NEHEMIA 6:6 - Khumi Common Language Bible

⁶ Cha i leu saichi ly “Nang hawi Juda chengchi ly tavai thau ai nai tau nai ka-dawn y mary apai sa u nai ne, nanai tengpang sahawi i khumichi my thui pi nai satang ai, Keshem teng i nai kai ly thai bo. Nang ly samrang sa ai nai ngai nai deaungkho y,

NEHEMIA 6:6 Iomraidhean Croise

EZARA 4:12

“Nang parai nai keung awi, nang i takhra khu ka-peangchi mang i hi y jeu u nai Juda chengchi ly Jerusalem mary y khuteng sa iy huni hawi y parai nai, atiu reng nai mary ai palum u nai ne, nanai nang teng y kang pany hai nai bo. Nichi ly mary apaichi sa amteaung u bo i, kra y nai sala y pajau ai bo.

EZARA 4:15

Naibaly nang i amsi pajochi my khai pi nai cha-iu theung y hau baly, hini mary ly atiu reng nai hawi jangni dengdairei khu ka-peangchi ai peang nai samrang hawi samrang i bangtang kalenchi ai, rai naira tym hai reng nai py niu ai mang. Hini mary i khumichi ai peang nai ly rai jojo; huni molam y hini mary ly taphra naira avum nai ne.

NEHEMIA 2:19

Naibaly huni satang ai Sanbala, Tobiah hawi Arab cheng Keshemchi my thai u nai khala y, kaichi ai ang panui hai nai tarawi y nichimy thui nai ly “Nangchi i katau ly ati mo? Nangchi ly empara samrang ai tiu u nai a?,” ang napi u.

NEHEMIA 6:13

Nichi ly kai ai kamngo sa hai ai ngai nai molam y tahm anem iy, kangji nga hai ai nai nichi ly Shemaiah ai alai iy ang pajei nai ne.

NEHEMIA 6:5

Naibaly tlen pa-ngo Sanbala my savai leaungrei pato i, pajawp typ nai ka-ma-ra by y nai cha ang syn.

NEHEMIA 6:7

Jerusalem mary y amy ai Juda samrang ne, nanai amthang hai ai nai amo phyreichi hawi ka-vo sa yb nai satang ly Keshem my kai teng y ang thui pi nai ne. Samrang ly hini satang thai takengkei ai; hunai deaungkho y arum ai nai jeu ba,” nanai cha theung y abawi nai ne.

JEREMIA 20:10

Kai ly khumichi i leu kamsyh y thui nai raawi thai nai ne. Nichi ly kai ai, “Meingtym tleirei y jei hyn ai hawi nai khumi!” nanai amyn pei iy, “Ni i satang ai peang nai keungchi teng y thai hai u sina!” napi u. Kai hawi amrawi keh nai ahawi ka-dawichi malawn py, kai atlym nai ajeng u bo. Nichi my, “Ni ai achi my li-tapawp pajau lym ai; li hyp naimy patiu iy vawitheung tha pajau ai,” nanai thui u nai ne.

MATTHAI 5:11

“Amichi my kai i molam y nangchi ai ang jo iy ana nai, ka-chawi cheaungkhangra y ang seu nai khala y ly nangchi taham hawi ai.

LUKA 23:2

Naibaly nichi ly, “Hini khumi ly kaichi i cheng ai taphra ai nai Kaisara teng y akeu cheaung ai nai py paka i, Krista, samrang amlawn, nanai kaichi pany,” nanai seu amteaung bo.

JOHAN 19:13

Naibaly Pilata ly huna nai leu thai baly Isu ai pahawi i lengseaung Padyhra meingtym y tara chih naira y ateh. (Huni ly Herbrai leu y Kabatha napi.)

ROM AVANGCHI TENG Y PAWLA I CHA PA NAI 3:8

(Naibaly phyreichi ly kaichi ai thui tamawn iy, kaichi ly thui y pui naimy thui, na be nai kamta) “Atiti kahawi tym thai ai nai, atiti hawi y nai so u sina,” nanai kaichi ly ati mana nai thui lawh y a? Hunai kamta khumichi i sum naira nga nai ly kateng ne.

II KORINTH 6:8

amyn thui tamawn nai hawi amyn kahawi thui nai deaungkho y py; tapawp nai keung kamta awm iy, khumi meitang ne lawh nai;

I PETERA 3:16

hawi nai hawi y nai pany naira chai parai nai awm u ly, hunaibaly nichi i ang thui tamawn naira y ly nangchi i Krista y amhi amtlau nai sai kahawi ai thui tamawn nai keungchi ai ly amthang hai leaung ai.