NEHEMIA 2:13 - Khumi Common Language Bible

¹³ Kaichi ly nidym leaunghawi katheu pa-kho mang theu iy, tokalawi naka tui sampum tako prei i, anyn angso aphi nai katheu pa-kho ryrei katako u; huna khala khutawi y leang rai. Kai ly hina nai kamta tako i, anawi seaungkhrang nai apaichi hawi, mai my kang iy phra nai mary katheuchi ai kakhen bo.

NEHEMIA 2:13 Iomraidhean Croise

2 NENG SATANG 26:9

Uzia ly mary apai takira i pa-kho, leaunghawi katheu pa-kho hawi mary apai takichi salo y angdeangrachi sa nai hawimy, Jerusalem mary ai khaw hai nai ne.

NEHEMIA 1:3

Nichi my kai teng y, dei kamthum mychi pri y tym u nai khumichi ly khri pa-rei patang naira avum nai hawi, tengpang sahawi i cheng takhrachi my tahm khai y naira avum nai satangchi py ang thui pi. Naibaly Jerusalem mary apaichi phra naimy awm jo nai py, apai katheuchi py mai my kang nai khala i dengdai vaini khrairei palum teang y rai nai satangchi py ang thui pi.

NEHEMIA 12:31

Kai ly Juda luchi ai mary apai salo y angym hai iy mary amki i, Tameuh teng y kawn nai leu thui ai nai kamkawm pui nyhrei ai lu sa hai bo. Angchei kamkawm harei ly anyn angso katheu pa-kho mang y lu amhi naimy, mary apai salo y lamtang ka-mi amki u.

NEHEMIA 2:12

huni bo y kai ly Jerusalem mary ai mana kasa ai mo, nanai Tameuh my kai teng y pany hai nai saichi ly ami teng y py kathui pi y naimy vum anenghyh khala ang thau i, ahawi phyreichi ai palau iy mary angam mang y theu bo. Kaichi ly kaimy i atang nai keaungngo kano kasau bo baly, ati sai py syn y nai ne.

NEHEMIA 2:15

kai ly Kidron leaunghawi theung mang y satla kathiu prei i, keaungngo kano kasau atang iy mary apai kakhen prei nai ne. Naibaly kai ly huni lam mang vawi ali teang iy, leaunghawi apai pa-kho mang dengdairei mary theung y kun teang bo.

NEHEMIA 2:17

Na i py vai kai ly nichi teng y, “Jerusalem mary ly phra seaungkhrang bo i, mary apaichi py atlym pawn nai deaungkho y, achi mana tanrei rai naira avum mo, nanai nangchi pany u bo; achi kangji ngo bi y ai nai mary apaichi palum u teang sina,” nanai thui pi.

NEHEMIA 2:3

“Samrang nang ly deungtasarei heng sau na sy; kai i amsichi ai up nai mary ly phra seaungkhrang bo i, mary apaichi py mai y kang pawn nai deaungkho y, kai ly mana nai meimai kahawi awm pajau ai mo?” kanapi.

JEREMIA 5:10

Kai ly paleung ka-echi ai kapato iy, nichi i kreip akhochi taphra hai ai. Na i py kreip keungchi myh pa-rei ly taphra hai ai ny y. Kreip changpichi ly kaimy peang y nai deaungkho y, hunichi ateng pawn ai nai paleung ka-echi teng y kaimy leu pei ai.