawi khawi byn cha iy kreip hang hawi kanu kanei nai ne. Khrei naichi awi, cho u, nei u; khrei nai hawimy pavui na pa-rei nei u.

ISAIA 49:5

Amhm taku theung y awm nai thym khala my, Areng ly kai ai vawi takhra bo. Mymy ly mymy i khumichi ai hawi ali teang ai nai, ahei dan nai Israela chengchi ai hawi ali teang ai nai py, kai ai miseaung y ang khai nai ne. Areng ly kai ai tahm ang khai iy, kai i atho pakeung sangum ne.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

JOELA 2:23

“Aw Zion mary i khumichi awi, amo theu u; nangchi tlang tleaung y nangchi i Areng Tameuh my ang sa pi nai sai molam y amo theu u. Mymy ly nangchi ai kaseih kani angym pa-rei nai hai bo. Kaseih khei nai kani ai py, vaichi khala i kamta nai hai iy, kanipui kamteaung kani ai py, nangchi teng y nai hai bo.

ZEKHARIAH 14:21

Jerusalem mary hawi Juda pri vereichira y awm nai laawmchi py chai parai nai deaungkho y, ati cheaungkhang sa thai nai Areng ai chiu naira y khai takhra ai. Huni neng kani tym nai khala y ati cheaungkhang sa thai nai Areng i Achura yhm y, mani ka-jo ka-van sai nai khumi leaungrei py awm ai ny y.

LUKA 11:41

Na i py theung y atiti awm nai ly khumi ngarichi teng y pei ai nai vui teaung u; hunaibaly khen cham, nangchi i vui ati cheaungkhang chai nai bo.

II KORINTH 8:2

huna nai patang naira khri pa-rei cham nai tarawi y amo theu ala nai hawi khrikhri pa-rei kamawn ala nai my ly, nichi i khri pa-rei paawh y naimy pei nai sai ly panawi ryh panawi ryh bo.

PHILIPI 3:4

Ngai iy khyly kai py tlang y ym naira amtei pajau nai ne chy bo. Khumi takhra nanai ly tlang y ym naira amtei nai awm, nanai dawn baly, kai ly dawn nai tleaung y dawn ra nai ne:

AMTENG HAI NAI 11:10

Naibaly khaileaung pri y awm naichi ly nini i tlang tleaung y khri pa-rei kawn ai i, amo py theu u ai, langseaung py ataviu u leungtang ai; ati mana nai mo nabaly huni leu thui nai keung nyhrei ly khaileaung pri y awm naichi ai patang hai veng bo.

1 SAMUELA 25:8

Hini satang ai beram typ nai keungchi teng y deng baly, nang pany pajau ai; kaichi ly pawi kani hini meingtym y kang tym u ai. Davida my kaichi ai lamchung ai nai takeng nai ne. Nang i miseaung kaichi ai py, nang i ahawi Davida ai py, nangmy pei pajau nai ryrei pahen parai naimy pei ba.”