NEHEMIA 3:4 - Khumi Common Language Bible

⁴ Huni bo i mary apai phyrei ly Hako i katu, Uriah i chapo Meremoth my sa i, huni bo i phyrei ai ly Meshezabela i katu, Berekhiah i chapo Meshulam my sa. Huni bo i phyrei ai Baana i chapo Zadok my sa.

NEHEMIA 3:4 Iomraidhean Croise

EZARA 2:61

Habaiah, Hako hawi Bazilai nupaichi, mymychi i amsi pajochi ly amochi mo, nanai pany ai nai tajiu typ nai ati sai py by y. (Pathyp pi nai keung Bezilai i nupai amsi pajochi ly Kilead pri i Bezilai nupai theung i neampachy leaungrei hawi apom iy ampu i amyn y angam nai ne.) Nichi ly mymychi i amsi pajochi ly amichi mo, nanai thui khyp pajau y nai deaungkho y, pathyp pi nai keungchi theung y kun ai nai ngo y.

EZARA 8:33

Naibaly palyh kani Achura yhm y chei i muku tangka hawi ateaung alangchi neh iy, Uriah i chapo pathyp pi nai keung Meremoth i kiu y pei pi bo. Ni hawi vanrei Phineha i chapo Eleaza hawi, Levi theaung Jeshua i chapo Jozaba hawi Binnui i chapo Noadiah nini leaung nyhrei py awm.

NEHEMIA 3:21

Huni bo i phyrei ai Hako i katu, Uriah i chapo Meremoth ly Eliashib i yhm kachawn ryrei sa nai ne.

NEHEMIA 3:3

Hasenah nupai my ngo katheu sa chum baly, katheu laibeaungchi, katheu dawnchi, katheu angtleangrachi hawi katheu lengteaungchi tai u bo.

NEHEMIA 3:30

Shelemiah i chapo Hananiah hawi Zalap i tariu chapo Hanun nini ly mary apai phyrei ai tlen pa-nyh sa. Huni bo i phyrei ai Berekhia i chapo Meshulam ly my i yhm mo i mary apai sa.

NEHEMIA 3:5

Huni bo i phyrei ai Tekoa mary i khumichi my sa; na i py mary i miteaung keh kalenchi ly nichi ai pacheang nai keungchi my sa hai nai kalop ai akhi u bo.

NEHEMIA 6:18

Ni ly Arah i chapo, Shekaniah i meaungcha ne i, Juda cheng neangneangchi malawn py, ni mang y abawi u bo. Naibaly ni i chapo Jehohanan ly Berekhia i chapo Meshulam i chaniu hawi yhmtheaung sa nai ne.

NEHEMIA 7:63

Anui mang i pathyp pi nai keung nupaichi ly mymychi i amsi pajochi ami mo, nanai thui khyp pajau y. Hobaiah, Hakoza hawi Bazilai (Bazilai nupai pathyp pi nai keung i amsi pajo ly Kilead pri i khumi Bazilai nupai theung i neampachy hawi apom iy, my i ampu nupai amyn y angam nai ne.) Nichi ly mymychi i amsi pajochi ami mo, nanai thui khyp pajau y nai deaungkho y, pathyp pi nai keung kalop sa ai nai ngo u y.