NEHEMIA 2:17 - Khumi Common Language Bible

¹⁷ Na i py vai kai ly nichi teng y, “Jerusalem mary ly phra seaungkhrang bo i, mary apaichi py atlym pawn nai deaungkho y, achi mana tanrei rai naira avum mo, nanai nangchi pany u bo; achi kangji ngo bi y ai nai mary apaichi palum u teang sina,” nanai thui pi.

NEHEMIA 2:17 Iomraidhean Croise

EZARA 9:9

Kaichi ly miseaung achei i py, nang ly kaichi ai miseaung ne i py khai su y leang. Nang ly Pasia empara i mo y kaichi ai meimai nga hai iy tlang heng ai nai hawi, phra seaungkhrang nai Achura yhm sa palum teang ai nai nga nai hawi, Juda pri Jerusalem mary y phrumai by y pa-rei awm ai nai pei nai ne.

NEHEMIA 1:3

Nichi my kai teng y, dei kamthum mychi pri y tym u nai khumichi ly khri pa-rei patang naira avum nai hawi, tengpang sahawi i cheng takhrachi my tahm khai y naira avum nai satangchi py ang thui pi. Naibaly Jerusalem mary apaichi phra naimy awm jo nai py, apai katheuchi py mai my kang nai khala i dengdai vaini khrairei palum teang y rai nai satangchi py ang thui pi.

NEHEMIA 2:13

Kaichi ly nidym leaunghawi katheu pa-kho mang theu iy, tokalawi naka tui sampum tako prei i, anyn angso aphi nai katheu pa-kho ryrei katako u; huna khala khutawi y leang rai. Kai ly hina nai kamta tako i, anawi seaungkhrang nai apaichi hawi, mai my kang iy phra nai mary katheuchi ai kakhen bo.

NEHEMIA 2:16

Kai ly ma y chei mo, ati kasa mo, nanai mary theung y awm nai miteaung keh ami py pany y. Kai ly vaini khrairei hini molam y Juda cheng pathyp pi nai keungchi, lu sa naichi, miteaung kehchi hawi kai i kalopra y abawi iy sa ai nai khumi takhrachi teng y py, kathui pi y leang rai.

NEHEMIA 3:15

Kolahozeh i chapo, Mizapa ka-peang ai peang nai keung Shalum ly tuipum katheu pa-kho palum teang iy amphu tabiu i, katheu dawnchi, katheu angtleangrachi hawi, katheu lengteaungchi tai; ni ly samrang i akho sahawi, Siloh tuikanra i mary apai ai Davida i mary khaileira tym pa-rei sa nai ne.

SAM 102:15

Khumi bawibawichi ly Areng ai jei kaji naimy awm u ai; khaileaung pri i samrang bawibawichi ly nang i sa thai naira ai jei kaji naimy tahm khai u ai.

SAM 44:13

Kaichi i tlang tleaung y nang i sa naichi ai yhm deaungpachi ly niu i, kaichi ai preaung iy panui hai u bo.

SAM 44:14

Nang ly kaichi ai khumi cheng cheaungkhangchi my, mei aniu y ai nai lawm hai bo; nichi ly kaichi ai tahm khai y nai lu thiu hai u bo.

SAM 79:12

Aw Areng, nang ai mei aniu y nai leu thui u nai prichi ly phy saryhrei mei aniu y naira avum hai ba.

SAM 79:4

Tengpang sahawi y awm nai prichi my ly panui hai iy thui preaung u nai ne.

JEREMIA 24:9

Kai ly khaileaung pri y awm nai khumi cheng cheaungkhangchi kaso tahyn theu na pa-rei ka-jei awm parai nai, nichi i tlang tleaung y tym hai ai. Nichi i satang ai ly amnui tabu lawm hai ai. Nichi ai ahei hai nai meingtym ngiereichira y py, nichi i amyn y teaung iy, pasawi patau u ai.

TANGAM NAI LEU 2:2

Areng ly pahen y naimy Juda avang bawibawichi ai taphra pawn iy, Juda pri ai khaw hai nai amtangrachi py, panawi seaungkhrang vui bo. Mymy ly hu y peang nai keungchi hawi, pri ai py tahm anem hai vui bo.

TANGAM NAI LEU 3:51

Kai ly mary theung i neampachychi i tlang tleaung y tym nai leaungsaichi niu nai molam y, kai i paleung phra nai ne.

Ezekiela 5:14

Tengpang sahawi i khumi cheng bawibawichi ly nang i sahawi mang aleaung u nai khala, nang i phra nai sai ai khen iy labeaung ang pi hai naimy asyn u pawn ai.

MIKHA 7:11

Jerusalem mary i khumichi awi, mary apaichi ai kangtha sa palai nai neng tym bo. Huna nai khala y nangchi i khu ka-peang ly kau ai.

1 SAMUELA 11:2

Nahasa my, “Israela cheng verei tahm anem hai ai nai, nangchi i lamtang mei ngierei thapiu vui khala naini, nangchi hawi amkawm nai sumneang akhai pajau ai,” napi.