NEHEMIA 6:13 - Khumi Common Language Bible

¹³ Nichi ly kai ai kamngo sa hai ai ngai nai molam y tahm anem iy, kangji nga hai ai nai nichi ly Shemaiah ai alai iy ang pajei nai ne.

NEHEMIA 6:13 Iomraidhean Croise

NEHEMIA 6:12

Hini molam y kai adawn nai khala, hunai kamta Shemaiah my ang thui pi nai ly ni teng y Tameuh my leu taviu nai deaungkho y ny y; Tobiah hawi Sanbala nini my un pei i thui hai nai ne, nanai kapany veng bo.

NEHEMIA 6:6

Cha i leu saichi ly “Nang hawi Juda chengchi ly tavai thau ai nai tau nai ka-dawn y mary apai sa u nai ne, nanai tengpang sahawi i khumichi my thui pi nai satang ai, Keshem teng i nai kai ly thai bo. Nang ly samrang sa ai nai ngai nai deaungkho y,

LEU KACHENG 22:1

Nang ly tahm asang naira hawi yhmtheaung katui nang naira theung i, tahm asang naira ai vawi takhra ai nai avo.

LEU KACHENG 29:5

Amy i ahawichi ai palo hawp reng nai khumi ly mymy i vui y deaung pateung nai khumi ne.

Parip nai leu 7:1

Khumi i tahm awm nai ly vang teng nai rimui tleaung y hawi keh nai ne. Huna nai kamta nang i dei nai kani ly tapen nai kani tleaung y hawikeh.

ISAIA 51:7

“Leu meitang pany nai khumichi awi, kai i patiu pi nai leu ai dawn thleng nai khumichi awi, kai i thui nai leu tangai u. Nangchi ai kangji kangai pei iy, khumichi my thui tamawn nai khala jei u mo?

ISAIA 57:11

Areng my, “Kai ai tapawp iy tami vui nai, pany y vui na pa-rei, nangchi jei u nai tameuhchi ly amichi mo? Kai ly kra parai pa-rei tynkryh y naimy awm nai deaungkho y, nangchi ly kai ai jei y nai awm u nai a?

JEREMIA 1:17

Nang ly vam parai naimy chei iy, huni khumichi teng y kai i thui pi nai ngiereichi thui pi. Nichi ai jei moh; nang ly nichi ai jei lawh teu baly, kai ly nang ai nichi i mo y jei hai ra ai.

JEREMIA 18:18

Huna nai khala khumichi my, “Jeremia ai paleang veng sina! Achi ai parip nai pathyp pi nai keungchi, tau pei nai khumi kachengchi hawi, Tameuh i leu thui pi nai amochi ang khai pi jojo nai ne. Jeremia ai achi my seu u sina. Ni i thui nai leu py tangai u moh sina,” nanai thui u bo.

JEREMIA 20:10

Kai ly khumichi i leu kamsyh y thui nai raawi thai nai ne. Nichi ly kai ai, “Meingtym tleirei y jei hyn ai hawi nai khumi!” nanai amyn pei iy, “Ni i satang ai peang nai keungchi teng y thai hai u sina!” napi u. Kai hawi amrawi keh nai ahawi ka-dawichi malawn py, kai atlym nai ajeng u bo. Nichi my, “Ni ai achi my li-tapawp pajau lym ai; li hyp naimy patiu iy vawitheung tha pajau ai,” nanai thui u nai ne.

Ezekiela 2:6

“Na i py nang, khumi cho awi, nang ly nichi ai py, nichi i thui nai leu ai py jei moh, kaso py theu moh. Nichi ly nang ai aleng keungchi kamta ang katanmeuh ai. Nang ly kani taai reaung y awm nai kamta lawm ai. Nichi ly huna nai atiu reng nai khumichi ne nai deaungkho y ne.

MATTHAI 10:28

Naibaly tlang y padei iy, phailo ai padei pajau y nai keungchi ai ly jei u moh ly, ngari angawm y phailo hawi tlang ai tama hai pajau nai keung ai phai jei u.

MATTHAI 22:15

Hunai thym khala y ly Pharisaichi ly mymy i leu thui naira y patiu thai ai nai sai arum u bo.

MATTHAI 26:59

Naibaly Isu ai padei u thai ai nai, pathyp pi nai keung kalenchi hawi tara chih nai keungchi bawibawi ly ni ai ka-chawi y seu ai naira hau u ryry;

AMTAW 6:13

Naibaly thui tapawp ai tau naichi ai angdo hai i hunichi my, “Hini khumi ly hini yhm kachai ai hawi, Reita ai anawn y pa-rei thui tamawn jojo:

II KORINTH 11:12

Hunaibaly nichi i amlyh naira y ly nichi ly kaimychi i awm nai kamta awm u thai ai nai, avo naira nga ai ngai naichi teng i dengdairei avo naira ka-teng baw ai nai, kai i sa reng nai ly kasa veangveang ai.

I TIMOTHEI 5:14

Hunaibaly lumai anglo kyh rai naichi ly juvo nang iy chanau sa ai nai hawi, yhm angtheung y kry iy paleung ka-e ai cheh ai naira ngo hai y ai nai py kangai;

II TIMOTHEI 1:7

ati mana nai mo nabaly Tameuh my achi jei ai nai phailo ang pei nai ny y leang, sa thai naira hawi tamen naira hawi parip naira phailo ang pei na teu.

TITA 2:8

nang ly ati cheaungkhangra y kahawi sa nai lam y khen pata naira kahawi ne, nanai amteng hai ba; nang i patiu naira y ly nang i leu meitang patiu nai sai hawi, nang i tahm awm nai sai hawi, nang i chih pajau y nai leu thui nai sai kateng py amteng hai ba.

JAKOB 4:17

Naibaly ami py atiti kahawi sa ai nai pany iy so y baly, mymy i vui ly kamngo ne.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.