NEHEMIA 7:3 - Khumi Common Language Bible

³ Kai ly nichi teng y, “Khawn mang kani achaw deaung y ryrei ly Jerusalem mary apai katheuchi paeaung hai moh. Kani dymmo katheu pa-kho typ naichi kalop anawn nai neng ny y rai nai khala y, katheu pa-khochi akho iy katheu lengteaungchi atleang u typ na sy,” nanai leu taviu typ bo. Jerusalem mary y awm naichi theung i tamcheaung typ naichi khai takhra iy, phyreichi ai ly ka-vo sa yb nai meingtymra y typ hai i, phyreichi ai ly mymychi i yhm tengpang y tamcheaung typ hai ai nai py, leu pei patyp nai ne.

NEHEMIA 7:3 Iomraidhean Croise

NEHEMIA 13:19

Hunai deaungkho y kai ly anawn kani i vui angveirym nai kani dymmo dengdairei anawn kani, kani dym nairyrei mary apai katheuchi kho typ ai nai leu pei bo. Anawn kani y mani vawnsaichi py mary theung y pakun y ai nai, kai ly khumi phyreichi ai mary katheu pa-khochira y typ hai nai ne.

NEHEMIA 3:23

Huni bo i ka-hyhrei ai Benjamin hawi Hashuchi my, mychi i yhm mo kataw i apai sa u; Ananiah i katu, Maseja i chapo Azariah ly my i yhm mo katawra i apai phyrei ai sa.

NEHEMIA 7:2

Naibaly kai ly Jerusalem mary y peang ai nai kaimy i amjo amnau Hanani hawi yhm ka-sang kry nai keung Hananiah nini teng y kalop au nai ne. Hananiah ly ka-ym awm nai khumi, Tameuh ai khri pa-rei jei kaji nai khumi ne.

NEHEMIA 7:4

Jerusalem mary ly kau parai teu i py, mary theung y awm nai khumichi ly di parai; yhmchi py neangneang so u y leang rai.

SAM 127:1

Areng my yhm so pi y baly sa nai keungchi i kalop ly atyhtyh teu; Areng my mary typ pi y baly tamcheaungchi i typ nai py atyhtyh teu.

SAM 147:13

Mymy ly nang i mary apai katheu ai khaw hai iy, nang i mary khumichi ai amtheaung naira pei bo.

MATTHAI 10:16

“Khen cham, kasuichi theung y beram awm nai kamta kang pato nai bo he: hunaibaly pavui kamta cheng iy, buhu kamta hawi y naira so y naimy awm u.