NEHEMIA 2:10 - Khumi Common Language Bible

¹⁰ Na i py Beth Horon mary i Sanbala hawi, Ammon pri ka-peangra i miteaung keh Tobiah nini ly Israela chengchi ai kahawi sa ai nai khumi leaungrei ang tym, nanai thai baly nini ly khri pa-rei kado theu hawi bo.

NEHEMIA 2:10 Iomraidhean Croise

NEHEMIA 13:1

Naibaly huni kani y Mosi i Reita leu pei nai ai khumichi i mo y phain u i, Ammon chengchi hawi Moba chengchi ai, Tameuh i khumichi theung y mana khala py tabawi pajau y, nanai leu sai tym bo.

NEHEMIA 13:28

Jojada ly pathyp pi nai keung kalen keh Eliashib i chapo ne. Na i py ni i chapo leaungrei ly Beth Horon mary i Sanbala i chaniu hawi yhmtheaung sa nai deaungkho y, kai ly Jojada ai Jerusalem mary i nai kapatheu vui bo.

NEHEMIA 13:4

Achura yhm vawnsai khaira takunchi kry nai pathyp pi nai keung Eliashib ly Tobiah hawi ahawi amrawi nai deaungkho y,

NEHEMIA 2:19

Naibaly huni satang ai Sanbala, Tobiah hawi Arab cheng Keshemchi my thai u nai khala y, kaichi ai ang panui hai nai tarawi y nichimy thui nai ly “Nangchi i katau ly ati mo? Nangchi ly empara samrang ai tiu u nai a?,” ang napi u.

NEHEMIA 4:7

Sanbala, Tobiah hawi Arab cheng, Ammon cheng, Asadod chengchi ly Jerusalem mary sa palum nai kalop amcheang nai satang hawi, mary apai phra nairachi pathyp dudu nai satang py, thai u nai deaungkho y khri pa-rei kado theu u.

NEHEMIA 6:1

Kaichi ly mary katheuchi tai y rai teu i py mary apai sa pajau nai satang py, mary apaichi khovau nai meingtymchi by y nai satang py Sanbala, Tobiah, Keshem hawi takhra paleung ka-echi thai u bo.

NEHEMIA 6:16

Hini satang ly tengpang sahawi prichira y awm nai, kaichi i paleung ka-echi my thai nai khala ly mymychi tahm anem bo, nanai apany u bo. Ati mana nai mo na baly hini kalop amcheang vui nai ly Tameuh my sabawm nai saho y ne, nanai khumi luteng pany nai deaungkho y ne.

ESTHER 10:3

Juda cheng Modekai ly samrang Ahasuru bo baly, pri ka-peang theung y haiho lenkeh nai khumi ne. Ni ly Juda chengchi my khrei iy tahm khai nai khumi py ne. Ni ly mymy i khumichi hawi ai nai hawi, mymy i katu chanauchi chymme ai nai sa pi nai khumi ne.

SAM 112:10

Khumi aso y naichi ly huni atitichi niu nai khala y kado theu ai i, ho akachai naimy tama u pawn ai; nichi i kangai ly phra ai.

LEU KACHENG 27:4

Kado theu nai paleung ly ana patheng nai ka-dawn, taphra ai ngai nai paleung ka-dawn awm nai ne. Na i py paleung angai y nai ly hunichi tleaung y hawi y keh.

LEU KACHENG 30:22

samrang lawm nai miseaung, kajeu kawi pa-rei cha ai nai ngai nai khumi ka-khum,

Parip nai leu 10:7

Miseaungchi ly keaungngo atang u iy, samrang i bangtangchi ly miseaungchi kamta kheu hawi tako nai kaniu.

ISAIA 15:5

Kai ly Moba pri i vui vo tangam bo! Mipuichi ly Zorath mary Ekalath Shelishija ryrei preang u. Phyrei khumichi ly meikatui tla naimy, Luhith mawi lam kataw lyn u bo. Phyreichi ly paleung si vo hang naimy, Horonam mary mang y preang u nai ne.

JEREMIA 41:10

Hunaibaly Ismaela ly Kedalia i kry nai anui y awm ai nai, tavailu areng Nebuzaradan my au nai samrang i chaniuchi hawi, Mizapa mary y awm rai nai khumi bawibawichi ai patiu iy, Ammon pri mang y langheng hawi be nai ne.

JEREMIA 48:34

“Hesabon mary hawi Elealeh maryra i khumichi vo nai raawi ly Jaha mary y tym pa-rei thai u nai ne. Huni raawi ly Zorath mary, Horonam mary hawi Ekala mary i dengdairei py thai pajau. Nimarim micheaung tui py kang veng bo.

JEREMIA 48:5

Luhith mawi akham lam jeungrei y nichi i vo sang-eng nai katyn hawi, Horonam mary mang y satla nai angthiu lam jeungrei y, paleung bi naimy aeu nai raawichi py tangai u.

AMTAW 4:2

Isu deaungkho y kadeichi theung i nai angthau bi nai leu thui pi nai y py nichi ly khrikhri pa-rei paleung hawi y parai.

AMTAW 5:24

Naibaly achura yhm kalen pui typ nai lu hawi, pathyp pi nai keung kalenchi ly huni leu thai i, “Hini ly mana tanrei ahei ai mo?” nanai nichi i molam y khrikhri pa-rei paleung bi.