NEHEMIA 4:4 - Khumi Common Language Bible

⁴ Kaimy, “Aw Tameuh! nichi my kaichi ai panui hai nai ly tangai ba. Nichi ly mychi i panui hai nai leu my ly mychi teng y vawitheung tha ali teang na sy. Nichi ly mychi teng y awm nai vawnsaichi ai lawm pi pawn nai avum iy, mychi ai py pri takhra mang y patiu iy hawi vui nai tym hai sy.

NEHEMIA 4:4 Iomraidhean Croise

NEHEMIA 5:9

Naibaly kai ly nichi teng y, “Nangchi i sa nai kalop ly hawi y lawh ly! Cheng takhra paleung ka-echi my achi ai ang panui hai naira i nai lawi ai nai, Tameuh ai jei kaji naimy nangchi kateng sa u ai nai avo.

SAM 79:12

Aw Areng, nang ai mei aniu y nai leu thui u nai prichi ly phy saryhrei mei aniu y naira avum hai ba.

LEU KACHENG 3:34

Mymy ly paleung len nai khumichi ai niu ngai y i, paleung apanem nai khumichi ai ly meimai khen nai ne.

TANGAM NAI LEU 1:22

“Nichi ai mychi i hawi y nai cheaungkhang molam y pajeng kyh ba. Kai ai kaimy i kamngo molam y nangmy parip nai kamta, nichi ai py parip kyh ba. Kai i paleung py ka-dawn hawi y na bo.”

HOSEA 12:14

Israela khumichi ly Areng ai khri pa-rei kado theu hai bo. Mychi i sa tamang nai molam y dei u ai nai ataing khyp nai ne. Nichi ly Areng i nang parai nai sai ai cheh nai deaungkho y, mymy ly nichi ai pajeng ai.

1 SAMUELA 17:26

Davida ly sahawi i khumichi teng y, “Hini Philistin khumi ai padei nai keung hawi, Israela chengchi kangji nga ai naira i, atleu pi nai khumi ly ati nga ai mo? Hini Tameuh by y nai Philistin chengchi ly ati mana naichi ne iy, Tameuh kangheng i tavaimichi ai ka-jo hau lawh mo?,” nanai thui.