NEHEMIA 2:20 - Khumi Common Language Bible

²⁰ Naibaly kaimy, “Kani pri mang y awm nai Tameuh my ly kaichi ai eaung ai nai pei ai; kaichi ly mymy i miseaungchi ne i, sa palum nai kalop amteaung ai; nangchi ly Jerusalem mary theung y ati sai py peang y, hini mary theung y nangchi hawi amtawn abi nai ka-ma-ra sai py by y leang,” napi.

NEHEMIA 2:20 Iomraidhean Croise

2 NENG SATANG 26:5

Ni ly my i reita leaungsai tau pei nai keung Zekhariah heng nai ryrei ly Areng ai ka-ym awm naimy chiu nai deaungkho y, Tameuh ly ni ai amtheaung hai bo.

EZARA 4:3

Zerubabela, Josua nupaichi ai lu sa naichi my ly nichi teng y, “Kaichi ly kaimychi i Areng Tameuh i vui Achura yhm sa naira y nangchi i kasabawm aly ngai y leang. Pasia empara pri samrang Kuru i leu pei nai molam y, huni Achura yhm ai kaimychi naimy kasa u ai,” nanai pathang.

NEHEMIA 1:4

Huni satangchi thai nai khala y kai ly ateh iy kavo bo. Kai ly kani neangneang vo tangam naimy biu kahai chum baly,

NEHEMIA 2:4

Empara samrang my, “Ati amjy hnei ai nai ngai mo?,” nanai deng. Kai ly kani pri mang y awm nai Tameuh teng y chiu kasa chum baly,

ESTHER 4:11

“Neampacho py ne sy, neampachy py ne sy, samrang palau y naimy samrang yhm theung, samrang teng y kun lawh nai khumi ai ly padei ai nai ne; hini ly reita ne nai deaungkho y samrang ai tau pei nai bangtangchi dengdairei, pri khu ka-peang tleirei y awm nai khumi bawibawichi pany u nai ne. Huni reita ai envui thai nai lam harei awm khyh; samrang my muku tivi talam pi lawh baly kun nai khumi ly tlang hengra nga ai. Na i py kai ai samrang my palau y nai lorei awm bo,” napi.

SAM 102:17

Mymy ly mymy i khai su nai khumichi i hnei takeng nai thai iy, nichi i hnei takeng nai tangai pi ai.

SAM 122:6

Jerusalem mary tlamsa ai nai molam chiu sa nai ly “Nang ai tamen nai khumichi ly nang u sy.

SAM 20:5

Hunaibaly kaichi ly nang i eaung pawi molam y, amo theu parai naimy aeu u ai. Areng ai palo naimy nang i eaung pawira y abawi u ai. Tameuh my nang i hnei takeng nai ngierei pei pi sy.

SAM 35:27

Kai ai tlamsa naira nga hai ai nai ngai nai khumichi ly amo theu naimy, “Areng ly nang parai nai ne! mymy i miseaung nang nai ly atho kanga bo,” nanai avawvawrei aeu u sy.

SAM 51:18

Aw Tameuh, Zion mary ai pahen iy sabawm kyh ba; Jerusalem mary apaichi ai so pi teang kyh ba.

THEU NAI 28:29

“Aron ly Meingtym Kachaira y kun nai khala, tangtaang adangra asavan ai nai tla. Tangtaang adangra y Israela theaungchi i amyn abawi nai deaungkho y Kai, Areng ly kai i khumichi ai kang pany pi jojo ai.

Parip nai leu 7:18

Hini amjy nyhrei ai amkyn ba. Nang ly Tameuh ai jei kaji nai khumi ne baly, ati py ne sy, eaung naira nga ai.

ISAIA 56:5

kai teng i dengdairei cho chanauchi tleaung y hawi keh nai amtheaung naira nga u ai. Kai i Achura yhm y py, kai i khumichi theung y py, tami pajau y nai amyn nga ai. Khumichi ly nangchi ai mana khala py tami ai ny y,” napi.

Levi 2:2

Aron i chapo pathyp pi nai keungchi teng y syn pi ai nai tla. Kalop amsi nai pathyp pi nai keung ly tako dei angsorei, asitui hawi mui kahawichi syn iy, maicham salo y leng patlum ai nai tla. Huna nai kapathyp ly Areng ai pany jo nai katalamra ne. Hini talam nai mui kahawi ai ly Areng my kawn pi nai ne.

Levi 24:7

Areng teng talam nai ka-ma-ra y tako phi pajyn nai lam hareira y rimui kahawi tangcheng khai ai nai tla.

ZEKHARIAH 6:14

Huni areng lukhym py Areng i Achura yhm y Heladai, Tobijah, Jedaih hawi Josiachi ai tahm pasang nai ka-ma-ra harei lawm ai,” napi.

Kati Nai 10:10

Huni bo y amo theu nai pawi, napi nai lo si pawichi hawi takhra reita pawichi sa naira y leng patlum nai kapathypra hawi, leunghawi kapathypra talam nai khala y, nangchi ly bawchi eng u ai nai tla. Naibaly kai ly nangchi ai sabawm ai. Kai ly nangchi i Areng Tameuh ne,” napi.

AMTAW 10:31

“Kornelia, nang i chiu sa nai ly tangai bo, naibaly nang i ami teng y atiti pei reng naichi py Tameuh i mo y pany jo naira lawn ai nai tym na a.

AMTAW 10:4

Naibaly Kornelia ly mymy ai khen ryry, naibaly jei i, “Areng, ati mo?” napi. Naibaly ni my ly mymy teng y, “Nang i chiu sa nai hawi nang i atiti pei reng naichi ly pany jo naira lawn ai nai Tameuh i mo y tym kalau bo.

AMTAW 8:21

Hinira y ly nang abawi y leang, abi py abi y leang; nang i paleung ly Tameuh i dawn naira y hawi y leang.