NEHEMIA 6:16 - Khumi Common Language Bible

¹⁶ Hini satang ly tengpang sahawi prichira y awm nai, kaichi i paleung ka-echi my thai nai khala ly mymychi tahm anem bo, nanai apany u bo. Ati mana nai mo na baly hini kalop amcheang vui nai ly Tameuh my sabawm nai saho y ne, nanai khumi luteng pany nai deaungkho y ne.

NEHEMIA 6:16 Iomraidhean Croise

NEHEMIA 2:10

Na i py Beth Horon mary i Sanbala hawi, Ammon pri ka-peangra i miteaung keh Tobiah nini ly Israela chengchi ai kahawi sa ai nai khumi leaungrei ang tym, nanai thai baly nini ly khri pa-rei kado theu hawi bo.

NEHEMIA 4:1

Mary apai ly kaichi Juda chengchi my sa palum teang bo, nanai Sanbala my thai nai khala y khri pa-rei kado theu i, kaichi ai panui hai nai ne.

NEHEMIA 4:7

Sanbala, Tobiah hawi Arab cheng, Ammon cheng, Asadod chengchi ly Jerusalem mary sa palum nai kalop amcheang nai satang hawi, mary apai phra nairachi pathyp dudu nai satang py, thai u nai deaungkho y khri pa-rei kado theu u.

NEHEMIA 6:17

Hini neng thym khala Juda cheng luchi ly Tobiah teng y cha hawi amtawn u nai ne.

SAM 109:27

Kai ai atleu nai keung ly nang ne, nanai paleung ka-echi ai pany hai ba.

SAM 126:2

Achi ly khrikhri pa-rei panui u iy, amo theu naimy khulym thui ai nai nga u bo! Huna nai khala takhra khumichi my, “Areng ly hini khumichi i vui nang parai nairachi sa pi na a,” nanai thui u bo.

SAM 129:5

Zion mary ai niu ngai y nai khumi bawibawichi ly sum naira hawimy anaw u pawn sy.

SAM 147:2

Areng ly Jerusalem mary ai sa palum teang iy, pri takhra y awm u nai Israela chengchi ai palau ali teang bo.

THEU NAI 14:25

Mymy ly Aikupta tavaimichi i tavai ka-ri kheuchi phra hai nai deaungkho y, raira avum u bo. Hunaibaly Aikupta chengchi ly “Israela chengchi i jeng y Areng my achi ai tavai ang tiu nai bo, hi i nai athawn u ali sina bo he!” nanai thui u.

JEREMIA 33:9

Jerusalem mary ly kai i amo theu naira, tahm asang naira hawi amlyh naira lawm ai. Khaileaung pri i khumi cheng cheaungkhangchi ly huni mary ai kaimy peang nai hawi nairachi py, huni mary y kaimy tym hai nai nang chawn nairachi py, thai u nai khala ly kaso theu u ai,” napi.

Kati Nai 23:23

Atam kakawpchi, uimiu khawn kawp naichi i kasabawmra hawi Israela chengchi ai ami py tiu pajau y leang. Tameuh my Israela chengchi tlang tleaung y sa pi nai sai ly lyh ai hawi parai!,’’ nanai thui achi nai awm ai.

AMTAW 5:38

Hunai deaungkho y vai kang napi, hini khumichi ai ly nam u reng moh, awm u palai sy; hini, nichi i patiu nai hawi atiti sa naichi ly khumichi i sa nai teu baly tama ai mang.

JOSUA 2:11

Huni satangchi thai phai thai baly kaichi jei hyn u bo. Nangchi molam y kaichi ly paleung phra atho di u nai ne. Nangchi i Areng Tameuh ly kani khaileaung peang nai keung Tameuh ne.

JOSUA 2:9

nini teng y, “Areng ly hini pri nangchi teng y pei ai, nanai kai pany. Hini pri i khumi bawibawichi ly nangchi ai jei hyn na bo.

JOSUA 5:1

Jordan tavo nidym mang y peang nai Amori samrangchi hawi Mrethe pangli peang jeungrei y peang nai Kanan samrang bawibawichi ly Israela chengchi Jordan tavo angpeang chum nai ryrei, Areng my tavo tui kang hai nai satang thai u bo. Hunai deaungkho y nichi ly Israela chengchi ai jei u i, paleung phra atho di u bo.