NEHEMIA 8:1 - Khumi Common Language Bible

¹ Saryh lo tym nai khala y Israela chengchi ly mymychi i mary katheang kalenchira y khuteng chah u bo. Huni lo kani harei kani y nichi ly Jerusalem mary tuilam pa-kho theung mang i meingtymchyra y angym u. Nichi ly Israela chengchi teng y Mosi i dengdairei, Areng my pei nai Reita leuchi pany keh nai pathyp pi nai keung Ezara teng y, huni Reita leu cha-iu syn ai nai takeng u bo.

NEHEMIA 8:1 Iomraidhean Croise

2 ARENG KEH 23:2

pathyp pi nai keungchi, amochi hawi khumi kamawn kanang patleh takhra y naimy, mary i khumi bawibawichi hawi vanrei, Achura yhm mang y chei nai ne. Samrang ly huni khumi bawibawichi teng y, Achura yhm theung y niu nai leu maikawm cha-iu ai tem pa-rei, tao pajeng parai naimy phain pi.

2 NENG SATANG 34:15

Ni ly Shaphan teng y, “Kai ly Achura yhm takun theung y Reita cha-iu kaniu bo,” napi i, Shaphan teng y Reita cha-iu pei pi bo.

2 NENG SATANG 34:30

pathyp pi nai keungchi, Levi theaungchi, khumi kamawn, kanangchi raurei, Jerusalem mary i khumi bawibawichi hawi vanrei, Achura yhm mang y chei u bo. Samrang ly huni khumi bawibawichi teng y Achura yhm theung y niu nai Leu Maikawm cha-iu ai tem pa-rei phain pi nai ne.

EZARA 7:1

Saneng neangneang kra nai khala Pasia empara samrang Artazeret deung y, Ezara napi nai khumi leaungrei awm. Ni ly pathyp pi nai keung kalen keh Aron i kangpreang ne; hunichi ly: Ezara i ampo ly Seraiah, Seraiah i ampo ly Azariah, Azariah i ampo ly Helkia,

EZARA 7:10

Ezara ly mymy deungrei Areng i Reita leu amtiu nai, tangai nai hawi atyp nai ne i, huni Reita theung y awm nai leu pei naichi hawi reita tanynchi ai Israela chengchi teng y patiu pi nai ne.

EZARA 7:11

Empara samrang Artazeret ly Israela chengchi teng y Areng my pei nai leaungsaichi hawi reita leu pei naichi kawp angym nai pathyp pi nai keung hawi khumi kacheng Ezara teng y, hini leu pei pi bo;

EZARA 7:6

Ezara ly Israela chengchi i Areng Tameuh my Mosi teng y pei nai Reita leu angym pa-rei kawp nai khumi kacheng ne. Ezara ly my i Areng Tameuh teng i amtheaung naira nga nai khumi ne nai deaungkho y, samrang ly ni i hnei nai ngiereichi pei pi nai ne. Ezara ly pathyp pi nai keungchi, Levi theaungchi, Achura yhm katyn kapau beu kawp naichi, Achura yhm tamcheaungchi hawi kalop sa naira y abawi nai Israela chengchi hawi vanrei, empara samrang Artazeret my peang nai saryh saneng y Babulon mary i dengdairei Jerusalem mary y jeu nai ne.

NEHEMIA 12:26

Hini khumi bawibawichi ly Jehozada i katu, Josua i chapo Jojakim, samrang i bangtang kalen Nehemia, Reita leu pei nai ai kawp nai pathyp pi nai keung Ezara i deung y awm u naichi ne.

NEHEMIA 12:37

Micheaung apai katheu pa-khora y tym nai khala, nichi ly Davida i mary mang y lyn kalau nai khailei kheubyn mang lyn iy, Davida i yhm mang y tako prei naimy, mary nisi mang tui apai pa-kho sahawi i mary apai mang y tym u ali teang nai ne.

NEHEMIA 8:16

Naibaly khumichi ly dengkeaung changpichi la iy, mymychi i yhm amphu sambeura y, yhm apai theung y, Achura yhm apai theung y, tuilam pa-khora y hawi Ephraim katheu pa-kho sahawi i meingtym chychira y taichychi sa u bo.

NEHEMIA 8:3

tuilam pa-kho sahawi meingtymchyra y, khawn khutawi khyp kala i dengdai kani thunteng nai neng ryrei phain pi. Khumi bawibawichi ly paleung apei parai naimy tangai u.

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

Levi 9:5

Naibaly nichi ly Mosi my leu pei nai kamta ati cheaungkhangchi ai Tabynako mo y tym hai u bo. Israela mipui bawibawichi py Areng ai chiu ai nai jeu u achu nai ne.

MALAKHI 4:4

“Kai i miseaung Mosi i reita leuchi ai py, Israela chengchi tangai u ai nai Sinai Mawi salo y ni teng y kaimy pei nai Reita leaungsaichi hawi reita tanynchi py, pany u jo ba.

MATTHAI 13:52

Nichi my ly mymy teng y, “Ne chy,” napi. Naibaly mymy ly nichi teng y, “Huna nai ne baly kani pri my peang nai i abang nai khumi ai palawn nai Reita patiu nai keung ngierei ly, yhmkeung my mymy i yhmtheaung dengdairei atiti kangthachi hawi atiti kangngymchi py patheaung nai kamta atawm,” napi.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

MATTHAI 23:2

“Reita patiu nai keungchi hawi Pharisaichi ly Mosi i ateh naira y ateh u lawh,

MATTHAI 23:34

Khen cham, huni deaungkho y chy bo, kai ly nangchi teng y amochi, khumi kachengchi, Reita patiu nai keungchi ai kang pato ai; nangchi ly phyreichi ai padei u ai i kraws tleaung y tahen u ai; phyreichi ai ly nangchi i achura yhm y chip u i, avang tleirei y hui iy ana u ai;

Leu Thui Nai 31:11

Israela chengchi ly Areng Tameuh ai chiu nai meingtym harei khyh naira y tym u nai khala, hini reita leu pei naichi phain pi ai nai tla.

TARA CHIH NAI KEUNGCHI 20:1

Tosyh ngan Dan mary dengdairei, tokalawi ngan Beraseba mary khrairei py, nisi ngan Kilead pri i nai py, Israela cheng bawibawichi ly tavai tiu ai nai palau nai molam y angym u kaleuteu i, Mizapa mary Areng i mo y jeu u achu bo.

TARA CHIH NAI KEUNGCHI 20:8

Khumi bawibawichi ly vanrei my ang thau u iy, “Achi ly leaungrei py takhawi y naimy amy i kani yhm mang y, ti y baly yhm mang y vawi u moh jau.